Edhe pse ka 20 ditë që ka hyrë në fuqi Udhëzimi administrativ për caktimin e formës dhe përmbajtjes dhe përdorimit të flamurit mbi origjinën e produktit, bizneseve iu është dhënë afat që deri më 1 shkurt t’i vendosin ata pranë produkteve, për të treguar vendin e origjinës, shkruan sot “Koha Ditore”.

Në të kundërtën, Inspektorati i Tregut në Ministri të Tregtisë dhe Industrisë ka paralajmëruar se pas kësaj date do të ketë dënim nga 1 mijë euro deri në paraqitje në gjykatë, e që gjoba për këtë të fundit mund të arrijë deri në 20 mijë euro.

Udhëzimi administrativ përcakton rregullat lidhur me vendosjen e kësaj etikete që tregon flamurin e shtetit të origjinës së mallrave.

“Flamuri i origjinës së produktit duhet të vendoset afër çmimit të shitjes apo çmimit për njësi jo më larg se 1 centimetër nga çmimi i produktit; Madhësia e flamurit që tregon origjinën e produktit të shtetit duhet të jetë në madhësi proporcionale me çmimin e produktit”, thuhet në dy paragrafët e parë të nenit të katërt.

Aty thuhet se “origjina e produktit të importuar përcaktohet nga autoritetet doganore”. /KultPlus.com

Zëdhënësi i Komunës së Prishtinës, Adonis Tahiri, teksa ka folur për statutin që Komuna pritet që t’i jap objektit të Kishës Ortodokse serbe, në oborr të UP-së, ka thënë se ai objekt do të trajtohet si secili objekt tjetër pa leje në Komunë.

VIDEO

Tahiri ka pranuar për InDoks, që udhëheqësit e Kishës Ortodokse serbe, asnjëherë nuk kanë aplikuar në Komunën e Prishtinës, që objekti në oborr të UP-së, të legalizohet.

Por, thotë se janë të vendosur që “në zemër të Prishtinës të moslejohet të bëhen ndërtime pa leje”.

“Ne atë objekt do ta trajtojmë sikur cdo objekt tjetër pa leje në Prishtinë. Kjo nuk ka të bëjë fare me cështje fetare apo etnike. Mirëpo nuk mund të lejomë që në zemër të Prishtinës të bëhen ndërtime pa leje”, ka thënë Tahiri.

Dokumentarin e plotë “Kisha e dhunshme e regjimit”, mund ta shikoni këtu:

Pa marrë miratimin e mësimdhënëseve, Komuna e Junikut, ka thënë se mësimi në këtë Komunë do të nisë nesër. Por këtë e ka përgënjeshtruar SBASHK-u.

“Njoftojmë të gjithë qytetarët se nesër me datë 21. 01. 2019, e hënë fillon gjysmëvjetori i dytë në të gjitha shkollat në Komunën së Junikut sipas orarit paraprak. Të gjithë mësimdhënësve dhe nxënësve ju urojmë sukses!”, është shkruar në faqen zyrtare të Komunës së Junikut në Facebook.

Koha.net ka folur edhe me kryetarin Komunës së Junikut, Agron Kuçi, i cili ka përsëritur të njëjtën gjë. Ka thënë se “nesër fillon mësimi në të gjitha shkollat e kësaj komune, për arsye që Qeveria i ka përmbushur kërkesat e mësimdhënësve”.

Ai ka thënë edhe se kjo grevë po shkon vetëm në dëm të nxënësve.

Por ndryshe janë shprehur në SBASHK.

Ymer Ymeri, menaxher financiar në këtë sindikatë, duke rikujtuar se kanë refuzuar kërkesën e Qeverisë ka thënë se “greva do të vazhdojë në të gjitha komunat e Kosovës, përfshirë edhe atë të Junikut”.

“Komuna nuk është ajo që ka hyrë në grevë por mësimdhënësit”, ka thënë ai.

