Muaj: Maj 2020

Osmani: Sot iku njeriu i cili dha gjithçka për baletin, artisti i merituar

Posted on by KultPlus

Kryetarja e Kuvendit të Kosovës, Vjosa Osmani ka shprehur ngushëllime me rastin e vdekjes së mjeshtrit të baletit Ahmet Brahimaj

Sot iku rithemeluesi i trupës së baletit të Kosovës. Njeriu, i cili dha gjithçka për baletin, artisti i merituar dhe profesionisti i pakompromis.

Ahmet Brahimaj është përfaqësues i brezit të parë të baletanëve të Kosovës dhe do të mbetet ikona e artit skenik të baletit.

Trupa e Baletit mbeti pa frymëzuesin, bashkëpunëtorin e mirë e vetëmohuesin! Kosova mbeti pa maestron!

Ngushëllime komunitetit artistik!

Pusho në paqe mjeshtër! / KultPlus.com

Dumoshi: Ahmeti ka qenë njeriu me të cilin është identifikuar baleti në Kosovë

Posted on by KultPlus

Telegram ngushëllimi i ministres Dumoshi për vdekjen e Ahmet Brahimajt

E nderuara familje Brahimaj,

Me pikëllim të madh e morëm lajmin për ndarjen nga jeta e të dashurit tuaj, Ahmetit.

Ahmeti ka qenë njeriu me të cilin është identifikuar baleti në Kosovë. Me angazhimin e tij, ai ka bërë që të njihet jo vetëm nga artistët e ata që merren me kulturë por edhe në fusha tjera. Kur ka folur dikush për baletin e ka pasur në mendje Ahmetin.

Ahmet Brahimaj është prej njerëzve të parë që është marrë me balet dhe është edukuar në këtë fushë duke qenë prej gjeneratave të para të Baletit të Kosovës. Si një ndër balerinët e parë, ai ka formuar Ansamblin e Baletit në vendin tonë në vitet e 70-ta të shekullit 20.

Ka luajtur në mëse 40 premiera baleti e në shumë premiera tjera artistike duke pasur rolet kryesore në to duke u paraqitur me sukses. Përkushtimi me të cilin Ahmeti ka punuar ka bërë që ai përpos që ka fituar dhe gëzuar respektin e atyre që kanë pasur rastin ta njohin e të punojnë me të, ta marrin për frymëzim dhe nxitje për angazhim më të madh.

Baleti i Kosovës por edhe kultura shqiptare në përgjithësi ka humbur një figurë shumë të madhe duke e lënë një zbrazëti të pazëvendësueshme. Ahmeti do të kujtohet dhe do të mbetet i paharruar përmes veprave të shumta e gjurmëve të pashlyera që la pas. Mes bashkëpunëtorësh, shëmbëlltyra e tij do të mbetet përjetësisht udhërrëfyes i punës dhe angazhimit.

Ngushëllime familjes, miqve e tërë komunitetit artistik për këtë humbje të madhe. / KultPlus.com

Sot para Teatrit Kombëtar mbahen homazhe për Ahmet Brahimaj

Posted on by KultPlus

Ministria e Arsimit Kulturës Rinisë dhe Sportit njofton se sot (7 maj 2020), ora 12:30, në hyrje të Teatrit Kombëtar të Kosovës do të organizohet ceremonia e homazhit për të nderuar figurën e të ndjerit Ahmet Brahimaj, ish-balerinit dhe ish-drejtorit të Baletit të Kosovës.

Do të vendoset fotografia e tij dhe do të vihen kurora lulesh për ta nderuar ish-balerinin Ahmet Brahimaj, e cila është një humbje e madhe për baletin e kulturën tonë. / KultPlus.com

21 vjet nga vrasja e poetes e luftëtares 17 vjeçare, Yllka Domi

Posted on by KultPlus

Janë bërë 21 vite nga rënia heroike e luftëtares 17 vjeçare, Yllka Domi, e cila ra dëshmore në Betejën e Çabratit, më 7 maj të vitit 1999.

Yllka u vra bashkë me disa bashkëluftëtarë dhe ushtria serbe, për të fshehur gjurmët, trupin e Yllkës bashkë me trupat e tjerë të vrarë, i dërguan në një varrezë masive në Batajnicë, për t’u gjetur e rivarrosur më 23 dhjetor 2003 në Kodrën e Çabratit, në Gjakovë.

Në kohën kur ajo u vra, ishte në vitin e fundit të shkollës së mesme “Mazllom Këpuska” dhe nuk arriti ta përjetonte diplomimin e saj. Por, Yllka ishte shumë më tepër se kaq. Ajo ishte poete që premtonte të sillte një frymë të re në poezinë shqiptare.

Sipas profesorëve dhe njerëzve që e njohën, vdekja e Yllkës ishte humbje e një kuadri intelektual, e një atdhetareje dhe poeteje, e cila do të ishte prijatare e proceseve te ndërtimit të shtetit, por edhe shtyllë e kulturës dhe letërsisë.

Yllka u rrit në një frymë atdhetare dhe po përballej gjithmonë me padrejtësitë që po i bëheshin atë kohë kombit shqiptar. Prandaj, ajo ishte e interesuar gjithmonë që të informohet saktë se si po lëvizin gjërat.  Kudo ishte aktive, në shkollë, në grupe humanitare, në ndihmë banorëve të zhvendosur dhe aty ku e kërkonte nevoja. Si e tillë, ra në kontakt me shumë të rinj e të reja, të cilët ishin kyçur në bërthamat e Ushtrisë Çlirimtare të Kosovës. Ka kryer kurset për ndihmë të plagosurve në luftë dhe ka ushtruar përdorimin e armëve dhe pastrimin e tyre.

Poezitë e Yllkës, kushtuar dashurisë ndaj jetës, lirisë dhe vdekjes, sot e asaj dite janë të njohura dhe shpërndahen vazhdimisht.

Disa nga poezitë e Yllkës:

TI FLUTURON ME DALLANDYSHET

Një ditë çdo gjë do të ndryshojë,
do të vish të luash me veten,
do të këndosh në duet me heshtjen,
do të jetosh me kujtimin në ballë,
do të thërrasësh me zë ç’u bë vallë,
do të kërkosh për veten shpëtim
e s’do të gjesh kund emrin tim.

Jetonim ne të dy në gjethe të trëndëfillit,
jetonim duke shijuar erën e tij,
jetonim bashkë me këngën e bilbilit,
por në fund, na therën gjembat e tij.

Shpresuam se deri në vdekje do të jemi bashkë,
por ajo jetë që ne e ëndërruam nuk ishte e gjatë,
ajo zgjati vetëm të paktët muaj
e për këtë gjë unë tani po vuaj.

Tani jemi të vdekur për njeri tjetrin,
fluturojmë në qiell për një jetë tjetër,
fluturojmë të dy, por shumë larg njëri tjetrit
e të dyve na shoqërojnë valet e detit.

Ti fluturon bashkë me dallëndyshet,
fjalët që i dha tani po vyshken
e mua më thërrasin skifterët,
por unë s’dua të fluturoj me ta
e t’i këndoj ninullat.

S’do të jemi më bashkë,
jeta jonë mbaroi,
a do të jetojmë te lulet apo te zjarri,
s’di për njeri-tjetrin
a do të na merrë malli?

Ndoshta për mua do të rrjedhë një lot,
por ta dish se kjo e tëra është kotë,
dhe sipas kësaj ka një përfundim
se të kam dashur shumë sa shpirtin tim.

Prandaj për ty shkrova këtë kujtim
që t’i gjesh vetes pushim
e kur të kërkosh për veten ngushllim
vrapo nga unë që të gjesh shpëtim,
eja më afër e vetëm me një shikim
do të kujtoj e do të hidhem në përqafim.

Një ditë çdo gjë do të ndryshojë,
do të vish të luash me veten,
do të këndosh në duet me heshtjen,
do të jetosh me kujtimin në ballë,
do të thërrasësh me zë, ç’u bë vallë,
do të kërkosh për veten shpëtim
e s’do të gjesh kund emrin tim.

KËNGA E PRANVERËS

Nuk do të jemi bashkë,
jetërave tona po u afrohet fundi.
Nuk do të njihemi,
bashkë nuk do të takohemi,
do të derdh lot,
duhet ta dish se nuk ka shpresë më për mua,
e kam dashur shpirtin tënd më tepër se veten.
Shkrova për ty kujtimin
që të mund të gjesh prehje.
(Botuar në gazetën “ The New York Time Magazine ” nga Chris Stephen). / KultPlus.com

21 vjet nga “Beteja e Çabratit” ku ranë shumë dëshmorë e u ekzekutuan burra e djem

Posted on by KultPlus

Janë bërë 21 vjet nga “Beteja e Çabratit”, e cila u zhvillua më 7,8, dhe 9 maj.

Tre grupet dhe Shtabi i Brigadës ‘137 Gjakova’, ishin vendosur në lagjjen e Çabratit. Në orët e hershme të datës 7 maj ’99, lagjja e Çabratit në Gjakovë u rrethua nga forca të shumta policore, ushtarake dhe paramilitare serbe bashkë me vullnetarë rusë.

Lufta e pabarabartë sa i përket armatimit, u zhvillua thuaja se fyt më fyt, për shkak të konfiguracionit të terrenit. Në anën e luftëtarëve të lirisë ishin rreth 100 ushtarë të armatosur, e përafërsisht edhe dy herë aq ishin pa armë të cilët “shpresën” e vetme për të mbërri tek arma e kishin, nëse vritej apo plagosej ndonjë shok i tyre.

Beteja zgjati deri në orët e mbrëmjes. Humbje pati në të dy anët. Luftë sporadike pati edhe me datat 8 dhe 9 maj.

Në këto luftime ranë dëshmorë:

Ahmet Gjikolli (nga Peja)
Bujar Roka
Tom Gjoka (nga fshati Dashinoc-komuna e Deçanit)
Kushtrim Hoxha (vdiq me 8 maj nga plagët)
Dashmir Krasniqi
Visar Juniku
Sefedin Xërxa
Hamëz Zymberi (vdiq me 15 maj nga plagët)
Agim Haxhiavdyli
Yllka Domi
Ilir Berisha
Taulant Nura
Ali Hoxha
Hazyr Këpuska.

