Poezi nga Afrim Demiri
Është një plumb
që nga lufta në luftë bredh qorraz
dhe ku jam e ku s’jam
më kërkon
Del nga Tv ekranet
si një shënjestër të zezë më gjuan
Zemrën t’ma shpon
a synin t’ma vërbon
Një ditë ai plumb
ra në filxhanin
e kafesë së mëngjesit
cakun tuj e huqun
Dhe stërpikat e kafesë
m’ranë fytyrës
Seç e ndjeva në qerpikë në lëkurë shijen e lirisë
të shesheve ku jehon
zani no pasaran
E mora filxhanin e thyer
si suvenir të absurdit
dhe thash me za
Lufta është plumb qorr./ KultPlus.com
8 Marsi, Dita Ndërkombëtare e Gruas do të shënohet me poezi të fuqishme të interpretuara nga shkrimtarë dhe artistë të ndryshëm, të kombinuara me tinguj muzikorë, përcjell KultPlus.
Qendra për Art dhe Komunitet – Artpolis me 5 mars organizon mbrëmjen e poezisë “Poezi për Fuqi – çdo ditë është 8 mars”, në Teatrin Kombëtar, në Prishtinë, prej orës 20:00.
E ftuar speciale e mbrëmjes do të jetë Elvira Dones, romanciere, skenariste dhe producente e filmave dokumentarë shqiptarë. Është romanciere dhe shkrimtare dygjuhëshe (shqip dhe italisht); ajo ka botuar shtatë romane, dy përmbledhje me tregime të shkurtra, ka shkruar disa skenarë dhe ka drejtuar një seri dokumentarësh për Radion Publike Zvicerane. Romanet e saj janë përkthyer në disa gjuhë.
Gjithashtu, me pjesëmarrjen e tyre do të na nderojnë sopranoja Besa Llugiqi, shkrimtarja e gazetarja Ilire Zajmi, aktori dhe poeti Shpetim Selmani dhe këngëtarja e kantautorja me origjinë shqiptare nga Belgjika Ceylan Taci. Mbrëmjes do t’i shtojnë magjinë edhe kërcimtarët e Noa Dance Theatre që sjellin para publikut vallëzimin kontemporan./ KultPlus.com
Kuvendi i Kosovës ka miratuar Rezolutën me vota 94 për, asnjë kundër dhe asnjë abstenim ku dënon ashpër agresionin e Rusisë në Ukrainë. Në njërën nga pikat Kuvendi i kërkon qeverisë që të aplikojë për anëtarësim në NATO dhe BE.
Poashtu shprehet kërkesa e Kuvendit ndaj qeverisë për gatishmërinë për strehimin e 5 mijë refugjatëve nga Ukraina. Në tekstin e rezolutës poashtu thuhet se Serbia s’është distancuar nga krimet dhe gjenocidi në Kosovë dhe në vend se Serbia të ishte e dënuara, sot Kosova dhe lufta e saj po gjykohen padrejtësisht, duke aluduar në eprorët e UÇK-së që po gjykohen në Hagë.
“Kuvendi i Republikës së Kosovës e dënon në mënyrën më të ashpër të mundshme agresionin dhe invazionin e paligjshem, te paprovokuar dhe të pajustifikuar ushtarak të Federates Ruse ndaj Ukrainës si dhe perfshirjen e Bjellorusisë në këtë agresion”, thuhet në pikën e parë të Rezolutës së Kuvendit.
