Muaj: Janar 2018

Hafsa Zyberi, zëri që e kënaqë shpirtin e zemrën (VIDEO)

Posted on by KultPlus

Një prej këngëtareve që kënaqë zemrën e shpirtin, Hafsa Zyberi për vite ka sjellë këngë dhe emocione që nuk arrin ti fshijë askush.

“S’paske pasë një pikë mëshire”, “Ti pëlqeva ato sy” dhe “Balluket e tuja” janë disa prej këngëve të cilat Hafsa i ka ‘qëndisur’ me zërin e saj magjik.

Folklori shqiptar nuk do të ishte i njëjtë pa Hafsën, njëjtë sikur se këto këngë nuk do të ishin të njëjtat po ti këndonte dikush tjetër.

Afër Bibilit të këngëve të Shqipërisë së Mesme, Hafsës, janë edhe Nexhmije Pagarusha e Fitnete Rexha, secila me një botë tjetër që nuk përtuan ta ndajnë me shqiptarët dhe pasionantët e muzikës.

Ajo është nëna e këngëtares Fatma Zyberi dhe mësuesja e Merita Halilit, mes tjerash. / KultPlus.com

https://www.youtube.com/watch?v=aVae3yi3134

Poezi e Nënës Terezë për gruan

Posted on by KultPlus

Vargje të shkruara nga Nënë Tereza

Mos harro se lëkura rrudhet,
e flokët mbulohen me borë;
Ditët bëhen vite…
por më e rëndësishmja
nuk ndryshon kurrë!

Forca jote e bindja jote s’njohin moshë.
Shpirti yt e shtrin pëlhurën e merimangës
që mosha ta endi mbi fytyrë!

Pas çdo pikarritje, ka një pikënisje.
Pas çdo suksese, një zhgënjim.
Përderisa je gjallë, gjallëro!

Në qoftë se të mungon çka bëje më parë,
bëje përsëri,
mos rri duke parë fotografi
të zverdhura nga koha!
Mos e lerë të ndryshket hekuri
që ke brenda vetes.

Sillu në mënyrë që, në vend të mëshirës,
të gëzosh respekt.
Kur të rëndojnë vitet e s’mundesh më të vraposh,
ec shpejt.
Kur s’do të mundesh as të ecësh shpejt,
ec!
E kur as të ecësh s’do të mundesh,
përdore shkopin e shko…
Veç për t’u ndalë,
ti kurrë mos ndalo!

Akademik Rexhep Ismajli, anëtar nderi i Shoqatës së Linguistëve të Amerikës

Posted on by KultPlus

Akademik Rexhep Ismajli është zgjedhur anëtar i përhershëm nderi i Shoqatës së Linguistëve të Amerikës (Linguistic Society of America (LSA) që është institucioni më i rëndësishëm shkencor për çështje të gjuhësisë.

Njoftimi është dërguar të martën nga drejtoresha ekzekutive e LSA-së Alyson Reed. Akademik Ismajli do t’i ketë të përjetshme statusin dhe përfitimet e anëtarësisë.

“Kushtetuta jonë thotë se ‘një studiues i huaj i shquar në fushën e studimeve gjuhësore e që nuk është banor i SHBA-së, mund të zgjedhet anëtar nderi i Shoqatës, në bazë të rekomandimeve të Komitetit Ekzekutiv’”, ka shkruar drejtoresha Reed në letrën e njoftimit për anëtarësimin e Ismajlit.

Linguistic Society of America (LSA) është themeluar më 1924 dhe shërben për promovimin e studimeve shkencore në fushën e gjuhësisë. Është pandan i Akademisë së Shkencave për çështje të gjuhësisë. Boton dy revista, ndër më prestigjiozet në botë: “Language” dhe “Semantics and Pragmatics”.

Rexhep Ismajli (1947) është anëtar i ASHAK-ut që nga viti 1993. Ndër anëtarët e tjerë të nderit të LSA-së janë disa nga autoritetet më të mëdha të gjuhësisë botërore përfshirë: Michael Halliday, John Lyons, Randolph Quirk, Wolfgang Dressler e Peter Trud. / KultPlus.com

Cilin libër nga Fatos Kongoli e pëlqeni më shumë?

Posted on by KultPlus

Për Fatos Kongolin, është më mirë të flitet pak, se vetë librat e tij flasin shumë.

Një prej atyre shkrimtarëve që nuk e do fort kamerën dhe paraqitjet, por më shumë penën e shkrimit dhe fletën e bardhë, Fatos Kongolin e kemi takuar shpesh në personazhet e tij.
Shumë prej nesh, kemi pasur fatin të lexojmë diçka nga imagjinata e mendjes së tij, shpalosur në personazhet e librave të tij.

I nisur për matematicient, një shkrimtar si Kongoli nuk është rastësisht në vendin letrar shqiptar, aty ku edhe përket.

I lindur në Elbasan në vitin 1944, Kongoli ka nisur të shkruajë në vitet 70-të, dhe me të njëjtin zell duket se vazhdon të shkruajë edhe sot. Derisa e pyesim lexuesin tonë se cili libër i Kongolit është më i pëlqyer, i sjellim këtu tre libra të Kongolit, prozë që ja vlen të lexohet për ti zbuluar historitë që më pas do të na mbesin në mendje gjatë.

I HUMBURI
Romani hapet me përshkrimin e ikjes së mijëra shqiptarëve, në mars të vitit 1991, nga Shqipëria. Ikje jo aq nga rreziku i persekutimit policor, ngase regjimi totalitar ishte në shembje e sipër, sa nga vendi ku ishin shtresëzuar pasojat e sundimit të këtij regjimi. Libër i vitit 1992, “I humburi” është një libër politik që vë në pah, me anë të mjeteve letrare, botën e personazheve kongol-iane. Njëri nga këto mjete ka të bëjë me figurat e ndryshme të kafshës dhe lidhjet e tyre me trajtat e vdekjes që shpalosen në këtë roman.

