Ylli amerikan i pop-it, Taylor Swift deklaroi se  mbështet kandidaten presidenciale demokrate, Kamala Harris në zgjedhjet e ardhshme në SHBA.

Menjëherë pasi një debati televiziv midis Harris dhe kandidatit republikan, Donald Trump, ajo hyri në Instagram për të bërë publike mbështetjen e saj.

“Unë do të jap votën time për Kamala Harris dhe Tim Walz në zgjedhjet presidenciale 2024”, shkroi Swift.

Ajo po votonte për Harris “sepse ajo lufton për të drejtat dhe kauzat, besoj se ka nevojë për një luftëtare për t’i mbrojtur ato”.

“Unë mendoj se ajo është një udhëheqëse e palëkundur, e talentuar dhe besoj se mund të arrijmë shumë më tepër në këtë vend nëse udhëhiqemi nga qetësia dhe jo kaosi”, shtoi Swift

Swift shtoi se ajo ishte “shumë e emocionuar dhe e impresionuar” nga përzgjedhja e Walz nga Harris si kandidate.

“Kam bërë kërkimin tim dhe kam bërë zgjedhjen time. Hulumtimi juaj është i juaji për ta bërë dhe zgjedhja është e juaja për ta bërë”, u tha ajo fansave të saj.

Swift tha se ajo u nxit të bënte postimin, pasi u bë e vetëdijshme për përhapjen e dezinformatave rreth saj.

“Kjo më solli në përfundimin se duhet të jem shumë transparente në lidhje me planet e mia aktuale për këto zgjedhje si votuese. Mënyra më e thjeshtë për të luftuar dezinformimin është e vërteta”, shkroi ajo.

Ajo nënshkroi postimin, i cili shfaqte një foto të këngëtares duke mbajtur një mace.

“Taylor Swift, zonja mace pa fëmijë”, një referencë ndaj komenteve përçmuese të bëra nga kandidati republikan për zëvendëspresident, JD Vance, për gratë pa fëmijë.

Në vitin 2023, një postim në Instagram nga Swift që u kërkoi fansave të saj të siguroheshin se ishin regjistruar për të votuar, shkaktoi një rekord 35 252 regjistrimesh të reja.

Ajo ka mbështetur më parë presidentin amerikan Joe Biden në fushatën presidenciale 2020./atsh/ KultPlus.com