Edhe Arsim Krasniqi, kryetar i degës së SBASHK-ut në këtë Komunë ka thënë se ata nuk do të veprojnë ndryshe nga degët tjera të SBASHK-ut.

Juniku udhëhiqet nga Agron Kuçi i AAK-së sp Ramush Haradinajt, kryeministër i vendit.

Fëmijët në Kosovë deri në moshën 18 vjeçare pritet të ndjekin 12.8 vite të shkollimit parafillor, fillor dhe të mesëm, mirëpo kur vitet e tyre të shkollimit nivelohen për nga cilësia e arsimit, atëherë shkollimi i tyre është i barabartë vetëm me 7.7 vite, që do të thotë se ata kanë një mungesë prej 5.1 viteve të arsimit.

Kështu ka analizuar raporti i ri krahasues i Bankës Botërore, Indeksi i Kapitalit Njerëzor (HCI).

Sipas raportit, një fëmijë i lindur sot në Kosovë do të jetë vetëm 56 për qind produktiv kur të rritet në krahasim me fëmijën që do të kishte arsimim komplet dhe shëndet të plotë.

Në përgjithësi, Indeksi i Kapitalit Njerëzor i Kosovës është nën mesataren e rajonit, por mbi mesataren e grupit të saj të të hyrave.

Indeksi HCI përbëhet nga pesë indikatorë: gjasat për mbijetesë deri në moshën 5-vjeçare, vitet e pritura të shkollimit të një fëmije, rezultatet e testeve të harmonizuara që masin cilësinë e mësimit, shkalla e mbijetesës së të rriturve, dhe proporcioni i fëmijëve që nuk kanë kufizime në zhvillim. 

SBASHK-u nuk po pranon ofertën e kryeministrit Ramush Haradinajt për rritje të pagave në 20 milionë euro në vit.

Kryetari i SBASHK-ut për Prishtinë, Ahmet Pllana, tha se greva do të vazhdojë deri në përmbushjen e kërkesave të tyre për të rritur koeficientin, njofton Klan Kosova.

“SBASHK do të vashdojë grevën derisa Qeveria pranon të rrisë koeficientin nga 2 në 2.6 për shkolla fillore. Nëse nuk plotësohenn kërkesat tona do të mblidhet Këshilli dhe do të merren masa më të ashpra deri në protesta”, tha Pllana për klankosova.tv.

Ndërkaq, Haradinaj pas takimit me kryetarin e SBASHK-ut, Rrahman Jasharajt, ka dalë në një konferencë për media ku tha se bashkë me ministrin e Financave kanë marrë vendim për ngritje pagash.

Kryeministri i Kosovës, Ramush Haradinaj, tha sonte se është takuar me kryetarin e SBASHK-ut, Rrahman Jasharaj, të cilin e ka njoftuar për vendimin e Qeverisë për rritjen e pagave për mësimdhënësve të sistemit parauniversitar.

Ka një rritje substanciale të pagave, tha Haradinaj, duke theksuar se për këtë rritje janë dakorduar të gjithë, përfshirë edhe partitë opozitare, raporton KALLXO.com.

Haradinaj tha se për këtë rritje e ka njoftuar edhe kryetarin e SBASHK-ut, të cilit i ka kërkuar ndërprerjen e grevës.

Siapas kryeministrit, rritja për mësimdhënësit e shkollave të mesme do të jetë 74 euro nga paga aktuale.

Për arsimin fillor nga 479 euro sa është aktualisht –  në 525.8, pra rritja është 46 euro.

Për mësimdhënësit e sistemit parashkollor nga 447.9 sa është tani rritja është në 501 euro.

Kurse për kategorinë e mësimdhënësve të shkollave speciale, rritja do të jetë për 49.8 euro.

Haradinaj tha se e ka ftuar Këshillin Drejtues të SBAShK-ut që ta shqyrtojë këtë ofertë dhe të marrë vendim të arsyeshëm.

