25 Korrik, 2017 - 7:54 pm
Përgjatë ditëve 28-31 Korrik 2017 në një ndër qytetet më të vjetra dhe si qendër kulturor të Kosovës në qytetin e Prizrenit nën organizimin e shoqatës të strip artistëve kosovar “Xhcomic”do të mbahet edicioni i 14”të me i festivalit ndërkombëtar të stripit,karikaturës dhe të satirës.
Edicioni i 14”të i festivalit ndërkombëtar të stripit dhe të karikaturës përbëhet prej dy temave të posaçme, tema për strip është e lidhur me historinë kosovarë “HISTORIA E LEGJENDAVE KOSOVAR” dhe tema ngacmuese dhe shumë domethënëse për karikaturë dhe satirë është “ BARAZIA GJINORE”.
Puna e palodhur dhe shpresa ka dhënë fruta marramendëse të suksesit , ku në këtë edicion kanë mbërritur 2978 punime nga 671 artistë prej 86 shteteve. Vetë pjesëmarrja dhe interesimi i artistëve vendorë dhe botëror paraqet suksesin dhe peshën e festivalit në platformën botërore.
Festivali ka qëllimin e paqes të së nesërmes dhe të bashkëpunimit të ndërsjellët me artistët botëror duke shkëmbyer eksperiencat , për të ndarë miqësinë,të ndjejnë shijen e lirisë së artit kosovar dhe atë botëror. Me këtë edicion jemi të asaj shprese që pas 14 viteve jemi në një karvan të mirëfilltë ,me shpresë që ky karavan do të ece edhe për shumë vite duke ekspozuar kulturën dhe historinë kosovar dhe duke dhënë shpresa të reja për artistët e rinj.
Përgjatë 4 ditëve të festivalit do të behet ekspozimi i 320 punimeve dhe do të mbahen punëtoritë katër ditorë. Hapja e ekspozitës do të bëhet më datën 29 Korrik 2017 në ora 19:30 galerinë e gazi Mehmet Pashës “HAMAM” në Prizren,ku do të jenë të pranishëm edhe artistët vendorë dhe botërorë si :
Vehap Kokalari (Shqipëri)
Yasar Firat (Turqi),
Devrim Kunter (Turqi),
Erdogan Karayel ( Gjermani),
Vesna Nichevska (Maqedoni),
Darko Bogdanov (Maqedoni),
Jordan Kocevski (Maqedoni) ,
Alla dhe Chavdar Georgievi (Bulgari),
Tchavdar Nikollov (Bulgari),
Christo Komarnitski (Bulgari),
Vjekoslav Bojat ( Mali i zi),
Nenad Ostojic (Kroaci),
Faton Kryeziu ( Kosovë),
Erdina Fetahu ( Kosovë),
Dilara Kogjakatët (Kosovë),
Gani Sunduri (Kosovë),
Ardita Shehu (Kosovë).