JETË NË NJË KUTI SHKREPËSESH
296 faqe që do të duhet ti lexojmë sa më mirë e më ngadalë. Autori kërkon rrënjët e skizofrenisë kolektive, që ka shoqëruar dhe vazhdon të shoqërojë ecjen e shoqërisë së sotme shqiptare, veç të tjerash, edhe në përmasat e ndrydhura të hapësirave të saj të jetesës. “Hapësirën njeriu e ka brenda vetes. Edhe lirinë, apo mungesën e lirisë. Mund të them se unë sot gjej lirinë time vetjake. Kaq”. Diku, në një apartament luksoz, në një prej pallateve të larta më të reja të kryeqytetit ndodh një krim. Vrasësi është një gazetar, pronar i apartamentit, i cili, pas një bashkëjetese prej dy vjetësh, sapo është ndarë me mikeshën e tij, gjithashtu gazetare, drejtuese e një emisioni të përjavshëm televiziv me VIP-a. Romani zhvillohet në dy kohë.

ILUZIONE NË SIRTAR
Ky “pothuajse roman”, me personazh qendror vetë autorin, na sjell pamje të papërsëritshme epokash, të djeshme dhe të sotme, dhe një varg protagonistësh të letërsisë shqipe, të kulturës, arteve dhe politikës etj., ashtu siç i ka njohur autori, që nga fëmijëria e hershme e deri më vonë, në kohë të qeta dhe të trazuara, gjatë periudhës së diktaturës e pas saj. Për herë të parë Kongoli i kthehet këtu disa episodeve traumatike e të rëndësishme në jetën e tij. / KultPlus.com

“I inkurajoj bizneset dhe të interesuarit që të sponsorizojnë në kulturë…”

Posted on by KultPlus

Ministri i Kulturës, Rinisë dhe Sportit, Kujtim Gashi, ka nënshkruar Rregulloren për përcaktimin e kritereve, procedurave dhe formës për vërtetimin e sponsorizimit në fushën e kulturës, rinisë dhe sportit, përmes së cilës përcaktohen kriteret e përgjithshme dhe të veçanta për sponsorizime, lëshimin e vërtetimit dhe formën e tij si dhe procedurën e raportimit vjetor për sponsorizimin e realizuar.

Sipas rregullores parashihet që dhënësit e sponsorizimit, të cilët mund të jenë persona juridik ose fizik, vendor apo të huaj, aktivitetin e tyre duhet ta kenë të regjistruar, licencuar dhe fiskalizuar ndërkaq përfituesit qofshin ata fizik apo juridik, të këtij sponsorizimi duhet të jenë të regjistruar nëpër organizatat, institucionet përkatëse për kulturë, rini dhe sport qoftë në nivel lokal apo qendror.

Ministri Kujtim Gashi e cilësoi këtë akt nënligjor jashtëzakonisht të rëndësishëm i cili do të ndikojë drejtpërsëdrejti në përkrahjen më të madhe të aktiviteteve që planifikohen të organizohen në fushat e kulturës, rinisë dhe sportit.

“Përmes kësaj rregulloreje qartësohet mënyra dhe procedurat e sponsorizimit për ata që duan ta bëjnë një gjë të tillë. I inkurajoj bizneset dhe të interesuarit e tjerë që të sponsorizojnë në kulturë, rini dhe sport, sepse kësisoj do të rritet numri i aktiviteteve dhe do të avancohen këto fusha. Synojmë që përmes kësaj politike të re do të ngritët edhe cilësia”, tha ministri Gashi. / KultPlus.com

Ka vdekur aktori i Tinky Winky në serialin për fëmijë “Teletubbies”

Posted on by Kult Plus

Ka ndërruar jetë në moshën 51 vjeçare., aktori që ka luajtur rolin e Tinky Winky në serialin “Teletabbies”.

Miq dhe të afërm të aktorit kanë deklaruar se Simon Shelton Banners ka ndërruar jetë papritmas.

Babai i tre fëmijëve, Simon Shelton Barnes, ishte një balerin dhe një koreograf i shkëlqyer, para se të merrte rolin në serial, transmeton tch.

Tinky Winky është dalluar nga rolet e tjera sepse pas vetes gjithmonë merrte një çantë ngjyrë rozë.

Për aktorin e talentuar kanë shprehur keqardhjen e tyre mijëra fansa në të gjithë botën./ KultPlus.com

Lista e plotë e nominimeve për Oscar 2018, The Shape of Water me 13 nominime

Posted on by Kult Plus

Pas disa muajsh pritje, më në fund u shpallen nominimet për Oscar të këtij viti.
Filmi “The Shape of Water” me regji tw Guillermo del Toro ka marrë gjithsej 13 nominime, shkruan KultPlus.

Tiffany Haddish dhe Andy Serkis shpallën nominimet, ndërsa po sjellim listën e plotë të tyre:

Fotografia më e mirë:
Call Me By Your Name
Darkest Hour
Dunkirk
Get Out
Lady Bird
Phantom Thread
The Post
The Shape of Water
Three Billboards

Regjisori më i mirë:
Jordan Peele, Get Out
Christopher Nolan, Dunkirk
Greta Gerwig, Lady Bird
Paul Thomas Anderson, Phantom Thread
Guillermo del Toro, The Shape Of Water

Aktorja më e mirë:
Sally Hawkins, The Shape of Water
Frances McDormand, Three Billboards
Margot Robbie, I, Tonya
Saoirse Ronan, Lady Bird

Aktori më i mirë:
Timothee Chalamet, Call Me By Your Name
Daniel Day-Lewis, Phantom Thread
Daniel Kaluuya, Get Out
Gary Oldman, Darkest Hour
Denzel Washington, Roman J. Israel, Esq.

Aktori më i mirë në rol dytësor:
Willem Dafoe, The Florida Project
Woody Harrelson, Three Billboards Outside Ebbing, Missouri
Richard Jenkins, The Shape of Water
Christopher Plummer, All the Money in the World
Sam Rockëell, Three Billboards

Aktorja më e mirë në rol dytësor:
Mary J. Blige, Mudbound
Allison Janney, I, Tonya
Lesley Manville, Phantom Thread
Laurie Metcalf, Lady Bird
Octavia Spencer, The Shape of Water

Skenari origjinal:
The Big Sick
Get Out
Lady Bird
The Shape of Water
Three Billboards

Skenari i përshtatur:
Call Me By Your Name
The Disaster Artist
Logan
Molly’s Game
Mudbound

Filmi më i mirë i animuar:
Coco
The Breadwinner
Ferdinand
Loving Vincent
The Boss Baby