Forcat serbe u hakmorrën në civilë të paarmatosur, duke ekzekutuar burra e djem që hasnin nëpër shtëpi e oborre.

Kjo është lista e civilëve të ekzekutuar:

07.05.’99

Elez Bakalli, Selim Lluhani, Tefik Lluhani, Esat Bicurri, Ferhat Bicurri, Nexhdet Bicurri, Sadri Binaku, Florim Berisha, Gëzim Berisha, Shani Luzha, Florim Luzha, Sami Luzha, Gëzim Luzha, Ylber Mejzini, Basri Nura, Halit Nura, Agim Efendija, Astrit Rexha, Kastriot Zherka, Lulzim Jaka, Halil Axhemi, Burim Bardhi, Fehmi Haxhidauti, Genc Këpuska, Ali Krypa, Ali Beqrama, Ibrahim Gojani, Ejup Huma, Faton Huma, Florent Sulejmani, Avni Shasivari, Shkëlzen Ajrani, Ganii Ibrahimi, Demush Lata, Hasan Smajli,Ramë Syla, Sokol Zenuni, Musa Binaku, Shaban Dodaj, Osman Tafa, Xhelal Sefa.

08.05.’99

Neki Pula, Megzun Boshnjaku, Halil Gashi, Faik Qava, Kujtim Nuka.

10.05,’99

Arben Gexha, Osman Haxhiavdyli, Agron Haxhiavdyli, Afrim Haxhiavdyli, Driton Lluhani, Bekim Haxhibeqiri, Dukagjin Haxhibeqiri, Edmond Haxhibeqiri, Bashkim Domi, Bardhyl Çaushi, Ylber Hoxha, Mentor Shtaloja, Avni Spasi, Islam Koci, Idriz Mehmeti, Njazi Mehmeti , Agim Berisha, Albert Berisha, Fadil Berisha, Qazim Kajdomqaj, Muhamet Dyla, Isa Lokaj, Cenë Hajdari, Afrim Dana, Labinot Dana, Luan Dana, Albert Dana, Kastriot Dana, Gëzim Dana, Agron Dana, Osman Dana, Genc Haraqija, Mehdi Haraqija, Genc Morina, Adriatik Morina, Skënder Morina, Isuf Saraqini, Agim Saraqini, Arben Saraqini, Veli Saraqini, Skifer Sharani, Valon Sharani, Visar Sharani, Isuf Sharani, Mentor Sharani, Tahir Sharani.

11.05.’99
Ramdan Dana, Shyhrete Dana.

Të dhënat nga Gurakuq Dobruna. / KultPlus.com

Shqipëria synon të jetë vendi i parë në rajon që pritet të hapë turizmin

Posted on by KultPlus

Ministri i Turizmit, Blendi Klosi deklaroi sot në një intervistë në media se vendi ynë në krahasim me Kroacinë, Greqinë dhe Turqinë favorizohet nga strukturat e vogla hoteliere të cilat menaxhohen më lehtë.

Sipas tij, parashikohet që fluturimet e para charter me turistë të huaj të mbërrijnë në fund të këtij muaji, ndërkohë që do të synohet që kufiri tokësor të hapet përpara kësaj date për të pasur më shpejt turistë nga vendet e rajonit.

“Nuk do të kemi shifrat e vitit 2019, por do të kemi turistë të huaj këtë sezon. Bashkë me ministrin Ahmetaj që menaxhojmë situatën e krizës së pandemisë, do t’i propozojmë qeverisë hapjen e kufijve tanë tokësorë për të pasur mundësinë e lëvizjes së turistëve nga vendet fqinjë dhe do të synojmë që në fund të muajit maj të kemi çarterat e parë me turistë të huaj. Janë disa vende me të cilat ne kemi komunikim të shpeshtë si Çekia, Polonia, vendet Skandinave, Ukraina, Bjellorusia, që janë të gatshme të dërgojnë çartera nëse ne si struktura shtetërore e hoteliere i garantojmë standarde të higjienës.

“Po synojmë hapjen e parë në rajon”, deklaroi ministri i Turizmit.

Klosi tha se do të synohet së pari një turizëm rajonal për të shpëtuar sektorin nga kriza. Jemi qeveria e parë në rajon, nënvizoi ministri Klosi që kemi ofruar një paketë mbështetëse për industrinë e turizmit. Lidhur me ligjin që do të përcaktojë rregullat për funksionimin e plazheve, ai tha se pritet të jetë gati brenda kësaj jave.

Ministri Klosi vuri në dukje se protokolli i paraqitur për rregullat e pushimeve është pranuar nga 95% e operatorëve turistikë, ndërsa shtoi se ka disa elementë që pritet të ndryshohen.

Beautiful turquoise spring Blue Eye (Syri i Kalter) near a town of Muzine, Albania. The spring is very powerful, cold and deep and is a source of a river Bistrice

“Është një proces që ministria e ndjek shpesh, pra materiali është shpërndarë për mendim. E gjithë ideja e këtij manuali, është që turizmin ta kemi jo vetëm një mjet kënaqësie, por ta kemi edhe industri. Është një industri që mban me mijëra njerëz në punë, që mban rrjete të tjera industrish me punë dhe kemi mundësitë, falë investimeve që janë kryer në këtë industri, që të dalim të parët në treg”, u shpreh Klosi.

Ai theksoi se ky draft dhe ky protokoll masash është hartuar për kushtet në të cilat jemi, por nëse situata do të ndryshojë, Klosi tha se masat do të lehtësohen. /atsh / KultPlus.com

21 vjet nga vdekja e Esat Bicurrit, këngëtari i cili u masakrua nga forcat serbe

Posted on by KultPlus

Sot, janë bërë plot 21 vite që nga vdekja e këngëtarit të njohur kosovar Esat Bicurrit. Këngët e tij konsiderohen perla të muzikës popullore shqiptare dhe vazhdojnë të dëgjohen e vlerësohen ende, shkruan KultPlus.

Dhe, kujt nuk i kujtohet kënga fituese me “Okarinë të Artë” në “Akordet e Kosovës” – “E kujtoj atë takim?”, por edhe këngët e tjera, si: “Eja e bardha verë”, “Një lulishte me trëndafila”, “S’ka më të bukur se pranvera”, e shumë të tjera.

Fatkeqësisht, ai është ekzekutuar nga forcat paramilitare serbe më 7 maj të 1999 së bashku me shumë bashkëqytetarë të tjerë, ndërsa kufoma e tij u gjet dhe u rivendos vetëm në vitin 2004.

Ministria e Kulturës së Kosovës krijoi një çmim kombëtar të quajtur Esat Bicurri për përsosmëri në muzikë popullore dhe urbane.

Ai gjithashtu botoi dy libra të cilat quheshin: “Një këllëf me ar ta çova” dhe tjera, “Ahengjet Gjakovare në shekuj”.  / KultPlus.com

Filloi suksesshëm Shkolla Përgatitore për Testin e Maturës 2019/20, organizuar nga Kolegji AAB

Posted on by KultPlus

Mijëra maturantë nga e gjithë Kosova, edhe sivjet e nisën rrugëtimin e tyre në Shkollën Përgatitore të Testit të Maturës të organizuar nga Kolegji AAB, që ka për qëllim përgatitjen e tyre sa më të mirë për Testin Kombëtar të Maturës, që pritet të mbahet gjatë muajit qershor.

Ndonëse, për herë të parë online, situata e krijuar nga pandemia globale COVID-19, nuk e ka penguar Kolegjin AAB që të zhvillojë këtë projekt i cili padiskutueshëm ka qenë një nga programet më të rëndësishme për maturantë, tash e 12 vjet. Janë dhjetëra mijëra maturantë që përgjatë këtyre viteve kanë ndjekur Shkollën Përgatitore të Testit të Maturës, dhe padyshim pjesëmarrja e tyre ka rezultuar me sukses domethënës në Testin Kombëtar.

Kolegji AAB ishte i pari që arriti të lansojë ligjëratat nga distanca për studentët e tij gjatë periudhës së vetizolimit, të zhvillojë suksesshëm afatin e provimeve të prillit nga distanca, përmes platformave origjinale të dizajnuara nga shërbimet digjitale të saj, dhe tani është i pari institucion që suksesshëm e nisi edhe një projekt tjetër për studentët e ardhshëm.

Në hapje të programit të sivjetmë të Shkollës Përgatitore për Testin e Maturës, mësimdhënësit e angazhuar në këtë projekt, të përzgjedhur nga më të mirët e shkollave të mesme të Kosovës, njoftuan maturantët me programin që do të realizohet gjatë periudhës së zhvillimit të kurseve përgatitore.

Do theksuar se Kolegji AAB për zhvillimin e kurseve përgatitore, ka arritur të krijojë edhe komunitetin më të madh të maturantëve online ku mijëra maturantë nga i gjithë vendi, do të vijojnë këtë program përgatitor.

Kurset ofrohen falas, ndërsa edhe maturantët të cilët mund të kenë qenë të painformuar deri tani, mund të bëhen pjesë e grupit.

Risia tjetër që sjell Kolegji AAB për maturantët e gjeneratës 2019/20, është se krahas Shkollës Përgatitore për Testin e Maturës, gjatë javës do të lansojë edhe platformën për testimin e njohurive të arritura, ku secili maturant do të ketë mundësinë të sprovojë veten dhe të fokusohet në temat të cilat ka nevojë t’ i zotërojë më mirë.

(Shkrim i sponsorisuar nga AAB)

Sot ditëlindja e bilbilit të muzikës shqipe, Nexhmije Pagarusha

Posted on by KultPlus

Para 87 vjetësh u lind Nexhmije Pagarusha, e njohur si ikona e muzikës shqiptare.

Veprimtaria e saj muzikore 50-vjeçare është aq e gjerë, sa që është vështirë të thuhet se cilit zhanër i takon.

Është e njohur për interpretimet e saj të shkëlqyera në muzikën popullore dhe opera.