Teksti i plotë i Rezolutës:
Nisur nga gjendja e krijuar ne Ukraine, ku kontinenti evropian po perballet me situate to paprecedent qe nga Lufta e Dyte Boterore;
Duke e pasur parasysh se sulmi i Federates Ruse ndaj Ukraines eshte kercenim per sigurine e illumines dhe popullit te saj, por dhe kercenim ndaj vlerave demokratike, sigurise ne Evrope dhe pages ne bote;
Duke njohur vuajtjet e sakrificat e luftes, i japim mbeshtetje te plote popullit te Ulcraines, institucioneve demokratike te cilet po mbrojne atdheun, paqen e lirine si Nil era universale, duke luftuar e duke u mbrojtur nga sulmi pushtues i Federates Ruse, i nisur me 24 shkurt 2022 dhe i paraprire me aneksimin e dhunshem dhe arbitrar te Krimese dhe rajoneve te Donbaskut prej vitit 2014;
Duke ritheksuar shqetesimin e larte per ndikimin dhe nderhyrjen e Federates Ruse ne vendet e Ballkanit perendimor permes Serbise, Republikes Serbe ne Bosnje e Hercegovine dhe manifestimet e saj obstruksioniste si perpjekja e deshtuar per grushtin e shtetit ne Mal te Zi, perpjekjet e ngjashme ne Maqedonine e Veriut, deri tek perfshirja e ambasadorit te Federates Ruse si kercenim i bashkrenduar me Presidentin e Serbise ne inspektimin ushtarak te Forcave Serbe ne kufirin me Kosoven gjate shtatorit 2021;
Duke theksuar se ceshtja e Kosoves ne Jugosllavi dhe nderhyrja humanitare e NATO-s ne Kosove per to ndalur aparatin shteteror te ish-Jugosllavise dhe Serbise nuk ka asnje ngjashmeri me Ukrainen e sotme dhe institucionet e saj legjitime. Nderhyrja humanitare e NATO-s kishte per qellim ndalimin e spastrimit etnik te Kosoves dhe shpetimin nga gjenocidi i shkaktuar nga agresioni i Serbise, qe deboi 1 milion shqiptare, vrau mbi 12.000 civile, ne mesin e tyre mbi 1300 femije, kreu me shume se 400 masakra, dhimoi rreth 20.000 gra dhe vajza, dogji qindra mijera shtepi, shkaterroi pasurine, monurnentet kulturore, fetare e historike, si dhe plackiti artefaktet. Kur Aleanca me e madhe e shteteve e prire nga NATO nderhyri ne Kosove ne vitin 1999, ajo e b&i ket6 pas dekadave to diskriminimit e shtypjes te drejtuara nga Serbia, dhunes sistematike dhe spastrimit etnik te vazhdueshem.
Rruga e Kosoves drejt pavaresise u cel pas viteve te spastrimit etnik, burgosjeve e vrasjeve mbi baza etnike dhe abuzimeve masive te to drejtave te njeriut. Ndersa ligjshmeria dhe legjitimimi
derkombetar i pavaresise se Kosoves shpalluar me 17 shkurt 2008 eshte vertetuar edhe nga Gjykata Nderkombetare e Drejtesise me vendimin e marre ne vitin 2010. Kuvendi i Kosoves perkujton se shteti i Serbise asnjehere nuk eshte distancuar nga krimet dhe gjenocidi ne Kosove, si dhe ende heziton te nxjerre para drejtesise kriminelet e luftes. NC vend se Serbia te ishte e denuara, sot Kosova dhe lufta e saj po gjykohen padreitesisht. Duke mane parasysh vullnetin e forte te popullit te Kosoves dhe konsensusin politik e shoqdror per integrim euro-atlantik te Kosoves; NE funksion te ruajtjes se pages dhe sigurise ne Ballkanin Perendimor; Kuvendi i Republikes se Kosoves, ne mbeshtetje te nenit 65 te Kushtetutes se Kosoves, dhe nenit 6, paragrafi 1, to Rregullores te Kuvendit, me propozimin e grupeve parlamentare nenshkruese, miraton kete:
REZOLUTE
1. Kuvendi i Republikes se Kosoves e denon ne menyren me te ashper te mundshme agresionin dhe invazionin e paligjshem, te paprovokuar dhe te pajustifikuar ushtarak te Federates Ruse ndaj Ukraines si dhe perfshirjen e Bjellorusise ne kete agresion.
2. Kuvendi i Republikes se Kosoves renditet krahas aleateve perendimore ne mbeshtetje te Ukraines dhe popullit te saj, si dhe kundershton fuqishem qasjen dhe sjelljen pak vendeve te rreshtuara krah agresionit dhe terrorit Rus ndaj Ukraines, nisur nga fqinji yne verior Serbia.
3. Kuvendi i Republikes se Kosoves mbeshtet popullin dhe institucionet e Ukraines, si dhe dënon vrasjet e civileve dhe femijeve. Gjithashtu pershendet fillimin e hetimeve nga Gjykata Nderkombetare Penale per krime lufle dhe mbeshtet dergimin e rastit nga Ukraina ne Gjykaten Nderkombetare te Drejtesise.