Nominimet për këngën origjinale:
Remember Me (from Coco)
Mystery of Love (from Call Me By Your Name)
This Is Me (from The Greatest Showman)
Mighty River (from Mudbound)
Stand Up For Something (from Marshall)

Dokumentari më i mirë:
Faces Places
Icarus
Last Men in Aleppo
Strong Island
Small Enough to Jail

Dokumentari më i mirë i shkurtër:
Edith & Eddie
Heaven is a Traffic Jam
Heroin(e)
Knifeskills
Traffic Stop

Filmi në gjuhën më të mirë të huaj:
A Fantastic Woman (Chile)
On Body and Soul (Hungary)
The Insult (Lebanon)
Loveless (Russia)
The Square (Sëeden)
Make-up & Hairstyling:
Darkest Hour
Victoria & Abdul
Wonder

Montazha më e mirë:
Baby Driver
Dunkirk
I, Tonya
The Shape Of Water
Three Billboards

Filmi me efektet më të mira vizuale:
Blade Runner 2049
Guardians of the Galaxy Vol. 2
Kong: Skull Island
Star Wars: The Last Jedi
War for the Planet of the Apes

Best Original Score:
Dunkirk
Phantom Thread
The Shape of Water
Star Wars: The Last Jedi
Three Billboards

Filmi më i mirë i shkurtër:
DeKalb Elementary
The Eleven O’Clock
My Nephew Emmett
The Silent Child
Watu Wote/All of Us

Filmi më i mirë i animuar i shkurtër:
Dear Basketball
Garden Party
Lou
Negative Space
Revolting Rhymes

Zëri më i mirë i miksuar:
Baby Driver
Blade Runner 2049
Dunkirk
The Shape of Water
Star Wars: The Last Jedi

Editimi më i mirë i zërit:
Baby Driver
Blade Runner 2049
Dunkirk
The Shape of Water
Star Wars: The Last Jedi
Best Costume Design:
Beauty and the Beast
Darkest Hour
Phantom Thread
The Shape of Water
Victoria & Abdul

Kinematografia:
Blade Runner 2049
Darkest Hour
Dunkirk
Mudboud
The Shape of Ëater

Production Design:
Beauty & the Beast
Blade Runner 2049
Darkest Hour
Dunkirk
The Shape of Water
Meryl Streep, The Post

Ministri Gashi priti në takim njohës këshillin drejtues të AKKV “Shota”

Posted on by Kult Plus

Ministri i Kulturës, Rinisë dhe Sportit, Kujtim Gashi, ka pritur sot në një takim njohës Këshillin Drejtues të Ansamblit Kombëtar të Këngëve dhe Valleve “Shota”, të kryesuar nga Hysni Klinaku.

Në këtë takim u diskutua rreth punës, përgjegjësive dhe bashkëpunimit mes MKRS-së dhe Ansamblit “Shota”.

Ministri Kujtim Gashi vlerësoi punën e deritanishme të Ansamblit Kombëtar të Këngëve dhe Valleve “Shota” në promovimin e kulturës përmes këngëve dhe valleve shqipe.

Ministri Gashi u ofroi përkrahjen e plotë Këshillit dhe në të njëjtën kohë iu kërkoi të jenë aktiv edhe më tutje duke i siguruar që do të jenë të lirë të punojnë dhe të vendosin me profesionalizëm.
Në anën tjetër, Këshilli Drejtues i “Shotës” falënderoi ministrin Kujtim Gashi për pritjen. Ata u shprehën të gatshëm për të bashkëpunuar edhe më tutje me qëllim të realizimit të aktiviteteve kulturore dhe artistike për promovimin e kulturës shqipe./ KultPlus.com

Erzen Shkololli merr timonin e Galerisë Kombëtare të Arteve në Tiranë

Posted on by Kult Plus

Sot Erzen Shkololli, mori detyrën e drejtorit të Galerisë Kombëtare të Arteve në Tiranë.

Ministrja e Kulturës Mirlea Kumbaro, ishe e pranishme në konferencën që u mbajt sot në Tiranë, me ç’rast falënderoi edhe ish drejtorin e këtij institucioni Artan Shabanin. Tutje Kumbaro, vlerësoi lartë Erzen Shkolollin, si një artistë elegant, duke vazhduar tutje të thotë se ndjehet e lumtur që kanë dy prishtinalinjë në drejtimin e kulturës në Tiranë, zv-ministren e kulturës Vlabona Shujakun dhe Shkolollin, shkruan KultPlus.

Ndërsa drejtori i ri i Galerisë së Arteve në Tiranë, Erzen Shkololli, ka thënë se vizioni i tij është të shtyje zhvillimin e artit në skenat ndërkombëtare por pa harruar artin shqiptarë.

Shkololli zëvendëson prej kësaj të marte Artan Shabanin që për katër vite drejtoi këtë institucion.

Shkololli e merr këtë detyrë pas drejtimit të Galerisë Kombëtare të Arteve në Kosovë. Nën drejtimin e tij skena artistike e Kosovës, e izoluar për disa vite, depërtoi përtej kufijve ndërsa kritikët e vlerësojnë edhe për transformimin e plotë të Galerisë ne Prishtine.
Ai në Shqipëri emri i tij është i njohur nga bienalja botërore Dokumenta 14, që këtë vit u zhvillua në Kasel të Gjermanisë dhe në Athinë. Si këshilltar i bienales, shqiptari nga Kosova, prezantoi më së miri artin modern ne një eveniment ndërkombëtare./ KultPlus.com

Disa nga këngët që u bënë më të famshme se filmat (VIDEO)

Posted on by Kult Plus

Në vitin 2017 u festua 20 vjetori i Titanikut, dhe me të edhe lansimi i këngës së Celine Dionit e “My heart will go on”, e që cilësohet si një nga këngët më të rëndësishme të të gjitha kohërave, përcjellë KultPlus.

Kjo këngë bëri që historia e Jack dhe Rose të duket edhe më romantike.Disa janë rritur duke shikuar filma që përcilleshin nga zëri i Whitney Houston, Bruce Springsteen dhe Eminem Në disa raste, këto këngë muzikore tani janë më të famshme sesa filmat në të cilët janë kënduar.

KultPlus po ju sjellës shtatë nga himnet e filmave të dekadave të fundit.