Kur flitet për Nexhmije Pagarushën, përdoren në një frymë shumë epitete si, Bilbili i Kosovës, Mbretëresha e Këngës Shqipe, Primadona e Melosit Popullor, e shumë epitete të tjera.

Repertori i saj interpretues është tejet i gjerë dhe i larmishëm. Veçohen këngët “Ani mori nuse”, “Kur më del në derë”, “Metelikun ta kam fal”, “Po të pres te dega e fikut”, “Mora testinë”, “Kënga e Rexhës” etj.

“Baresha” është një ndër kryeveprat e interpretimit të saj që ruan elemente folklorik të këngës.

Nexhmie Pagarusha ka ushtruar edhe aktivitet prej aktoreje, duke u paraqitur në disa skena të filmave “Tre vetë kapërcejnë malin”, “E kafshoja terrin”, “Fluturimi i Micakut”.

Nga viti 1984 vendos të përmbyllë karrierën si këngëtare. Më 2012, u dekorua me “Nderi i Kombit” nga presidenti i Shqipërisë.

Nexhmije Pagarusha ndërroi jetë më 7 shkurt 2020 në moshën 86-vjeçare. / KultPlus.com

Vdiq drejtori i Baletit Kombëtar të Kosovës, Ahmet Brahimaj

Posted on by KultPlus

Ka vdekur drejtori i Baletit Kombëtar të Kosovës, Ahmet Brahimaj.

Lajmin e kanë konfirmuar përmes Facebook-ut familjarët e të ndjerit.

“Njoftim nga familja Brahimaj! Sot me datë 7.5.2020 ka ndërruar jetë Ahmet S. Brahimaj – Drejtor i Baletit Kombëtar të Kosovës Varrimi i të ndjerit bëhet në ora 16:00 në lagjen Haxhiaj të fshatit Novosellë në komunën e Pejës. Të qoftë i lehtë dheu i Kosovës, ikonë!”, thuhet në njoftim.

Ahmet Brahimaj u lind më 06.12.1953 në Novosellë, Pejë. Shkollën e Mesme të Baletit (1968-1972) e kreu në Shkup, dhe i takon Gjeneratës së Parë të Baletit të Kosovës. Në vitin 1972, ai së bashku me balerinët e tjerë u kthyen në Prishtinë dhe kështu formuan Ansamblin e Baletit.

Biografia e Brahimajt, marrë nga faqja zyrtare e Baletit Kombëtar:

Si solist i kësaj Trupe, Ahmet Brahimaj ka luajtur në të gjitha shfaqjet që janë pregaditur atëkohë, pra ka luajtur në 38 Premiera baleti, e në shumë premiera të tjera të Dramës. Shumë role kryesore, në të cilat ai është paraqitur me mjaft sukses, si në: “Karmen” (Don Hose), “Romeo e Xhyljeta” (Romeo), “Zhizela dhe Interplay” (Albert), “Era dhe Kolona” (Komandanti), “Piter Pan” (Kryeplaku Indian),” Kopelia” (Prefekti), “Don Kishoti” (Espado), “Halili e Hajria” (Sadiku), “Bolero e Shtrausiana”, “Vallja pranverore”, “Trëndafili I përgjakur” (Luisillo), “Ritme të zgjuara”, “Kënga e Rexhës” (Valleheqësi), “Besa” (Princi), “Balloja e Kadetëve”, “Zef Lush Marku” (Tri hije të vdekjes), “Loja e Sizifit” (Udhëheqësi I), “E bukura More” (Thanasi), “Legjenda mbi ngadhnjimin” (Vdekja), “Mbrëmje baleti”, kurse Hans Fyelltarin te “Fyelltari” dhe te shfaqja “Tranzicion II” ka luajtur pas luftës, në vitin 2001/02. Në vitin 1985 Brahimaj emërohet Shef I Baletit. Për punën e tij krijuese ai mori shumë lëvdata, si dhe për nder të 48 vjetorit, u dekorua me “Plaketën e Teatrit Popullor Krahinor” (1986), dhe me rastin e 60 vjetorit të Teatrit Kombëtar të Kosovës, është shpërblyer për punën artistike e krijuese.

Nga viti 1972-1991 përveç si Solist I Baletit dhe Shef I Baletit, Ahmet Brahimaj ka qenë edhe në disa mandate drejtuese të Teatrit Popullor Krahinor, si:

Anëtar I Këshillit Artistik dhe pleqësisë të Teatrit Popullor Krahinor të Kosovës, ndërsa pas luftës ai ka qenë

Anëtar I Këshillit Artistik të Ansamblit Kombëtar të Këngëve dhe Valleve “Shota”

Anëtar I Këshillit Udhëheqës të A.K.K. V. “Shota”

Kryetar I Këshillit Udhëheqës të Teatrit Kombëtar të Kosovës

Anëtar I Këshillit Udhëheqës të Teatrit Kombëtar të Kosovës

Tani, Ahmet Brahimaj është Drejtor I Baletit të Kosovës dhe është njeriu kyç I rithemelimit të Shkollës së Baletit respektivisht Baletit të Kosovës. Pas luftës, së bashku me disa nga kolegët e tij hapin Shkollën e Mesme të Baletit, në kuadër të shkollës së muzikës “Prenkë Jakova”, Prishtinë. Klasa e Ahmet Brahimajt u diplomua në vitin 2005, dhe është gjenerata e parë pas luftës e njëherit edhe bërthama e Baletit të Kosovës. Gjithashtu, Brahimaj ka kontribuar dhe në formulimin e Ligjit të Operës, Filharmonisë dhe Baletit, Ligj I cili është në funksion tani dhe është aprovuar në vitin 2005.

Gjatë udhëheqjes së Brahimajt, Baleti I Kosovës ka bashkëpunuar dhe vazhdon të bashkëpunojë me shumë koreografë të shquar nga e gjithë Bota, gjë që rezulton me suksese të njëpasnjëshme.

Më datën 26/11/2010, me Urdhërin e Presidentit të Kosovës, me Rastin e 28 Nëntorit, Ditës së Flamurit Kombëtar, Ahmet Brahimaj nderohet me çmimin e madh “Artist I Merituar” për kontributin e dhënë në zhvillimin e Artit të Baletit në Republikën e Kosovës. / KultPlus.com

Ahmeti ironizon: Me u pas lexu krejt librat e rafteve që kanë dalë këto ditë në televizione nacionale, jam i bindur se do ti kishim punët më mirë

Posted on by KultPlus

Kryetari i Prishtinës, Shpend Ahmeti, ka ironizuar me disa persona rreth lidhjeve të tyre direkte, shkruan KultPlus.

“Me u pas lexu krejt librat e rafteve që kanë dalë këto ditë në televizione nacionale jam i bindur se do ti kishim punët më mirë. Vend i mundësive.

Thash, po thom”, ka shkruar Ahmeti në Facebook.

Fizikanti amerikan përmend Kosovën si shembull për menaxhimin e pandemisë

Posted on by KultPlus

Fizikanti amerikan, Yaneer Bar-Yam, ka marrë shtetin e Kosovës si një shembull të mirë të menaxhimit të situatës me pandeminë Covid-19.

Shembullin e tij e ka shpërndarë në Facebook ushtruesi i detyrës së Ministrit të Brendshëm, Xhelal Sveçla.

“Falë veprimeve të shpejta dhe vendimtare duke i ndjekur këshillat e ekspertëve vendor dhe ndërkombëtar, përfshirë edhe tonëve, shkalla e vdekjes nga Covid-19 në Kosovë është 20 herë më e ulët se e Suedisë. Përkundër mungesës së resurseve dhe një sistemi të dobët të shëndetësisë, një nga shtetet më të varfëra të Europës është bërë një storie suksesi”, ka thënë ai në Twitter.

“Por edhe në Kosovë, njerëzit duhet që të vazhdojnë t’iu binden masava të qeverisë. Masat duhet të largohen gradualisht në mënyrë që të evitohet një rritje e madhe e infeksioneve që mund të jetë më e keqe se vala e parë. Kujdesi i madh në këtë kohë fiton garën!”, përfundon ai. /Express/ KultPlus.com

“Mos u ngut të zësh miq, por kur t’i zësh mos i braktis”

Posted on by Kult Plus

Thënie frymëzuese për lidershipin

Mos e krahaso veten me asnjë në botë… nëse e bën, po fyen veten. – Bill Gates

2- Mos e ndërpre kurrë armikun tënd kur është duke bërë një gabim. – Napoleon Bonaparti.

3- Vetëm një në një mijë vetë është lider – 999 të tjerët ndjekin gratë. – Groucho Marx

4- Mos u tregoni njerëzve si t’i bëjnë gjërat, thojuni çfarë të bëjnë dhe lërini t’ju habisin me rezultatet e tyre. – George S. Patton Jr.

5- Lidershipi është arti i të nxituri të dikujt tjetër që të bëjë diçka që ti e do të bëhet, për arsye se ai do që ta bëjë. –Dwight D. Eisenhower

6 – Nuk kanë rëndësi vitet në jetë. Por jeta e kaluar në vite – Abraham Lincoln

7 – Nëse dëshiron që gjërat të bëhen mirë, bëji vetë. – Napoleon Bonaparti.

8- Mos u ngut të zësh miq, por, kur t’i zësh, mos i braktis. – Sokrati

9- Ai që dëshiron ta ndryshoje botën, fillimisht duhet të ndryshojë veten e tij. -Sokrati

10-  Vetëm miqtë e vërtetë mund të të tradhtojnë”- Marlon Brando (Vito Corleone)

11- Fitorja ka njëqind baballarë dhe humbja është jetime. –John F. Kennedy

12- Ka një ndryshim mes të qenurit një lider dhe të qenurit një bos. Bosi kërkon bindje të verbër. Lideri e fiton autoritetin përmes mirëkuptimit dhe besimit. -Klaus Balkenhol

13 – Arti i lidershipit është të thuash jo, dhe jo po. Është shumë e lehtë të thuash po. -Tony Blair

14- Nuk të them dot formulën e suksesit, por mund të të them formulën e dështimit: përpiqu t’i kënaqësh të gjithë. – Herbert Bayard Swop

15- Nëse dëshiron të kesh një sukses, mos premto asgjë, mos shpall asgjë. –Napoleon Bonaparti.

