Artisti çek krijon portrete çeliku me anë të flakës (FOTO)

10 Gusht, 2017 - 2:18 pm

Ladislav Vlna, një piktor metalurgjik, nga Republika Çeke – Praga, përdorë një teknikë unike në pikturat e tij. Vlna ngjyrosë me anë të zjarrit, duke e ngrohë çelikun në temperatura të larta, kështu ai arrin të krijojë ngjyra të ndryshme në veprat e tij, përcjellë KultPlus.

Artisti 40-vjeçar, fillon me pikturimin e një drafti mbi një sipërfaqe çeliku dhe pastaj gdhend, mpreh dhe ngjyros imazhin themelor dhe krejt në fund me anë të flakës krijon ngjyrën përfundimtare, çka u jep veruarve të tij një pamje shumë unike, shkruan ‘Reuters’, përcjellë KultPlus.

‘Unë po pikturoj duke përdorur zjarrin në vend të një brushe pikturimi. Me anë të zjarrit unë arrij t’i nxjerrë ngjyrat nga brendësia e çelikut’, ka thënë Ladislav Vlna për ‘Reuters’.

Pamja e secilës pikturë ndikohet nga drita që reflektohet në sipërfaqen e metalit në të cilin është punuar.

‘Piktura e vendosur në të njëjtin vend duket e ndryshe në mëngjes dhe në mbrëmje, në varësi të ndryshimit të dritës”, tha krijuesi i këtyre veprave artistike.

Artisti çek, Ladislav Vlna ka kaluar 15 vite duke përsosur teknikën e tij të veçantë. Një pikturë e tillë atij i merr një javë kohë. Ladislav Vlna i shet veprat e tij unike me çmim deri në 8 mijë euro. /KultPlus.com

Të ngjajshme