1. Céline Dion, “My Heart Will Go On” Titanic (1997)

Pak këngë kanë suksesin e kësaj këngë që përcolli filmin Titanic, madje sa herë dëgjohet kjo këngë në mendje të dëgjuesve i sjellë skenat e jashtëzakonshme të këtij filmi. Kjo baladë ka shërbyer edhe për mbrëmje të panumërta të vallëzimeve shkollore, dasma, e mbrëmje të tilla. I kënduar nga Céline Dion, kjo këngë mbajti pozitën e parë në mbarë botën, dhe u bë kënga më e shitur e vitit 1998 dhe një nga këngët më të dëgjuara të të gjitha kohërave.

https://www.youtube.com/watch?v=FHG2oizTlpY

2. Aerosmith, “I Don’t Wanna Miss a Thing” Armageddon (1998)

Kënga “ I don’t wanna miss a thinj”, është një baladë e fuqishme e interpretuar nga grupi amerikan hard rock “Aerosmith” për filmin e vitit 1998 “Armageddon”, që luajti bija e Steven Tyler, Liv Tyler. Pavarësisht nga ndjenjat tuaja rreth Aerosmith, kënga ju kujtoi vazhdimisht se sa e trishtuar ishte filmi. Një veprim i vërtetë, duke pasur parasysh se Ben Affleck ka bërë një punë të shkëlqyeshme. Kënga ka mbajtur pozitën numër një për katër javë nga data 5 deri më 26 shtator 1998. Kënga gjithashtu pati pozitën numër një për disa javë edhe në disa vende të tjera.

https://www.youtube.com/watch?v=Ss0kFNUP4P4

3. Eminem, “Lose Yourself” 8 Mile (2002)

Gjashtëmbëdhjetë vite pas faktit, ne ende e kujtojmë filmin “8 Mile” i cili flet për jetën e këngëtarit të njohur Eminem; ai u rrit në një lagje të varfër të Detroit dhe ndoqi ëndrrën e tij tu bërë reper. Filmi mori komente shumë të mira pasi Eminem doli të ishte një aktor i mahnitshëm. Kënga 8 Mile i solli një sukses të jashtëzakonshëm për Eminemin. Ndërsa shitjet e albumeve në përgjithësi ishin në rënie për shkak të çmimeve të larta të CD-ve dhe piraterisë në internet, kjo fonogram dhe albumi i Eminem, The Eminem Show, arritën të shesin miliona kopje. Eminem fitoi çmimin e Akademisë për këngën më të mirë origjinale për këngën”Lose Yourself”.

4. Whitney Houston, “I Will Always Love You” Bodyguard (1992)

Whitney Houston ka kënduar versionin e saj të këngës “I Will Always Love You” për filmin The Bodyguard të vitit 1992. Kënga e saj kaloi 14 javë në krye të tabelës Billboard Hot 100 duke e bërë kështu një nga këngët më të shitura të të gjitha kohërave.Kjo këngë gjithashtu mban rekordin e këngës më të shitur nga një grua në historinë e muzikës. Versioni i Houston i “I Will Always Love You” u rikthye në Listat në vitin 2012 pas vdekjes së saj, duke kryesuar listën e Billboard Hot 100. Kënga është bërë tashmë një himn që këndohet nga shumë këngëtarë të rinj dhe nga shumë artistë të tjerë të rëndësishëm, përfshirë Linda Ronstadt dhe John Doe.

5. R. Kelly, “I believe I can fly” Space Jam (1996)

Kënga “I believe I can Fly” e cila është transmetuar gjatë filmit “Space Jam”, në vitin 1996 mund të konsiderohet kënga më e mirë e R.Kelly. Po ashtu kjo këngë i ka sjellë R.Kelly-t dy çmime Grammy. Kjo këngë e përcjellë ndërveprimin e një lojë basketbolli në hapësirën e famshme nga Looney Tunes dhe Michael Jordan.

6. Coolio, “Gangsta’s Paradise” Dangerous Minds (1995)

Megjithëse Coolio ka publikua një album me të njëjtin emër atë vit, famën më të madhe e mori nga lansimi i këngës “Gangsa’s Paradise” në dramën ku luante Michelle Pfeiffer “Dangerous Minds”, veçanërisht pasi fitoi një MTV Movie Award për Best Rap Video në 1995. Kjo këngë arriti të jetë kënga numër një në 16 shtete (përfshirë SHBA), u emërua këngën nr. 1 në Billboard një vit para se të fitonte çmimin Grammy të vitit 1996 për performancën më të mirë Rap.

7. Lana Del Rey, “Young and Beautful” Great Gatsby (2013)

Kur është fjala për historinë për një njeri të obsesionuar me të kaluarën, është e përshtatshme që Lana Del Rey, një këngëtare me një dëshirë për nostalgji, të japë himnin e këtij filmi. Kënga “Young and Beautful”, e Great Gatsby përmbledh mënyrën e gjetjes së ngushëllimit të personave të cilët kthehen nga lufta – pavarësisht nga trajektoret e tyre dhe realitetet që i kanë larguar ata nga romancat e tyre të gjata. LDR pyet: “A do të më doni edhe mua kur nuk jam më i ri dhe i bukur?”. / KultPlus.com

Uta Ibrahimi, lansoi kampanjën për pushtimin e “14 Majave të Himalajeve”

Posted on by Kult Plus

Alpinistja e parë shqiptare Uta Ibrahimi ka ngritur flamujt shqiptar në majën më të lartë të tokës, Everest 8848. Ndërsa Dita e sotme shënon edhe fillimin e rrugëtimit të saj të për të pushtuar edhe 12 maje të botës, shkruan KultPlus.

Uta Ibrahimi sot përmes një konferencë për media në Qendrën Informative dhe Kulturore të BE-së në Prishtinë nisi fushatën “14 Majat e Himalajeve”. Përmes kësaj kampanje Uta synon mbledhjen e një pjese të donacioneve e cila do të shkon nëpërmjet Kosova Ideas dhe të njëjtën kohë do të shpalosë programin dhe planet e “14 Majat e Himalajeve” të cilat do të nisë ti realizoj këtë pranverë.