16- Mënyra më e mirë për ta mbajtur fjalën është të mos e japësh atë. –Napoleon Bonaparti.

17- Një njeri që dëshiron të udhëheqë orkestrën, duhet t’i kthejë shpinën turmës. -Max Lucado

18– Për të njohur armikun, duhet të bëhesh armiku i vetes. –Sun Tzu

19– Kur armiku relaksohet, prishi qetësinë. Kur ndjehen mirë, sulmoji. –Sun Tzu

20- E pamundura është një fjalë që mund të gjendet vetëm në fjalorët e budallenjve.- Napoleon Bonaparti

21- Mbaji miqtë afër… por armiqtë edhe më afër – Al Pacino (Michael Corleone)

22- Mënyra më e mirë për t’i shkatërruar armiqtë e tu, është kur i bën ata miq. – Abraham Linkoln

23- Testi i fundit i një lideri është që ai të lërë prapa tek të tjerët bindjen dhe vullnetin për të vazhduar përpara. -Walter Lippmann

24- Shembulli nuk është gjëja kryesore për të influencuar të tjerët. Është e vetmja gjë. – Dr. Albert Schweitzer

25- Shfrytëzoje rastin! E gjithë jeta është një rast. Ai njeri që shkon më larg, zakonisht është ai që është i gatshëm të bëjë dhe të guxojë. Barka e sigurt kurrë nuk lundron shumë larg bregut.- Dale Carnegie

26- Lidershipi dhe mësimnxënia janë të domosdoshme për njëra-tjetrën. -John F. Kennedy

27 – Fëmijët kurrë nuk kanë qenë të zotë të dëgjojnë të rriturit, por kurrë nuk kanë dështuar t’i imitojnë ata. -James Baldwin

28- Mos përçmo asnjë njeri dhe mos konsidero asgjë të pamundur, sepse nuk ka asnjë njeri që nuk ka kohën e tij dhe nuk ka asgjë që nuk ka vendin e saj. -Talmud

29- Më jep njerëzit e duhur dhe nuk më intereson se çfarë organizate do më japësh. Gjëra të mira do të ndodhin. Më jep njerëzit e gabuar dhe nuk ka rëndësi se çfarë do të bësh me organizatën. Gjëra të këqija do të ndodhin. –Colin Powell

30- Njeriu nuk di çfarë është i aftë të bëjë deri në momentin kur e pyesin- Koffi Annan

31- Ne ose gjejmë ndonjë rrugë, ose e bëjmë një. -Hannibal

32- Strategjia pa taktika është rruga më e ngadaltë për fitore. Taktikat pa strategji janë zhurma para mposhtjes. -Sun Tzu

33- Të gjesh lojtarë të mirë është e lehtë. T’i bësh ata të luajnë së bashku është pjesa më e vështirë. -Casey Stengel

34- Të qëndrosh në mes të rrugës është shumë e rrezikshme; të godet trafiku nga të dyja anët. -Margaret Thatcher

35 – Manaxhimi është t’i bësh gjërat saktë. Lidership do të thotë të bësh gjërat e sakta. – Peter F. Drucker

36- Delegimi i punës funksionon, me kusht që edhe ai që e delegon të punojë. -Robert Half

37- Esenca e vërtetë e lidershipit është se duhet të kesh vizion. Nuk mund t’u frysh trumbetave të pasigurta. – Theodore M. Hesburgh

38- Mënyra më e mirë për të parashikuar të ardhmen tënde është ta krijosh vetë atë. – Abraham Linkoln

39- Drejtuesi më i mirë është ai që ka mjaft sens sa të zgjedhë burrat më të mirë të bëjnë atë që ai do të bëjnë, dhe i vetëkufizuar sa ta ndalojë veten dhe të mos i ndërhyjë ndërkohë që ata punojnë. – Theodore Roosevelt

40- Shpirtrat e mëdhenj gjithmonë janë kundërshtuar nga mediokrit. Këta të fundit nuk mund ta kuptojnë kur një person nuk i nënshtrohet paragjykimeve të trashëguara dhe përdor me kuraje inteligjencën e tij. – Albert Einstein

41- Mos drejtoni duke i goditur të tjerët në kokë, ky është sulm, jo lidership. – Dwigt D. Eisenhower

42- Lidershipi mund të kuptohet si kapacitet për ta përkufizuar veten tek të tjerët në një mënyrë që qartëson dhe zgjeron vizionin e të ardhmes. – Edwin H. Friedman

43- Nuk ka rëndësi fakti se njeriu është një kafshë tufe, thotë Frojdi, por se ai është kafshë e tufës i drejtuar nga një shef. -Ernest Becker

44- Kushdo që e ofron lidershipin, duhet të jetë sa më shumë i freskët dhe i kujdesshëm dhe reflektues, që të bëjë ndeshjen më të mirë. –Faye Wattleton

45- Komuniteti është si një anije; të gjithë duhet të jenë të përgatitur të marrin timonin. – Henrik Ibsen

46- Unë kam parë më larg se të tjerët, sepse qëndroja në shpatullat e gjigandëve. – Isaac Newton

47- Një lider duhet të ketë kurajën të veprojë kundër këshillës së ekspertëve. – James Callaghan

48- Nuk ka asgjë më demoralizuese se një lider që s’mund ta artikulojë qartë pse po bëjmë atë që po bëjmë. – James Kouzes dhe Barry Posner

49- Një lider apo një njeri aksioni në krizë, gjithmonë vepron në mënyrë të nënndërgjegjshme dhe pastaj mendon arsyen e veprimit të tij. – Jawaharlal Nehru

50- Koha është neutrale dhe nuk i ndryshon gjërat. Me kurajë dhe iniciativë, liderët i ndryshojnë gjërat. – Jesse Jackson

51- Lidership do të thotë të gjesh një paradë dhe të dalësh në krye të saj. – John Naisbitt

52- Nëse veprimet tuaja i frymëzojnë të tjerët të ëndërrojnë më shumë, të mësojnë më shumë, të bëjnë më shumë dhe të bëhen më shumë, atëherë je lider. – John Quincy Adam

53- Çelësi për lidershipin e suksesshëm sot është influencë, jo autoriteti. – Kenneth Blanchard

54- Kur liderët tërheqin pushtetin, kur sillen si heronj dhe shpëtimtarë, përfundojnë të lodhur e të dërmuar, dhe thellësisht të stresuar. – Margaret J. Wheatley

55- Liderët që punojnë më me efektivitet janë ata që kurrë nuk thonë “unë”. Dhe kjo jo sepse e kanë stërvitur veten të mos thonë “unë”. Ata nuk mendojnë me “unë”. Ata mendojnë “ne”. Ata mendojnë “skuadër”. Ata e kuptojnë se puna e tyre është ta bëjnë skuadrën të funksionojë. Ata pranojnë përgjegjësi dhe nuk i shmangen asaj, por “ne”-ja i merr meritat. Kjo gjë krijon besim, dhe ju aftëson që puna të përfundohet. – Peter Drucker

56 – Liderët nuk duhet t’i ngjisin kuptim moral ideve të tyre. Bëjeni këtë dhe s’mund të komprometoni. -Peter F. Drucker

59- Unë nisem me premisën se funksioni i lidershipit është të prodhojë më shumë liderë, jo më shumë ndjekës. – Rapph Nader

60- Liderët e mirë në fillim duhet të bëhen shërbëtorë të mirë. -Robert Greenleaf

61- Mbaje frikën për veten tënde, por ndaj frymëzimin me të tjerët. – Robert Louis Stevenson

62- Liderët janë modelë më të fuqishëm kur mësojnë se sa kur japin mësim. – Rosabeth Moss Kantor

63- Një lider i çon njerëzit aty ku duan të shkojnë. Një lider i madh i çon njerëzit jo aty ku duan të shkojnë, po aty ku duhet të jenë. -Rosalynn Carter

64- Lidership efektiv do të thotë t’i bësh gjërat e para të parat. Menaxhim efektiv do të thotë disiplinë, t’i zbatosh. – Stephen Covey

65- Esenca e vërtetë e lidershipit është se duhet të keni vizion. –Theodore Hesburgh

66-“Dikush është ulur në hije sot, sepse dikush tjetër ka mbjellur një pemë aty shumë kohë më parë”. – Warren Buffett

67- Liderët nuk lindin, ata bëhen. Ata bëhen ashtu si gjithçka tjetër, përmes punës së rëndë dhe ky është çmimi që duhet të paguani për ta arritur atë qëllim, apo çfarëdolloj qëllimi tjetër. – Vince Lombardi

68- Manaxheri pyet si dhe kur; lideri pyet çfarë dhe pse. – Warren Bennis

69- Manaxheri pranon statuskuonë; lideri e sfidon atë. – Warren Bennis

70- Miti më i rrezikshëm i lidershipit është se liderët lindin, se ekziston një faktor gjenetik për lidershipin. Ky mit pohon se njerëzit ose kanë cilësi karizmatike, ose jo. Këto janë gjepura; në fakt, e kundërta është e vërtetë. Liderët bëhen, më shumë se sa lindin. – Warren Bennis

71- Çmimi i madhështisë është përgjegjësia. – Winston Churchill

72- Testi i vetëm i lidershipit është që dikush të ndjekë. – Robert K. Greenleaf

73- Lidershipi nuk është aq shumë teknikë dhe metodë, sa është të hapësh zemrën. Lidershipi është frymëzim, për veten dhe të tjerët. Lidershipi i suksesshëm është për përjetesat njerëzore, jo proceset. Lidershipi nuk është një formulë apo program, por një aktivitet njerëzore që vjen nga zemra dhe merr parasysh zemrën e të tjerëve. Është një qëndrim, jo rutinë. – Lance Secretan