“Do të ishte një mashtrim nëse grevistët mendojnë që do ta kenë një ofertë tjetër. Kjo është oferta e Qeverisë, 20 milionë euro më shumë për arsim”, tha kryeministri.

Kryeministri tha se i ka kërkuar kryetarit të SBAShK-ut të ndërpritet greva dhe nesër të fillojë mësimi.

Grupi i Grave Deputete të Kuvendit të Republikës së Kosovës, ka reaguar lidhur me rastin e ushtrimit të dhunës ndaj Kaltrina Ibishit, shkruan KultPlus.

Në reagim thuhet se rastin e publikimit të dhunës së ushtruar kundër Kaltrina Ibishit, e kanë përjetuar rëndë për faktin se dhuna e ushtruar kundër gruas, si gjini fizikisht më e pafuqishme, ka shëmtinë e vet arkaike, burracakërinë dhe perversitetin.

“Të jeni të bindur se raste të tilla të dhunës ka dhe janë të shumta. Dhuna nuk ushtrohet vetëm në zonat rurale, aty ku në përqindje është më i theksuar patriarkalizmi. Dhuna ushtrohet edhe nga njerëzit e veshur me kravata, edhe nga njerëzit më kuleta të fryra, edhe nga politikanë të profileve të ndryshme, madje edhe nga vetë predikuesit fetarë. Madje këta të fundit thonë se gruaja duhet të varroset më thellë se burri. E turpshme kjo”, thuhet në reagim.

Tutje në reagim thuhet se zëri i Kaltrina Ibishit e të tjerave si ajo, duhet të dëgjohen më shumë në shoqëri.

“Si çdo plagë trupore, edhe kjo plagë e shoqërisë duhet të hapet që e keqja të del. Zëri i Kaltrinës është një zë, fatkeqësisht shumë i vetmuar, siç është edhe vetë zëri i Oso-s së vogël – djalit të, Kaltrinës, si përjetues i dhunës. Kaltrina është një ekzemplar shembullor i një heroine. E tillë na duhet ne femrave sot. Ajo është një heroinë çfarë i duhet shoqërisë tonë për shërimin e plagëve arkaike të dominimit gjinor”, thuhet tutje në reagim. / KultPlus.com

Punimi i një shkencëtareje të re shqiptare në fushën e neuroshkencës ka tërhequr vëmendjen e mediave më prestigjioze zviceriane. Ishte pasioni i saj i madh për neuroshkencën dhe misteret e trurit që e çuan të studiojë dhe, më pas, të punojë si mjeke dhe kërkuese shkencore në Zvicër, kontributi i së cilës ze një vend të veçantë në këtë fushë të dijes njerëzore.

Indrit Bègue (Sinanaj), Doktore Shkencash në Neuroshkencë, është kërkuese postdoktorale në Departamentin e Psikiatrisë së Fakultetit të Mjekësisë në Universitetin e Gjenevës dhe mjeke psikiatre në specializim në Departamentin e Shëndetit Mendor dhe Psikiatrisë në Spitalin Universitar të Gjenevës.

Në punimin e saj shkencor, ajo ka testuar nivelin e vetëbesimit dhe të sigurisë që kemi kur gjykojmë shprehjet emocionale në fytyrën e njerëzve të tjerë dhe ka zbuluar se cilat zona të trurit aktivizohen gjatë këtij procesi. Shkencëtarët kryen një studim në 34 persona dhe konstatuan që vetëbesimi në njohjen e shprehive emocionale të fytyrës ishte më i madh se ç’duhej, ndërsa saktësia e njohjes së këtyre shprehive ishte më e ulët. Dr. Bègue provon se bindja në interpretimin tonë emocional rrjedh drejtpërdrejt nga përvojat e ruajtura në kujtesën tonë, shkruan rtsh.

Studiuesja ka ekzaminuar zonat e trurit duke përftuar skanime nga pjesëmarrësit në studim përmes një rezonance magnetike funksionale dhe ka evidentuar aktivizimin e zonave të kujtesës autobiografike dhe kontekstuale.