Uta do ta filloj ekspeditën e saj për pushtimin e 14 Majave në Himalaje me ngjitjen në majën e katër më e lartë në botë, në majën Lhotce (8516) gjatë muajit prill dhe maj të këtij viti dhe pastaj në majën më të rrezikshme në majën K2 (7,221m) gjatë muajve korrik dhe gusht të këtij viti. Uta Ibrahimi, sot tha se ky projekt do të përcillet me një brend dhe lansim të një ueb faqe, ku do të plasohen online të gjitha ekspeditat e alpinistes Ibrahimi. Ajo tha se ka shume arsye për tu ngjitur në këto maje.

“Menduam që ta vazhdojmë projektin mirëpo kësaj herë i konceptuar pak më ndryshe me një brend “Utalya Himalaya”. Këtë vit plani im është të ngjitem në dy maje të tjera, kam shumë arsye për t’u ngjitur në këto maje, të cilat janë arsye të mijat personale por edhe arsyeje të kombit. Unë e kam kuptuar kur jam kthyer prej Everestit, e kam kuptuar se sa ka qenë e rëndësishme ajo ngjitje, jo vetëm për mua po për tërë popullin shqiptar për shkak se ngjitja e flamurit tonë kombëtar dhe shtetëror i ka bërë shumë njerëz të ndihen krenar”, tha Uta, ku edhe lansoi videon që do ta përcjellë këtë projekt.

“Shpresoj që do të ngjitem dhe do të kthehem përsëri këtu me ju”, pohoi ajo.

Të pranishëm në këtë konferencë ishin edhe shoqatat bjeshkatare nga Gjakova, Prizreni dhe Prishtina e gjithashtu Shoqata Dajti nga Shqipëria si dhe Federata Bjeshkatare Alpine e Kosovës. Uta në përkrahje ka edhe shumë bashkëpunëtor të cilët ndihmuan në realizimin e kësaj kampanje./ KultPlus.com

Edhe Dua Lipa në garë për këngën më të mirë në The Global Awards

Posted on by Kult Plus

Dua Lipa, para pak ditësh ka publikuar këngën e re “IDGAF”, por “New Rules”, vazhdon të mbetet ‘himn’ i fansave të saj.

“New Rules”, vazhdon të pëlqehet e dëgjohet shumë e pikërisht ky sukses i kësaj kënge kaq të kompletuar e ka futur Dua Lipën, në garë për këngën më të mirë në The Global Aëards, shkruan KultPlus.

Dua me “New Rules” nuk është e vetmja shqiptare që është pjesë e kësaj gare të madhe. Para pak çastesh edhe Rita Ora, bëri publike pjesëmarrjen e saj me këngën “Anywhere”.

KultPlus, po sjellë përsëri linkun ku mund të votoni për dy vajzat shqiptare që vazhdojnë të bëjnë krenarë kombin e tyre me suksese të mëdha. https://vote.global.com/ / KultPlus.com

“Vallja e Rugovës” në mes të Gjermanisë (VIDEO)

Posted on by KultPlus

Ansambli i Këngëve dhe Valleve “Shota”, pat shkëlqyer me performancën e tyre në Berlin, në vitin 2011, shkruan KultPlus.

Ata u patën prezantuar me “Vallen e Rugovës”, në Stadiumin e Berlinit, të cilët ishin pjesë e ceremonisë në shënimin e 30-të vjetorit të “Anniversary of the Art of Living”./KultPlus.com


“Anywhere” e Rita Orës në garë për këngën më të mirë në “The Global Awards” (FOTO)

Posted on by Kult Plus

Këngëtarja e famshme me prejardhje shqiptare Rita Ora, ka sjellë këtë verë hitin e saj “Anywhere”. Kësisoj, kjo këngën nga shqiptarja Ora, është nominuar për The Global Aëards 2018, shkruan KultPlus.

Lajmi është bërë i ditur nga vetë Rita, përmes një publikimi në rrjetin social Facebook, ku përveç të tjerash është shprehur shumë e lumtur për këtë nominim.

“Anywhere” është në garë për “Këngën më të mirë”, ndërsa ky është linku ku mund të votojnë të gjithë ata që duan https://vote.global.com/. / KultPlus.com

Me def e me harmonikë, studentët amerikanë këndojnë shqip (VIDEO)

Posted on by KultPlus

Këngëtarja e njohur shqiptare Merita Halili dhe bashkëshorti i saj Raif Hyseni tash e sa vite praktikojnë mësimin e këngëve shqipe edhe për të huajt, ku këtë shkollë e ndjekin edhe shumë amerikanë, shkruan KultPlus.

Në një video të postuar së fundi shihen studentët amerikanë duke ndjekur këtë kurs, të cilët edhe kanë shprehur dashurinë e tyre për muzikën shqipe, gjithnjë duke potencuar se është shumë e veçantë.
Nën përcjelljen e Raif Hysenit me harmonikë dhe të Merita Halilit me def, studentët amerikanë shihen duke kënduar këngë të njohura shqipe. Për më shumë mund ta ndiqni videon. Videon e ka postuar Rex Myftari. /KultPlus.com


Fotografia e rrallë e Leka Zogut dhe një pyetje në lidhje me fronin mbretëror

Posted on by Kult Plus

“Paris-soir” ka botuar, të mërkurën e 26 korrikut 1939, një fotografi të rrallë të Leka Zogut, realizuar asokohe në Suedi, ku mbreti Zog dhe mbretëresha Geraldinë kishin gjetur strehim, pas largimit të detyruar nga Shqipëria, gjatë muajit prill të po atij viti, si rrjedhojë e pushtimit fashist.

Aurenc Bebja, nëpërmjet blogut të tij “Dars (Klos), Mat – Albania”, sjell, për publikun shqiptar, fotografinë në fjalë, si dhe përshkrimin e saj nga gazeta franceze :

“Princ trashëgimtar gjatë katër orëve.
Djali i mbretit Zog lindi në Tiranë, katër orë para ardhjes së trupave italiane. Prindërit e tij e dërguan atë në Selanik, pastaj në Skandinavi, ku dhe është realizuar kjo fotografi. A do të mbretërojë ai një ditë ? ”./ KultPlus.com

“Kosovatrans” për orientimin e timonit të një Kosove në tranzicion

Posted on by KultPlus

Teatri i Podujevës “Avdush Hasani”, mbrëmë u ngjit në skenën e Teatrit të “Dodona” me shfaqjen teatrore “KosovaTrans” të autorit Naser Shatrolli, shkruan KultPlus.