74- Një lider është më i mirë kur njerëzit as që e dinë se ekziston, jo kaq i mirë kur njerëzit i binden dhe e brohorasin, i keq kur ata e përçmojnë … Por për një lider të mirë që flet pak dhe e bën punën, që e përmbush qëllimin, ata do të thonë, “Ne e bëmë vetë”.-Lao Tzu

75- Një ushtri me 1000 ushtarë është e lehtë të gjendet, por sa e vështirë është të gjesh një gjeneral. – Fjalë e urtë kineze

76- Tregohu i butë dhe mund të jesh guximtar; bëhu kursimtar dhe mund të jesh liberal; mos e vë veten para të tjerëve dhe mund të bëhesh një lider mes burrave. – Lao Tzu

77- Lidership është aksion, jo pozicion.– Donald H. McGannon

78- Lidership do të thotë t’i bësh njerëzit të punojnë për ty atëherë kur nuk e kanë për detyrim. – Fred Smith

79- Një lider i vërtetë dëgjon muzikën, edhe kur nuk i pëlqen melodia.– Anonim

80- Pa një udhëheqje të urtë populli bie, por gjen shpëtim në numrin e madh të këshilltarëve. – Bibla

81- Lidershipi efektiv nuk tregohet tek fjalimet dhe tek pëlqyeshmëria; lidershipi përcaktohet nga rezultatet, jo atributet. -Peter Ferdinand Drucker

82- Një lider i mirë nuk mund të largohet shumë nga ndjekësit e tij.– Franklin D. Roosevelt

83- Ai që nuk mund të bjerë dakord me armiqtë e tij kontrollohet prej tyre. – Fjalë e urtë kineze

84- Ekzistojnë shumë elemente tek një fushatë. Lidershipi është numri një. Gjithë të tjerat janë numri dy. – Bernd Brecher

85- Kam më shumë frikë nga një ushtri me 100 dele të drejtuar nga një luan, se nga 100 luanë të drejtuar nga një dele. – Talleyrand

86- Liderët e mirë i bëjnë njerëzit të ndihen sikur janë në zemër të gjërave, jo në periferi. Të gjithë ndihen sikur kanë bërë një ndryshim në suksesin e organizatës. Kur kjo ndodh, njerëzit ndjehen të qendërzuar dhe kjo u jep kuptim punës së tyre. – Warren Bennis

87- Është shumë më e sigurt kur ta kanë frikën, sesa kur të duan.-Makiaveli

88– Një person që nuk bën asnjë gabim, nuk provon kurrë asgjë të re – Albert Ajnshtajn

89- Keni armiq? Mirë. Kjo do të thotë se keni luftuar për diçka, në një fazë të jetës suaj.- Uinston Çurçill

90- Një pesimist e shikon vështirësinë në çdo mundësi; një optimist e shikon mundësinë në çdo vështirësi.- Uinston Çurçill

91- Kuraja vlerësohet me të drejtë cilësia e parë e njeriut, sepse është cilësia që i garanton gjithë të tjerat.- Uinston Çurçill

92– Dy rrugë ndaheshin nga një dru, dhe unë zgjodha atë më pak të shkelurën. Kjo bëri diferencën. – Robert Frost

93– Kam gabuar në 9000 gjuajtje në karrierën time. Kam humbur 300 ndeshje. 26 herë më është besuar gjuajtja e fundit dhe e kam gabuar. Kam dështuar mijëra herë në jetë. Dhe kjo është arsyeja pse arrita të kem sukses. – Michael Jordan

94– Koha më e mirë për të mbjellë një pemë është para 20 vitesh. Koha e dytë më e mirë është tani. – Proverbë kineze

95– Nuk mund ta kalosh kurrë oqeanin nëse s’ke guxim të shohësh mbrapa që bregu nuk duket. – Kristofor Kolombi.

96- Mbaji frikërat e tua për vete, por ndaje kurajën me të tjerët. –Robert Louis Stevenson

97– Fillo aty ku je. Përdor atë që ke. Bëj atë që mundesh. – Arthur Ashe

98– Rrëzohu 7 herë, dhe ngrihu 8. – Proverb japoneze

99– Nuk ka rëndësi se sa ngadalë ecën, për aq kohë sa nuk ndalon. – Konfuci

100– Kur të takoj Zotin në fund të jetës sime, shpresoj të mos më ketë ngelur asnjë pikë talent dhe t’i them, e përdora të gjithë atë që më dhe. – Erma Bombeck. /KultPlus.com

Punëtorët shëndetësorë heronjtë e rinj, Banksy me mural për ta

Posted on by KultPlus

“Spiderman e Batman” nuk janë më të preferuarit e fëmijëve. Sipas një murali të Banksyt këtë vend tani e kanë zënë punëtorët shëndetësorë.

Punëtorët shëndetësorë po vazhdojnë të jenë në vijën e frontit të Covid-19, transmeton KOHA.

Një vepër e re arti nga Banksy është shfaqur në Spitalin e Përgjithshëm të Southamptonit, shkruan BBC.

Piktura monokrome, që është një metër katror, në bashkëpunim me menaxherët e spitalit në një sallë pranë departamentit të urgjencës.

Banksy paraqet një fëmijë në gjunjë pranë një shporte duke luajtur me një lodër me figurë të infermieres.

Ai ka lënë poshtë lodrat me “Spiderman” dhe “Batman” në favor të një heroi të ri – infermieret NHS.

Piktura do të qëndrojë në Spitalin e Përgjithshëm të Southamptonit deri në vjeshtë kur do të dalë në ankand për të mbledhur fonde për NHS.

Naim Frashëri, rilindas i përjetshëm, përfaqësues i shquar i lëvizjes kombëtare

Posted on by Kult Plus

Naim Frashëri është figura qendrore e letërsisë së Rilindjes dhe një nga përfaqësuesit më të shquar të lëvizjes kombëtare, njeriu që u pagëzua për së gjalli si “apostull i shqiptarizmës” dhe “bilbili i gjuhës shqipe”. Lindi në Frashër të Dangëllisë, ku mori mësimet e para nga hoxha i fshatit. Me shpërnguljen e familjes në Janinë, pranë vëllait të madh Abdylit, që shërbente si nëpunës atje, Naimi hyri në gjimnazin Zosimea të qytetit, ku mori një kulturë të gjerë për kohën.

Përveç njohjes me kulturat klasike, përveç se përsosi njohuritë në persisht dhe mësoi edhe gjuhë të tjera, si greqishten, frëngjishten etj. Naimi atje ra në kontakt me idetë e iluminizmit frëng, që i hapi udhën Revolucionit të vitit 1789: lexoi Rusonë e Volterin, për të cilët ruajti një admirim të veçantë gjatë gjithë jetës, ashtu si e ruajti edhe për shkrimtarët e mëdhenj të shkollës së romantizmit francez, Hygonë, Lamartinin e të tjerë. Naimi u ndodh kështu në kryqëzimin e dy kulturave, të kulturës lindore e të kulturës perëndimore, të cilat lanë gjurmë në formimin dhe në veprën e tij, pa mundur të shtypin natyrën e saj vendase.
Pasi kreu më 1870 gjimnazin, Naimi shkoi në Stamboll për të gjetur punë, por klima nuk i shkoi shëndetit të tij të dobët dhe u kthye në Shqipëri, ku punoi për dhjetë vjet si nëpunës dogane në Janinë, në Sarandë e në Berat. Më 1882 u vendos përfundimisht në Stamboll pranë vëllait, Samiut, ku edhe mbylli sytë më 20 tetor 1900. Atje ai u bë shpirti i Shoqërisë së Stambollit që e kryesonte Samiu.
Por në vitet e Lidhjes së Prizrenit Naimi u ndodh në Shqipëri dhe mori pjesë aktive në ngjarjet e saj, sidomos në organizimin e mbledhjeve që u bënë në Frashër e në Janinë për mbështetjen e përkrahjen e Lidhjes. Më 1880 shkroi të parën vepër shqip me përmbajtje atdhetare, poemthin “Shqipëria”, e cila u prit me entuziazëm në rrethet patriotike. Në këtë poemë ai shpalli poetikisht të gjitha idetë që do të formonin më tej trungun e veprës së tij atdhetare dhe të gjithë poezisë atdhetare të Rilindjes.
Vepra poetike e Naimit vuri bazat e letërsisë kombëtare dhe luajti një rol të dorës së parë për zgjimin e vetëdijes atdhetare te bashkëkombësit. Ai u bë themeluesi i një letërsie të re me përmbajtje atdhetare e njerëzore, me forcë artistike dhe me vlera të shquara stili, duke zgjeruar jo vetëm tematikën dhe problematikën e saj, por duke i kthyer fjalës shqipe forcën e saj estetike, duke i dhënë shqipes fytyrën e një gjuhe të lëvruar të kulturës moderne të shqiptarëve. Me poemat e vjershat e tij lirike Naimi i këndoi mallit e dashurisë për atdhe, krenarisë kombëtare dhe të kaluarës së lavdishme të shqiptarëve. Por ai zbuloi edhe të fshehtat e shpirtit njerëzor duke medituar për jetën dhe vdekjen, bukurinë dhe dashurinë, qenien dhe mosqenien, perëndinë dhe gjithësinë, në frymën e panteizmit poetik e filozofik që karakterizon mendimin e tij.

