Tenori Agim Hushi reagon pas ofendimeve që i mori nga shqiptarët

Gusht 6, 2017 - 8:29 pm

Një koment i postuar në rrjetet sociale nga tenori i njohur Agim Hushi, krijoi një valë të gjerë urrejtje.

Dy ditët e fundit, ai është përfshirë në debate të shumta me ndjekësit në rrjetet sociale, por sot ka zgjedhur që të tregojë se si e ka përjetuar këtë situatë. Ai i është drejtuar me maturi çdo komenti kritik, duke i bërë me dije se si puna e tij, mendon çdo shqiptar, në çdo cep të botës. Tenori u ka dhënë një “shuplakë” të gjithë njerëzve, të cilët e shanë në rrjetet sociale, duke u thënë se nuk u intereson mendimi i tyre.

“Të dashur miq
Është e pabesueshme e gjitha kjo!
Nuk mund ta besoj akoma, se si një postim personal për miqtë e mi, me dashurinë dhe reagimin e natyrshëm njerëzor të kthehet në një agresion të verbër, ku mungesa e arsyes, cmira e zeze dhe instikte të një gjykimi balkanik të hedhin baltë mbi një njeri dhe jetën e tij pa asnjë shkak ose për shkakun e vetëm se foli sinqerisht për një klasë politike që po e bënte të ikte atë dhe mijëra bijë dhe bija të tjerë.

Një shoqëri që nuk ngurron të hedh baltë vetëm se ka lexuar gazetën, bile arrin deri aty sa që një “filozof” shkruante se kisha pështyrë atdheun megjithëse kur e pyeta ma trego ku e paskam bërë këtë, mu përgjigj se nuk e kam bërë; një “gazetare” me quan Gimo dhe “lën pushimet” pse paskam thënë që më vjen turp që jam bashkëkombas me hajdutët e popullit tim, paskam bërë tradhti pse më dhemb që populli im është përdorur nga politika!
Po të ishte ndryshe, kush e mban këtë klasë politike mbi kokë?

Ndërkohë mijëra e mijëra mesazhe mbushen inboxin tim me suport dhe dashuri. Nuk gjej fjalë si ti falenderoj. Por do të doja që dhe ata që ndoqën turmën dhe më “mallkuan”, të rishikojnë me qetësi fjalët e mija dhe ta kuptojnë se janë fjalë që i thonë shqiptarët cdo
ditë. S’do doja kurrë të zhgënjeja njeri, por smë interesojnë fare, pasi gjithë jetën jam ndeshur me ziliqarët, cmirëzinjt dhe njerëzit e lindur me sindromën e tmerrit, kur dikush ecën me këmbët e tij dhe prek suksesin! Nuk jam unë natyrisht shkak i vrerit të tyre, as zeri im nëse braktiset plazhi në Shqipëri apo sepse kthehem unë te jetoj ne Sydney.
Ju siguroj se fyerjet e tyre, jo vetëm që sme thyejnë, por më lartësojne dhe me bëjnë krenar se vërtet unë vlej…”, përfundon ai.

Të ngjajshme