Gili Hoxhaj
Fotografitë: Blend Cakolli

Flamuri, një burrë flokë lëshuar me hijen e një komandanti erdhi mbrëmë në lojën e aktorit Ismet Azemi. Dikur e quanin Tarzan dhe mbi kokë mbante kapelën e komandantit të luftës, e sot mban kapelën e një punëtori të ndërtimtarisë. Edhe në rrobat e tij të një punëtori, ai ende në veshjen e tij mban simbolikën e asaj çfarë e karakterizoi kontributin e tij, në një dekadë më parë. Lavdia që e gëzonte dikur nga kolegët, sot i është kthyer në përbuzje e injorim, ai madje e ndjente dëshirën e tyre për ta parë atë prapa grilave. Aty edhe pret që dikur të vijnë ta marrin.

Arafati, i cili vjen përmes lojës së aktorit Faris Berisha, mban në duar një top basketbolli, e me hapa të ngadaltë ngjitet për të ndjekur punën e Flamurit. I rritur në mërgim, i biri i një gazetari të “Rilindjes”, raportimi i të cilit prekte edhe Palestinën, e vetmja trashëgimi e pikëpamjeve të babait është emri që ai e mban, e për të cilin nuk ndan asnjë ndjenjë te veçantë. Patriotizmi i babait si mërgimtar, e i këtij njeriu përballë i duket tejet patetik. Për Arafatin i cili është rritur në Zvicër është e pazakontë ta shoh Flamurin, teksa punon edhe në këtë ditë të diele. Ai vjen e gjen këtë vend plot përmendore, e fotografi heronjsh në figurën e të cilëve shpesh ngrit dyshime.

A luftuat për të uzurpuar prona apo për të çliruar prona? pyet i riu heroin e gjallë?, i cili tashmë po ndërton një hotel të cilin thotë se do t’ua lë fëmijëve, ndërsa në shtëpinë e tij nuk numëron asnjë anëtarë të familjes. A jeni heronj siç dukeni në fotografi apo tinëzi fotoshopi?, është pyetja tjetër e cila duket sikur e tund qenien e komandantit, i cili nxjerrë ofshamë të lehtë për t’i treguar këtij të riu rreziqet që ai ka ndjekur për të parë këtë ditë. Derisa komandanti nxjerrë të pestën pije të birrës për ta pirë pa asnjë ndalesë, i riu i ofron realitetin e jetës moderne të cilën e jeton në Zvicër, në një kulm me djalin, ish-gruan, e burrin e ish-gruas i cili ishte një izraelit. Ky realitet i largët e i trishtë, komandantit shpesh ia ngrys vetullat.

Dramaturgu Naser Shatrolli tregoi për KultPlus se kjo shfaqje artikulon një metaforë të një Kosove në tranzicion, e cila dëshmon se kush është ai i vërteti që duhet ta ketë timonin e Kosovatransit në të ardhmen e afërt dhe të largët.

“Kjo shfaqje tregon se ky është destinacioni i Kosovës në të ardhmen, se a do të ngelet vetëm në një rreth vicioz i cili sillet në rrota dhe nuk po mund të qëndronte në bazamentin e tij”, tha Shatrolli, i cili shtoi se për ta plotësuar këtë, ai ka dashur që shfaqja të ketë një skenografi në funksion të veprimit të aktorëve. Ai tha se përmes kësaj ideje është përpjekur që të prek dy segmente të luftës së Kosovës, duke e paraqitur përmes njërit personazh Flamurit, luftën e brendshme të Kosovës, ndërsa përmes personazhit të Farisit simbolikën e përpjekjeve globale për një liri të vërtetë, ndërsa përmes këtij personazhi autori ndërthur edhe korrelacionin me ndodhitë e botës arabe. Shatrolli tha për KultPlus se ndihet i kënaqur me lojën brilante të aktorëve.

“Janë të dy shumë të ndryshëm por të ngjizur dhe të mishëruar shumë për njëri- tjetrin dhe sikur njëri vjen dhe e çliron tjetrin nga prangat e brendshme që i ka në shpirt, për të vazhduar tutje ngritjen e asaj ndërtese. Çelësat e asaj ngrehine aktori i gjuan në popull që të mbetet në duart e shoqërisë”, është shprehur Shatrolli, i cili shtoi se kjo shfaqje e ka bazamentin dhe çelësin e Kosovës të cilin ne kërkojmë në supet e këtyre dy aktorëve.

Në lojën e aktorit Ismet Azemi vërehej ndjenja dhe përkushtimi në personazhin e komandantit të harruar. Ai i tha se ky rol i dha gjithçka të mirë dhe njerëzore. “Rolin e komandantit e desha shumë, shumë më dhimbti derisa e luajta atë botë, shumë më bëri krenar, shumë më kënaqi, më dha gjithçka të mirë, gjithçka njerëzore, edhe dhembjen ma dha njerëzore”, tha përplot emocion aktori Ismet Azemi, derisa tregoi për KultPlus, përjetimet që i kishte dhënë përjetësimi i këtij roli në skenë.

Aktori Azemi shpjegoi tutje se për ta sjellë deri në këtë pikë rolin e komandantit, është dashur angazhim dhe informacion për ta ndërtuar të tillë këtë personazh. “Nuk ka qenë lehtë për ta sjellë në këtë shfaqje shpirtin e komandantit të rrethanave në të cilat jemi ne. Drama ka pasur një material të mirë dhe koncepti regjisorial na ka bërë ndërtues dhe kreativ për të sjellë rolet tona këtu ku i patë sonte. Kemi qenë bashkëpunëtor jashtëzakonisht të mirë, e kemi ndërtuar këtë lojë saktë në kërkesat tona artistike për të sjellë mesazhin e kësaj shfaqje”, tha aktori Azemi.

Po ashtu, ekipi i kësaj shfaqje përbehet edhe nga Ermal Gërdovci- asistent, Drinor Zymberi- kompozitor, Flutura Dedinja- kostumografe, Zeni Ballazhi- skenograf, Robert Nuha- koreografi, Ekrem Xhaka ka bërë dekorimin e përgjithshëm të shfaqjes, ndërsa ndriçimi i shfaqjes u bë nga Albert Gashi dhe Skender Latifi. Kosovatransi vazhdon destinacionin drejt Flakës së Janarit, ku sot do të shfaqet në Festivalin e Dramës Shqipe “Talia e Flakës” në Gjilan. /KultPlus.com

Me këtë video çdokush mund të përjetojë Shqipërinë (VIDEO)

Posted on by KultPlus

Video promovuese është sjellë nga ministri i Turizmit dhe Mjedisit, Blendi Klosi po bën namin me klikime që nga dita e djeshme, dhe po vazhdon të shihet dhe shpërndahet akoma, shkruan KultPlus.