Një himn të pashoq i thur Naimi dashurisë për atdhe e mallit për të, bukurive të natyrës shqiptare e krenarisë kombëtare në poemën “Bagëti e Bujqësija”. Me këtë vepër Naimi krijoi poezinë e madhe të atdheut dhe me një gjuhë magjepse poetike shprehu ndjenja e emocione që s’kishte mundur t’i krijonte para tij poezia shqipe. Ai shpalli mbi të gjitha ndjenjën e krenarisë kombëtare, përmes vargjeve: “Ti Shqipëri më ep nderë, / Më ep emërin shqipëtar; / Zemërnë ti ma gatove / Plot me dëshirë dhe me zjarr”.
Naimi pohoi me gjuhën e artit qenien e atdheut e të atdhetarizmit shqiptar, duke krijuar imazhin poetik të mëmëdheut që u mungonte shqiptarëve, që e kishin dhe nuk e shikonin ose nuk e ndienin se e kishin ashtu të bukur e madhështor, ashtu si e përshkruan poeti, të ringjallur së vdekuri me një dashuri të përgjëruar prej fjalës poetike. Ky imazh i ftonte shqiptarët të ktheheshin në atdhe. Metafora e madhe e kthimit, e pranishme jo vetëm në këtë poemë të Naimit, por në gjithë letërsinë romantike të Rilindjes, nuk është e njëjtë me ëndrrën romantike për t’u kthyer në viset ekzotike, ose në gjirin e jetës së lirë e të papërlyer nga sëmundjet e qytetërimit modern; nuk është thjesht një arratisje romantike larg rrëmujës e rrëmetit të jetës urbane, por një mall për atdheun e humbur dhe një thirrje qytetare për t’iu kthyer vlerave të vendlindjes, për t’i ringjallur ato e bashkë me to për të ringjallur kombin. Ky ishte misioni i poezisë së Naimit, i cili u njëjtësua në vetëdijen e kombit me qiririn që digjet për njeriun dhe për lirinë.
Historia, sidomos epoka e Skënderbeut, përbënte për rilindësit një trashëgim të çmuar dhe një dëshmi të identitetit e të së drejtës së shqiptarëve për të jetuar të lirë në atdheun e tyre. Me vetëdijen e ndikimit të madh të së kaluarës për formimin e ndërgjegjes kombëtare dhe për zgjimin e ndjenjave liridashëse, Naim Frashëri krijoi poemën epike “Istori e Skënderbeut.

Naim Frashëri ishte njeri i Rilindjes dhe Rilindja Shqiptare bashkonte në vetvete idealet politike qytetare të rilindjes së kombit dhe idealet humane të rilindjes së njeriut. Rilindja e kombit dhe liria e kombit në mendimin e Naimit është e lidhur me rilindjen e njeriut e me lirinë e njeriut, me zgjimin e pasurimin e tij mendor e shpirtëror, me përsosjen e tij morale. Në këtë vështrim përjetimet lirike të Naimit të shprehura në vjershat e “Luleve të verës” synojnë të afirmojnë një botë të re ndjenjash njerëzore, aspiratën e poetit për emancipimin e njeriut dhe për pohimin e individualitetit e të personalitetit të tij.
Këto motive i sollën një risi e një pasuri artistike të panjohur më parë poezisë shqipe; me to Naim Frashëri themeloi stilin e mirëfilltë lirik në letrat shqipe dhe ngriti fjalën shqipe në rrafshin e poezisë e të artit të vërtetë.
Vepra e Naim Frashërit sintetizoi prirjet më të mbara të zhvillimit historik e kulturor kombëtar të shqiptarëve dhe bëri epokë duke e nxjerrë në një udhë të re letërsinë e tyre.

Duke vënë në bazë te gjuhës së poezisë gjuhën popullore, Naim Frashëri e emancipoi shprehjen poetike nga konvencionalizmi dhe i çliroi fjalët nga inercia e një tradite të ngurtësuar prej gjuhës së konsakruar të librave të dogmës, ose prej trysnisë së modeleve të huaja poetike. Me veprën e Naimit letërsia shqiptare mohoi në thelb traditën e zhvillimit të saj të varur nga ndikimi i letërsive dhe i kulturave të tjera; ajo nisi të zhvillohej në mënyrë të pavarur si letërsi e kombit shqiptar, me tiparet e veta. Naimi e afroi kështu letërsinë me proceset e zhvillimit shpirtëror e kombëtar të shqiptarëve dhe e bëri shprehëse të njëmendtë të ndërgjegjes së tyre morale e estetike. /KultPlus.com

Ti shkruash dashurisë si Fabio Volo – pjesë nga libri “Kam një jetë që të pres”

Posted on by KultPlus

“Me ty do të jem ndryshe. T’i them këto fjalë në periudhën më të mirë të jetës sime, në periudhën kur jam mirë dhe kam kuptuar kaq shumë gjëra. Në periudhën kur më në fund po e njoh lumturinë me sytë e vërtetë të saj.

Në këtë kohë, jeta ime është e plotë, kam kaq shumë gjëra që më pëlqejnë rreth vetes, që më tërheqin. Jam shumë mirë pa ty dhe jeta ime si një person i vetmuar është e mrekullueshme.

E di që duke e thënë kështu, tingëllon keq. Unë të kërkoj të rrish me mua jo sepse pa ty ndihem jo i lumtur. Do të isha egoist, nevojtar dhe shumë i interesuar për lumturinë time dhe ti do të ishe shpëtimi im.

Unë të kërkoj të jesh më mua, sepse në këtë moment jeta ime është e mrekullueshmë, por me ty do të jetë akoma më shumë. Nëse unë do të isha duke jetuar një jetë boshe, të pavlerë dhe të mjerueshme, a do të të pëlqente që të ishe ti alternative kundër asgjësë, boshllëkut dhe trishtimit?

Sa më mirë të ndihesh i vetëm, aq më shumë vlerë ka personi që kërkon të kesh pranë. Shpresoj që ta kuptosh drejt këtë që po të them. Unë jam mirë i vetëm, por që kur të kam njohur ty, më duket sikur në çdo fjalë që them, ekziston një shkronjë nga emri yt, sepse në fund të çdo diskutimi më shfaqesh gjithmonë ti në mendje.

Kam mësuar ta dua veten time. Por e di që ti “do të më detyrosh” të jem akoma më i vëmendshëm me gjërat që bëj; të jem i denjë për dashurinë që ndiej për ty. Nga tani, unë dua ta zhvesh veten nga çdo mbrojtje, nga çdo armaturë, nga cdo krenari, sepse jo vetëm që jam i dashuruar me ty, por unë të dua. Për këtë jam i sigurtë.

Në fjalën “Të dua” ka gjithmonë dashuri, por jo në çdo dashuri ka gjithmonë “Të dua”. Unë të dua, ashtu siç nuk kam dashur asnjë tjetër më parë”.

– Fabio Volo, “Kam një jetë që të pres”

Zemra

Posted on by Kult Plus

Poezi nga Lasgush Poradeci

Bëj e ri mendohem,
Të mos t’afërohem,
Bën e ri mendohesh
Të mos m’afërohesh.

Dhe ri bëj e bëjnë
Mos të shkoj andejnë,
Dhe ri e bën bëjnë
Mos të shkosh këtejnë.

Ha! tek bëj kështuzë,
Hop! të shoh këtuzë!
Ha! tek bën ashtuzë,
Hop! buzë-për-buzë.

Pa me puth një herë,
Pa të puth dy herë,
Pa më puth tri herë,
Të puth tridhjetë herë,

Uf! moj zemrë-e mjerë…

Zemër-lule-e-verë,
Gas-e-vrer-përherë,
Zemër-kopsht-me-erë,
Zemëra-skëtere.

Gjocaj: Po presim me sy dhe vesh kur po ik virusi dhe kur po kthehemi në punë

Posted on by KultPlus

Qendrim Badalli

Pandemia botërore që preku Kosovën ka ndaluar një varg aktivitetesh kulturore. Edhe Ansamblit Kombëtar të Këngëve dhe Valleve “Shota” i është dashur që të ndërpres përkohësisht një pjesë të aktiviteteve të planifikuara kurse për një pjesë tjetër të gjej rrugë alternative, shkruan KultPlus.

Drejtori i AKKV “Shota”, Shefqet Gjocaj, në një prononcim për KultPlus ka treguar specifikisht për koncertet që janë anuluar si shkak i pandemisë.

“Ne kemi pasur planin artistik i cili është anuluar për shkak të pandemisë. Janë anuluar dy programe që kemi pasur në plan, koncerti i pranverës dhe një koncert që e kemi menduar për Nexhmije Pagarushës. Janë anuluar po ashtu edhe pjesëmarrja jonë në festivalet ndërkombëtare të cilat ishin të konfirmuara, njëri në Belgjik dhe tjetri në Turqi”.

Megjithatë, edhe në rrethanat e jashtëzakonshme të krijuara nga pandemia Ansambli “Shota”, gjeti rrugë për të qenë afër publikut.

“Në ndërkohë Ansambli Shota ka gjetur një formë deri diku të kompenzimit të koncertit të pranverës duke organizuar një koncert online i cili është realizuar nga orkestra dhe këngëtarët tonë dhe është shfaqur përmes platformave online”.

Në fund, Gjocaj tha se pritja vazhdon duke uruar për një rikthim të shpejt në punën e tyre të zakonshme.

“Po presim me sy dhe vesh kur po ik virusi dhe kur po kthehemi ne në punë. E gjitha cfarë mund të them është të uroj që kjo të përfundoj sa më parë dhe të shpresojmë që të fillojmë nga qershori me punën dhe të mos humbim të paktën koncertin qe kemi planifkuar për Ditën e Fëmijëve”  / KultPlus.com



 

Mark Twain, emri i madh i letërsisë amerikane

Posted on by Kult Plus

Samuel Langhorne Clemens (30 nëntor 1835 – 21 prill 1910) njihet me emrin Mark Twain, ishte një autor dhe humorist amerikan. Ai shquhet për novelat e tij, The Adventures of Tom Sawyer (Aventurat e Tom Sojerit, 1876), si dhe për (Adventures of Huckleberry Finn) (Aventurat e Hakëllberri Finit), e cila me vone njihej si “Great American Novel” (Novela e famshme Amerikane). Twain u rrit në Hannibal, Missouri, ku shkroi Huckleberry Finn dhe Tom Sawyer, te cilat i shkroi me makine shtypi.

Ai gjithashtu punoi si daktilograf, duke kontribuar kështu në gazetën e vëllait te vjetër Orionit. Derisa ai punoi si daktilograf dhe reporter ai shkroi storien humoristike “The Celebrated Jumping Frog of Calaveras Country”, e cila u be aq e popullarizuar saqë e tërheqi vëmendjen e publikut mbarkombetar. Ai arriti sukses mjafte te madh si një shkrimtar dhe spiker. Mençuria dhe satira e tij ishin te vlerësuara prej shume kritikeve dhe letrareve, dhe ai ishte shok me presidente, artiste, industrialiste te ndryshëm si dhe me Mbretërinë Evropiane. Gjendja e tij financiare ishte e dobët, megjithëse ai fitoi mjaft para nga shkrimet dhe ligjëratat e tij. Ai ishte i njohur si humoristi me i famshëm amerikan i moshës se tij, dhe William Faulkner e quajti Twain “babai i literaturës amerikane”.

