Shpëtim Saraçi dhe Mira Konçi largohen nga Shqipëria, arsyet janë këto

Gusht 7, 2017 - 9:59 am

Një tjetër artist që ka lënë gjurmë në muzikë ka vendosur që të braktisë Shqipërinë. Bëhet fjalë për kompozitorin Shpëtim Saraçi dhe bashkëshorten e tij, Mira Konçi.

Të dy artistët kanë vendosur që të largohen drejt SHBA-ve. Ka qenë vetë Saraçi ai që për ‘Panorama’ ka shpjeguar arsyet e këtij vendimi.

Ai shprehet i zhgënjyer për shkrirjen e redaksisë ku ai punonte në RTSH bashkë me Alfred Kaçinarin dhe Edmond Zhulalin.

Ai shton se ky vendim ka të bëjë edhe për të ardhmen e fëmijëve të tyre, për t’u dhënë një mundësi më të mirë shkollimi atyre në Amerikë.

“Ajo që është e sigurt është që po mundohemi të ndihmojmë fëmijët të shkollohen në një sistem arsimor të konsoliduar dhe jemi në kohën kur çdo familje në botë e bën këtë gjë… Për të tjerat, çdo gjë është fakultative. Di që departamentin e punës në RTSH, që drejtoja, na e shkrinë në emër të krijimit të ca strukturave të reja që nuk ekzistojnë në asnjë vend të botës.

Di që megjithëse punova me gjithë shpirt e pasion, për rreth 30 vite në Shqipëri, prapë se prapë përfundova duke mbrojtur të drejtën time nëpër gjyqe. Megjithatë, njerëzit e vendit tim i dua dhe i respektoj pafund”, u shpreh Saraçi.

Të ngjajshme