Video projekti ka përfshirë pamje të mrekullueshme të vendeve turistike të Shqipërisë, duke përfshirë detin, malet, kështjellat dhe pika tjera turistike.

Jehoje edhe ti, në profilin tënd!
Me këtë video çdokush mund të përjetojë Shqipërinë e Alpeve, Adriatikut, Jonit, kështjellave, veshjeve karakteristike, vendeve të paeksploruara, njerëzve mikpritës, ashtu si një revistë prestigjoze europiane, e përshkuan: “Njerëz të etur për të ndarë dashurinë e vendit të tyre dhe gjithmonë të gatshëm për të ardhur në ndihmë”
Shqipëria meriton vëmendje! Turistët meritojnë Shqipërinë, ka shkruar Klosi në facebook duke shpërndarë këtë video. /KultPlus.com

Një fotografi e rrallë e Bekim Fehmiut

Posted on by Kult Plus

Aktori i madh shqiptar Bekim Fehmiu, vazhdon të kujtohet ndër shqiptarë jo vetëm përmes projekteve ku ai ishte pjesë por edhe përmes fotografive të ndryshme që paraqesin një copëz Bekim, shkruan KultPlus.

Së fundmi, është publikuar një fotografi kur Bekim Fehmiu ishte student. Në atë fotografi shohim një Bekim siç nuk e kemi parë më herët.

Fotografia është publikuar në Instagram nga Vingate.Abania, ndërsa KultPlus, po e sjellë sot për lexuesit e vet./ KultPlus.com

Yll Rugova: 19 vjet të pasluftës nuk kemi bërë punë të mirë me kulturën

Posted on by Kult Plus

Para pak ditësh Yll Rugova nga radhët e Lëvizjes Vetëvendosje, mori detyrën e drejtorit të Drejtorisë së Kulturës në Komunën e Prishtinë, komunë kjo e cila do të udhëhiqet edhe për katër vite nga kryetari Shpend Ahmeti.

Kësisoj, mbrëmë drejtori i ri i kulturës në Komunën e Prishtinës, me një shkrim në rrjetin social Facebook, i është drejtuar qytetarëve të kësaj komune duke iu thënë atyre se me shumë përgjegjësi e ka pranuar këtë detyrë nga kryetari Ahmeti, dhe se do të punojë në atë drejtim që kultura të hyjë në binarët e duhur, shkruan KultPlus.

Po sjellim të plotë letrën e Yll Rugovës:

“Faleminderit krejtve për urimet. Sado që është për t’iu uruar kujtdo pozita e drejtorit në kryeqytet, kjo detyrë është ndër sfidat e rëndësishme për neve si shoqëri dhe për këdo që e pranon.

Kultura, si tërësi e gjurmëve që mbledhen nga historia, është njëra ndër pjesët kryesore të identitetit kolektiv të shoqërive.

Nëse e shohim në thelb, për shembull lufta mes Kosovës dhe Serbisë (dhe lufta e popullit shqiptar, e popujve tjerë gati gjithmonë) ka qenë edhe luftë për mbrojtje të kulturës. Nëse secili prej neve në Kosovë do të pranonim tjetërsimin tonë kulturor, e gjuhësor si shqiptar, atëherë regjimi serb nuk do të kishte problem me ne. Rrjedhimisht shtypja nuk do të ndodhte.

Tash që jemi liruar nga cenuesi më i madh i kulturës, na mbetet neve ta studiojmë e mbledhim, ruajmë dhe ekspozojmë atë me këmbëngulje.

T’ju them të drejtën, këto 19 vjet të pasluftës nuk mendoj se kemi bërë punë shumë të mirë në këtë drejtim. Por jam i bindur se tashmë janë krijuar rrethana për etapë të re kulturore.

Prandaj me shumë përgjegjësi e kam pranuar emërimin e kryetarit Ahmeti për të udhëhequr me drejtorinë e kulturës në Prishtinë. E megjithëse e di se me kulturën në kryeqytet nuk zgjidhen të gjitha problemet, por të paktën do të vendosen punët në binarë të duhur.

Dua të falënderoj Shpend Ahmetin dhe Dardan Sejdiun për besimin, dhe gjithsesi gjithë aktivistët e Vetëvendosjes për mbështetjen e pakusht gjatë këtyre gjashtë muajve rrugëtim së bashku”, ka shkruar Rugova./ KultPlus.com

Sot 102 vite më parë është vrarë Isa Boletini

Posted on by Kult Plus

Atdhetari shqiptar Isa Boletini, njëri nga organizatorët e lëvizjes për çlirim e bashkim kombëtar, është vrarë 102 vite më parë në Podgoricë.

Isa Boletini lindi në fshatin Boletin të Mitrovicës, në një familje me tradita patriotike. Në moshën 17-vjeçare mori pjesë si luftëtar i Lidhjes Shqiptare të Prizrenit, në betejën e Slivovës (22 prill 1881) kundër forcave osmane. Përkrahu Haxhi Zekën dhe atdhetarët e tjerë në themelimin e Lidhjes Shqiptare të Pejës (1899-1900) dhe në qëndresën e saj kundër sunduesve osmanë e qarqeve shoviniste fqinje.

Më 1901-1902 u vu në krye të qëndresës popullore në Kosovë kundër ndërhyrjeve të Serbisë, Malit të Zi, Rusisë e Austro-Hungarisë në Shqipëri. Udhëhoqi luftëtarët në betejat e zhvilluara me ushtrinë turke në zonat Shtimlje-Carralevë më 1910, mbështeti kryengritjen antiosmane të vitit 1911, udhëhoqi forcat kryengritëse në zonën Drenicë, Mitrovicë, Podujevë dhe Prishtinë më 1912.