Jeta e hershme

Mark Twain lindi në Florida, Missouri, me 30 nëntor, 1834 Ai ishte i biri i Janë, një shtetas i Kentucky dhe John Marchal Clemens nga Virginia. Prindërit e tij u takuan kur babai i tij u shpërngul në Missouri dhe u martuan disa vite me vone, me 1823. Ai ishte femiu i gjashte nga 7 fëmijët ishin gjithsej, prej te cilëve vetëm 3 mbijetuan. Vëllau i tij Orion (1825-1897), Henry dhe Pamela (1827-1904) vdiqën në një shpërthim në anije. Motra e tij e quajtur Margaret (1833-1836) vdiq kur ishte 3 vjeç, dhe vëllai i tij Benjamin (1832-1842) që vdiq 6 vite me vone. Kur Twain ishte 4 vjeç, familja e tij u shpërngul për në Hanibbal, Missouri, një port detar në qytetin e Missisipit, i cili ishte një inspirim për shkrimin e librit “The Adventures of Tom Sawyer and Adventures of Huckleberry Finn”. Kur Twain ishte 11 vjeq, me 1847, i vdiq babai nga pneumonia. Një vit me vone ai u be daktilograf. Në vitin 1851 ai filloi te punonte si daktilograf dhe kontribuoi në artikujt dhe skeçet humoristike për gazetën Hannibal, një gazete që posedohej nga vëllau i tij. Kur ishte 18 vjeçar, ai e leshoi Hannibalin dhe punoi si shtypes në New York City, Philadelphia, St. Luis, Cincinnati. Ai iu bashkëngjit Bashkimit Ndërkombëtar Tiografik te posaformuar, bashkimit te shtypësve dhe gjate mbrëmjeve u edukua në bibliotekat publike, duke gjetur kështu informata me te gjera sesa në shkollën tradicionale. Clemmens kane ardh St. Louis në Keokuk me 1854, dhe jetuan në Muscatine gjate periudhës se verës te vitit 1855. Gazeta Muscatine publikoi 8 storie te cilat kishin pothuajse 6000 fjale.

Martesa dhe fëmijët

Përgjatë vitit 1868, Twain dhe Olivia Langdon u fejuan, ndërsa në shkurt te vitit 1870 u martuan në Elmira, New York. Langdon vinte nga një familje e pasur dhe liberale dhe nëpërmjet saj Twain takoi shume aboltioniste, socialiste dhe aktiviste për te drejtat e grave dhe barazi shoqërore. Ai gjithashtu takoi edhe shkrimtarin dhe socialistin Eutopian, William Dean Howels, me te cilin pati shoqëri për një periudhe te gjate. Ata kishin 3 vajza : Susy (1872-1896), Clara (1874-1962), Jean (1880-1909), dhe një djalë i cili vdiq kur ishte 19 muajsh nga sëmundja e difterisë. Martesa e Twain dhe Olivias zgjati 34 vite, deri me 1904 kur Olivia vdiq. Te gjithë anëtaret e familjes Clemens janë varrosur në varrezat e Woodlawn në Elmira.

Dashuria për shkencën dhe teknologjinë

Twain ka qene i fascinuar pas shkencës dhe hetimeve shkencore. Ai pati një shoqëri te afërt dhe te gjate me Nikola Tesla. Ata kalonin shumë kohe sebashku në laboratorin e Tesles. Ai zotëroi 3 zbulime duke përfshire një përmirësim në rregullimin rripave (shiritave) për ndarjen e rrogave (për te zëvendësuar rripat llastik) Libri i tij A Connecticut Yankee in King Arthur’s Court karakterizon një udhëtues te kohës nga Amerika bashkohore duke përdorur dijen e tij për shkencën për te prezantuar teknologjinë moderne Arturianit te Anglisë. Ky lloj i linjës se storieve me vone do te kthehej në një karakteristike te përbashkët te fanta-shkencës nen-zhanër, historisë alternative. Në vitin 1909 Tomas Edisoni vizitoi Twain në shtëpinë e tij në Redding, Connecticut, dhe e filmoi atë. Një pjesë e filmit u përdor në “Prince and the Pauper“ (1909), i cili ishte një film i shkurte.

Jeta e mëvonshme dhe vdekja

Twain kaloi në një periudhe te depresionit te thelle, e cila filloi me 1896 kur vajza e tij Susy vdiq nga Meningjit. Vdekja e Olivias me 1904 dhe e Janë me 1909 e thelluan errësirën e tij. Me 20 maj te vitit 1909 miku i tij i ngushte Henry Rogers vdiq papritmas. Në vitin 1906, Twain filloi autobiografinë e tij në North Amerikan Review. Në prill Twain dëgjoi që mikesha e tij Ina Coolbrith humbi te gjitha pronen e saj në San Francisko nga tërmeti. Twain e formoi në vitin 1906 një klub për vajzat që ai i shihte si mbesat zëvendësuese, the Angle Fish dhe Aquarium Club. Shumica e anëtareve ishin te moshës 10-16vjet. Twain shkëmbente letra me vajzat e klubit “Angel Fish” dhe i ftonte ato në koncerte dhe teatre si dhe për te luajtur lojëra. Universiteti i Oksfordit e nderoi Twain me një doktorate nderi për shkrimet e tij, me 1907. Në vitin 1909 është cituar për thënien e tij : ”Unë erdha në ketë bote me Halley’s Comet me 1835. Kjo do te vije prape vitin tjetër dhe un pres që te shkoj me te. Do te ishte zhgënjimi me i madh i jetës sime në rast se unë nuk shkoj me Halley’s Comet. Almighty ka thëne, padyshim : “Tani këtu janë këto dy kapriqe te pa numërueshme ; ato kane ardhur sebashku dhe duhet te shkojnë sebashku.” Parashikimet e tij ishin te sakta- Twain vdiq nga një sulm në zeme me 21 prill 1910 në Redding Connecticut, një dite pas qasjes me te afërt te kometës në Toke. Kur presidenti William Howard Taft dëgjoi për vdekjen e Twain tha: “ Mark Twain dhuroi kënaqësi-gëzim te vërtet intelektual për miliona njerëz, dhe puna e tij do te vazhdoj te dhuroje kënaqësi për miliona njerëz që do te vijnë… Humori ishte Amerikan, por ai ishte njësoj i vlerësuar nga njerëzit e Anglisë dhe njerëzit e vendeve tjera si dhe njerëzit e vendit te tij. Ai ka dhuruar një pjesë te pavdekshme te literaturës Amerikane“. Funerali i Twain ishte në “Old Brick”, Press Byterian në kishën e New Yorkut. Ai u varos me familjes e tij në varrezat Woodlawn në Elmira-New York. /KultPlus.com

Shpallen fituesit e fotografive të natyrës dhe imazhet janë fantastike (FOTO)

Posted on by KultPlus

Shoqëria Gjermane për Fotografi të Natyrës sapo ka shpallur fituesit e konkursit Fotografi të Natyrës për vitin 2020 dhe realizimet  janë absolutisht të bukura.

“Për shkak të pandemisë koronavirus, votimi nuk u krye gjatë mbledhjes së përgjithshme vjetore, por u përfundua në internet për herë të parë në historinë e GDT me pjesëmarrje të madhe nga anëtarët e saj”, ka njoftuar organizata.

Fotografët garuan në gjashtë kategori: Zogj, Gjitarë, Kafshë të tjera, Bimë dhe Kërpudhat, Studio e Natyrës, dhe kategoria e veçantë – Uji.

Më poshtë fotot fituese

Studio e Natyrës – Vërshim drite nga Jan Piecha

Winner, Nature's Studio. Flooded With Light. Blackbird, North Hesse By Jan Piecha

Zogjtë – Ngritja nga Flurin Leugger

Winner, Birds. Take-Off. Coyote Panics Geese By Flurin Leugger

Uji – Lojërat e ujit nga  Britta Strack

Winner, Special Category: Water. The Play Of Water. Hraunfossar, Island By Britta Strack

Bimë dhe kërpudha – Jetë e re në pyllin e vdekur nga Radomir Jakubowski

Winner, Plants And Fungi. New Life In A Dead Forest. Dead Forest, Bavaria By Radomir Jakubowski

Gjitarët – Ëndërr lepuri nga Peter Lindel

Overall Winner, Mammals. A Hare's Dream By Peter Lindel

Kafshë të tjera – Rrezik në lloç nga Jens Cullmann

Winner, Other Animals. Danger In The Mud. Crocodile In A Drying Pool By Jens Cullmann

Thënie të të huajve për Skënderbeun, “Kurrë s’ka për të dalë më mbi tokë një luan i tillë”

Posted on by KultPlus

Mit, strateg, hero i kombit, shqiptari më i famshëm në histori, është Gjergj Kastriot Skënderbeu. Sot më 17 janar, në këtë ditë që mbushen 550 vjet nga vdekja e tij, kemi zgjedhur thënie, vlerësime, përcaktime dhe përfundime që janë bërë për figurën e tij. Studiues, historianë, ushtarakë, shkrimtarë, filozofë, gazetarë, shqiptarë dhe të huaj, të cilët jetojnë ose jo, i kemi bërë bashkë në një formë të përmbledhur tashmë, se çfarë menduan dhe çfarë mendojnë për Skënderbeun. Dy Papë, mbretëresha Elisabetë e Anglisë, Sulltan Mehmeti, shkrimtari francez, Volter, deri te Aleks Buda, Artan Fuga, Ismail Kadare, Marin Barleti, Gjergj Zheji dhe Faik Konica. Një udhëtim, jo vetëm në histori, por edhe në mendimin shqiptar dhe botëror, për heroin tonë kombëtar. Sigurisht, mes tyre ka edhe kundërshti dhe debat.