Gjatë Luftës Ballkanike në tetor 1912, u vu në krye të çetave të armatosura vullnetare për mbrojtjen e trojeve shqiptare kundër pushtuesve serbë. Në ditët e Pavarësisë, në krye të përfaqësuesve të Kosovës, u ndodh përkrah Ismail Qemalit në Vlorë dhe mori pjesë aktive në organizimin e forcave të armatosura për mbrojtjen e Qeverisë së Përkohshme të Vlorës.

Më 1913, si anëtar i delegacionit shqiptar, së bashku me Ismail Qemalin shkoi në Londër, ku protestoi me forcë kundër vendimit të Fuqive të Mëdha për copëtimin e Shqipërisë. Më vonë, Isa Boletini kaloi përsëri në Kosovë, ku organizoi qëndresën popullore kundër pushtuesve të rinj serbo-malazezë.

Duke e kaluar jetën në luftë e përpjekje dhe me urtësinë e tij, fitoi autoritet të madh si udhëheqës popullor. Isa Boletini e lidhi jetën e tij e të familjes me fatin e atdheut, dashurinë e besnikërinë ndaj të cilit e shprehu me fjalët: “Unë jam mirë kur asht mirë Shqypnia”.

Më 23 janar 1916 u vra pabesisht nga shovinistët malazezë në Podgoricë, së bashku me të bijtë Halilin dhe Zahidin, nipërit Jonuzin dhe Halitin, si dhe tre luftëtarë të tjerë./ KultPlus.com

Mospajtimet brenda Teatrit vonojnë programin e shfaqjeve

Posted on by Kult Plus

Mospajtimet brenda organeve të Teatrit Kombëtar të Kosovës kanë bërë që ky institucion ende të mos e ketë gati programin për këtë vit. Miratimi i tij bëhet nga Këshilli Drejtues i këtij institucioni pas propozimit që anëtarët e këtij organi marrin nga drejtori i përgjithshëm dhe nga udhëheqësi artistik.

Përderisa, sipas menaxhmentit, problemi është te mospajtimet me Këshillin Drejtues, përfaqësues të këtij të fundit fajin e hedhin te menaxhmenti. Si pasojë e mosmiratimit të programit, institucioni më i lartë teatror në vend ende nuk ka as planifikim financiar për këtë vit, madje as nuk ka bërë kërkesë për buxhetin e viti kalendarik në MKRS, detyrë ligjore kjo që institucionet e tjera e kanë përfunduar qysh në dhjetor. E vonimi i miratimit të programit mund të shkaktojë probleme në realizimin e repertorit.

Drejtori i përgjithshëm i TKK-së, Agim Sopi, ka thënë se kjo vonesë sigurisht që shkakton probleme, por ato janë të tejkalueshme.

Në fillim të dhjetorit ishte bërë e ditur se ministri i Kulturës, Kujtim Gashi, kishte ndërruar përbërjen e Këshilli Drejtues duke emëruar si anëtarë të rinj regjisorët Burbuqe Berisha e Orhan Kerkezi, letrarin Shkëlqim Millaku, aktorët Fisnik Ademi, Jahja Shehu e Ismet Azemi bashkë me Valon Kashtanjevën si përfaqësues të MKRS-së.

Por, sipas kryetares së Këshillit Drejtues, ky organ nuk është fajtor për mosmiratimin e programit artistik për këtë vit, shkruan Koha Ditore./ KultPlus.com

Berati në vendin e dytë të qyteteve më të bukura të Evropës

Posted on by Kult Plus

Qyteti 2400 vjeçar i Beratit, i njohur jo vetëm për bukurinë e tij të rrallë është renditur në vendin e dytë mes 30 vendeve më të bukura në Evropë. http://www.telegraph.co.uk/travel/lists/The-30-most-beautiful-towns-in-Europe/

E përditshmja britanike “The Telegraph” ka publikuar një artikull referuar Shoqatës Japoneze të Agjencive të Udhëtimit, (JATA) për qytetet më të bukura në Europë.

Në listën e publikuar mes 30 qyteteve, renditet edhe Berati në vendin e dytë.

“Mangalemi, në qytetin e Beratit shtrihet në brigjet e lumit Osum dhe është në listën e Trashëgimisë Botërore të UNESCO-s. Në periudhën e mesjetës ka qenë një qytet kufitar i Perandorisë Bizantine, që gjë e dëshmon kështjella e tij”, thuhet në shkrimin e publikuar nga “The Telegraph”, përcjell atsh.

Qendra urbane e Beratit, reflekton influenca të traditës së banesave popullore ballkanike, që datojnë kryesisht në shekujt e 18 dhe 19 e.s. Kjo traditë është adaptuar për t’iu përshtatur mënyrës së jetesës së qytetit, me shtëpitë e vendosura në shpate me planimetri kryesisht horizontale dhe që përdorin gjerësisht dritën natyrore.

Në vitin 1961 Berati u shpall zyrtarisht qytet muze. Sot Berati trashëgon 210 objekte muzeale, nga të cilat 150 janë objekte në këmbë. Prej tyre 60 janë monumente të kategorisë së parë dhe të tjerat të kategorisë së dytë

Këto janë 30 qytetet më të bukura në Evropë, sipas Shoqatës Japoneze të Agjentëve të Udhëtimit (JATA)./KultPlus.com

Më poshtë është lista e qyteteve sipas renditjes.
1. Kilkenny, Irlandë
2. Berat, Shqipëri
3. Civita di Bagnoregio, Itali
4. Procida, Itali
5. Conëy, Ëells
6. Lech, Austri
7. Hindeloopen, Holandë
8. Lefkara, Qipro
9. Rovinj, Kroaci
10. Soglio, Zvicër
11. Visby, Suedi
12. Setenil de las Bodegas, Spanjë
13. Piran, Slloveni
14. Vlkolinec, Sllovaki
15. Marianske-Lazne, Republika Çeke
16. Quedlinburg, Gjermani
17. Bernkastel-Kues, Gjermani
18. Golyazi, Turqi
19. Reine, Norvegji
20. Sopron, Hungari
21. Koprivshtitsa, Bullgari
22. Porvoo, Finlandë
23. Saint-Cirq-Lapopie, Francë
24. Riqueëihr, Francë
25. Sint-Martens-Latem, Belgjikë
26. Zalipie, Poloni
27. Monsanto, Portugali
28. Ohër, Maqedoni
29. Kotor, Mali i Zi
30. Gura Humorului, Rumani