  1. Papa Kalikst i III

“Si një pendë e patundshme, Gjergj Kastrioti ndaloi furinë e sulmeve turke dhe i pengoi të zaptonin Europën Kristjane!

  1. Papa Piu I II

“Gjergj Kastrioti kaloi gati gjithë jetën e tij, duke luftuar për kauzën kristiane. Është zor me gjetë një prijës kryqëzate, që mund të krahasohet me të!”

  1. Mbretëresha e Anglisë, Elisabeth, në librin e lutjeve, botuar më 1559

“17 janar. Si sot, vdiq princi i mirë, Skënderbeu, mbreti i Epirit dhe shfarosësi i turqve”.

  1. Sulltan Mehmeti II

“Kurrë s’ka për të dalë më mbi tokë një luan i tillë!”

  1. Voltaire, (Volter) François-Marie Arouet, shkrimtar francez

“Sikur ta kishte mbrojtur Skënderbeu Konstantinopolin, turqit nuk do të kishin mundur ta merrnin në maj 1453”.

  1. Gjenerali Xhejms Volfi, heroi i Kebekut

“Ai (Skënderbeu) ua kalon gjithë oficerëve, të lashtë e të sotëm, për drejtimin e një ushtrie të vogël mbrojtëse!” 

  1. Sër Uiliam Tempël, në punimin mbi “Virtytin heroik”

“Skënderbeu është një ndër shtatë mbretërit e pakurorëzuar të Europës …, bëmat dhe virtytet e të cilëve mund t’u lejojnë atyre me të drejtë, të renditen krahas kaq mbretërve e perandorëve… Gjergj Kastrioti, i quajtur zakonisht Skënderbeu, princ i Epirit, dhe Huniadi, mëkëmbës i mbretit të Hungarisë, që kanë qenë dy kapedanët më ngadhënjimtarë dhe burra të shkëlqyer, kampionë të vërtetë të krishtërimit sa qenë gjallë dhe tmerr i turqve, sepse me forca të pakta, iu bënë ledh për aq shumë vite, gjithë fuqive të Perandorisë Osmane… dhe Skënderbeu asnjëherë nuk mblodhi bashkë mbi gjashtëmbëdhjetë mijë vetë, për të gjitha fitoret e famshme që korri kundër turqve, të cilët ishin disa herë më shumë si numër, mbi njëqind mijë!”

  1. Thomas Townshend, sekretar i Britanisë për Luftën

“Njohuri të mëdha të artit ushtarak, mund të nxirren nga jeta e Gustav Adolfit dhe nga ajo e Karlit XII, mbretit të Suedisë, si dhe nga jeta e Ziskës së Bohemias. Dhe do të ishte një punë e paçmueshme, po mund të sigurohej një përshkrim i mjaftueshëm i bëmave të Skënderbeut, sepse ai shkëlqen midis gjithë gjeneralëve të kohërave të vjetra dhe të sotme, si udhëheqës i një ushtri të vogël mbrojtëse. Skënderbeun e kam gjetur në historinë e Turqisë, por askund gjetkë. ”

  1. Milan Shuflaj, albanolog nga Kroacia

“Është e kotë të kërkosh dokumente në Shqipëri për Skënderbeun, përveç atyre që janë shkruar nëpër shkëmbinj, sepse çdo gjë që ishte e shkruar, u dogj nga turku!”

  1. Kostandin Jiriçek, historian dhe albanolog nga Çekia, në librin “Historia e Serbëve”

“Venedikasit shpallën si çmim, pagesë të përjetshme prej 100 dukatësh, për vrasjen e Skënderbeut.”

Si do ta ndryshojë trauma perceptimin tonë për botën?

Posted on by Kult Plus

Zigmund Frojdi, neurologu themelues i psikanalizës, ende një nga degët më të rëndësishme të psikologjisë, lindi në 6 maj, 164 vjet më parë në Freiberg. Gjatë karrierës së gjatë, Frojdi zhvilloi teorinë filozofike dhe shkencore, që proceset e pavetëdijshme psikologjike ndikojnë katërcipërisht në mendime, sjellje dhe ndërveprimet midis njerëzve. 

Kur të mbarojë e gjithë kjo, si mund të shërohet një plagë kaq e thellë? Për ta kuptuar më mirë situatën mbështetemi në mendimin e Sigmund Frojdit, i cili, sot celebron ditëlindjen.

Tronditjet për shkak të luftës ose ngjarjeve shkatërrimtare, siç janë sulmet terroriste, katastrofat, ose në rastin tonë një pandemi, sot përcaktohen si forma të stresit post-traumatik. Këtë klasifikim ia kemi borxh babait të psikanalizës Zigmund Frojd, i cili, në vitet e pas luftës studioi neurozat e veteranëve të luftës. Kemi të bëjmë me një temë delikate, e cila në dritën e ngjarjeve të fundit, shtron pyetje dramatike në lidhje me transformimet që shkakton trauma tek ata që preken prej saj.

Mbi të gjitha, nëse mendojmë për zonat më të prekura nga virusi, ku një valë dhembjeje dhe dhimbje goditi brenda disa javësh. Mendojmë për atë procesion të arkivoleve që dilnin nga qytetet me automjete ushtarake. Ose për të gjitha ata që me javë të tëra kanë punuar pa u lodhur në spitale, në laboratorë, në morgje, në një garë kundër kohës, që la gjurmë në fytyrat e tyre të lodhura dhe, ndonjëherë, pothuajse të nënshtruar. Këto imazhe e kanë gdhendur veten në histori dhe nuk do të na hiqen nga mendja për një kohë të gjatë. Si do të transformohemi nga e gjithë kjo? Si do të shërohet një plagë kaq e thellë? Për ta kuptuar më mirë, mbështetemi në mendimin e Zigmund Frojdit.

Cilat janë pasojat e traumës në psikikë

Lufta, si pandemia e ditëve të sotme, kishte vënë në dyshim identitetin psikologjik të njerëzve që derdheshin në frontin e betejës. Në letrat dhe fletoret e ushtarëve shpesh dilte në plan të parë, që kur të mbaronte lufta njerëzit nuk do të ishin më kurrë të njëjtë. Në të vërtetë, lufta nuk kishte mbaruar ende, kur psikanalistët, në një kongres të mbajtur në Budapest në shtator 1918, tashmë po diskutonin një problem mjekësor që ishte shfaqur duke trajtuar ushtarë të frontit: neurozën e luftës. Në të njëjtën mënyrë, sot ne pyesim veten se si do të ndryshojë bota, pasi të gjitha këto të kenë mbaruar. Por gjithashtu, si do të kemi ndryshuar ne, zakonet tona, konceptimin tonë për jetën. Ka nga ata që shikojnë në damarët e së ardhmes një revolucion të vogël dhe të dëshiruar në mënyrën se si do ta jetojmë jetën, më cinikët, nga ana tjetër, argumentojnë se asgjë nuk do të ndryshojë dhe se, në të vërtetë, ndoshta ne do të përkeqësohemi akoma më shumë. /Konica.al

Ekziston një konflikt paraprirës brenda secilit prej nesh

Zigmund Frojdi la disa vlerësime të rëndësishme në parathënien e “Psikanaliza e neurozave të luftës”. Neurozat e luftës janë neuroza traumatike, të lehtësuara nga një konflikt para-ekzistues në Unin. Në gjendjen traumatike të luftës, Egoja ndien një rrezik për vetveten, të shkaktuar nga një Ego e re, e cila e vendos atë përpara vdekjes. Uni mbrohet nga ky armik i brendshëm, duke u strehuar në një neurozë traumatike.

Të jetosh si në llogore

Mos ishte vallë vetëm frika nga vdekja që shkaktoi neurozën? Shumë dëshmi të lëna nga ushtarët në fronte të ndryshme flasin qartë: llogoret ishin hapësira të kufizuara, të ngushta, por ato ishin edhe vendi i vetëm, në të cilin mund të ndjeheshin pak më të sigurt. Pak a shumë siç janë shtëpitë tona në këtë periudhë. Nganjëherë të perceptuar si të vogla dhe mbytëse, ato janë gjithashtu streha jonë nga virusi, nga frika e infektimit dhe vdekja. Në këtë kuptim, llogorja bëhet një botë në vetvete: jeta e përditshme kthehet përmbys, ndjenja e kohës dobësohet në pritje, duke ia lënë vendin ditës dhe natës. Kështu, llogorja bëhet bota e vetme e mundshme dhe frika për të dalë jashtë, duke u ekspozuar ndaj kërcënimeve që jetojnë jashtë saj, bëhet më e mprehtë me kalimin e kohës. A nuk është shembulli i asaj që ne po përjetojmë? /Konica.al /KultPlus.com

Komuniteti i Termokiss fillon me qepjen e maskave

Posted on by KultPlus

Komuniteti Termokiss ka filluar një kampanjë për qepjen e maskave dhe shpërndarjen e tyre në familjet në nevojë në këtë kohë pandemie.

Por, ky komunitet kërkon edhe ndihmën e të gjithë atyre që mund të japin kontributin në këtë punë, njofton Klan Kosova.

Po ashtu, ata dëshirojnë që kampanja të shërbejë edhe si sensibilizim për përdorim më të gjerë të maskave në shoqëri.

“#Maskapërkrejt është një kampanjë e cila fillimisht ka nisë në Çeki, ku përmes platformave të ndryshme njerëzit janë mobilizuar dhe kanë mundësuar një qasje ma të lehtë në maska. Tani po bashkëpunojmë me Komunën e Prishtinës ku po mundohemi t’i krijojmë dhe shpërndajmë 12.000 maska në komunën e Prishtinës që do të bashkëngjiten në pakot ushqimore për familjet në nevojë”.

“Tani kemi nevojë për njerëz më shumë se kurrë! Sfida e parë është t’i krijojmë 5000 maska për shpërndarjen e parë të pakove që do të bëhet më 8 maj. Na duhen njerëz që kanë dëshirë të kontribuojnë dhe kanë makinë të qepjes, ndërsa materialin e siguron dhe transporton Termokiss”.