4. Kuvendi i Kosoves mbeshtet vendosjen e sanksioneve ekonomike dhe politike nga Qeveria e Republikes se Kosoves ndaj Federates Ruse, ne linje me sanksionet e vendosura nga Bashkimi Evropian, Shtetet e Bashlcuara dhe te gjitha vendet demokratike.
5. Kuvendi i Republikes se Kosoves i kerkon Qeverise se Republikes se Kosoves qe, krahas gatishmerise per strehimin e 20 gazetareve ukrainas, t’i koordinon te gjitha veprimet e metutjeshme me partneret nderkombetar, si dhe te shpreh gatishmerine per strehimin eventual te deri 5000 (pese mije) refugjateve nga Ukraina.
6. Kuvendi i Republikes se Kosoves i kerkon Qeverise se Republikes se Kosoves qe, te ndaj nje fond te vecante per ndihme ndaj popullit ukrainas, sipas koordinimit ndermjet te dy qeverive respektive, Kosove — Ukraine./ KultPlus.com
Ka vdekur në moshën 54-vjeçare, aktorja e “Wings” dhe “Lois & Clark: The New Adventures of Superman”, Farrah Forke, transmeton KultPlus.
Një shoqe e saj konfirmoi për Variety të mërkurën se ajo ndërroi jetë më 25 shkurt në shtëpinë e saj në Teksas nga kanceri.
“Farrah ishte e ashpër, e butë, besnike, e dashur, e fortë, qesharake, e zgjuar, mbrojtëse, e sjellshme, e pasionuar dhe krejtësisht e pazëvendësueshme”, thanë ata në një deklaratë për Hollywood Reporter.
“Ajo solli një dritë kaq të madhe në botë, saqë edhe pas vdekjes së saj, drita mbetet.”
Forke luajti në sezonet 4, 5 dhe 6 të serialit NBC. Shfaqja u transmetua nga viti 1990 deri në 1997 dhe u krijua nga shkrimtarët legjendar “Cheers” dhe “Frasier” David Angell, Peter Casey dhe David Lee.
Ajo portretizoi veteranin dhe pilotin e helikopterit Alex Lambert nga Stuhia e Shkretëtirës./ KultPlus.com
Eric Clapton ka anuluar tre koncerte që ishin planifikuar të mbaheshin në Shën Petersburg dhe Moskë në qershor, pas pushtimit të Ukrainës nga Rusia, transmeton KultPlus.
Një raport nga TMZ grumbulloi një numër artistësh që kishin ende shfaqje të planifikuara në Rusi në të ardhmen e parashikueshme, me Clapton në mesin e tyre. Megjithatë, një përfaqësues i tha TMZ se shfaqjet e planifikuara të Clapton, një në Shën Petersburg dhe dy në Moskë, janë anuluar dhe se “ka shumë pak gjasa që [koncertet] të rikthehen në çdo kohë”.
Pushtimi ka tërhequr dënimin nga bota e muzikës dhe më gjerë, dhe shumë artistë të tjerë kanë anuluar shfaqjet e ardhshme në Rusi dhe Ukrainë. Green Day, Nick Cave dhe Franz Ferdinand janë ndër ata që kanë mbajtur shfaqjet e tyre të ardhshme në Rusi.
Clapton nuk ka bërë një deklaratë të drejtpërdrejtë në lidhje me anulimet në rrjetet sociale apo ndryshe.
Kitaristi është zhytur në polemika kohët e fundit, për shkak të dyfishimit të teorive të konspiracionit në lidhje me vaksinën COVID-19. Fillimisht, Clapton thjesht raportoi efektet anësore të padëshiruara që ai pësoi pas dozave të tij të vaksinës AstraZeneca./ KultPlus.com
Poezi nga Lasgush Poradeci
Ishe vogeloshe…isha mituri…
Kur me dole mbudhe, ti moj lumja ti!
Vinte perendimi me te vagelluar
Pa m’i shtire tines ata syt’ e shkruar.
Ata syt’ e shkruar, syte moj te fjetur,
shtate vjet me-radhe t’i kam pershendetur.
Kur me pe se pari, more-e m’u largove,
Kur me pe se dyti, more-e m’u afrove,
Kur me pe se treti, more-e me pushtove,
Te putha ne gushe, ti m’u turperove,
Papo ule kryet e shkove vajtove./ KultPlus.com
Apple TV+ ka konfirmuar se aktori 77 vjeçar Michael Douglas do të paraqitet me rolin e Benjamin Franklin në një seri.
Seria, e cila nuk është titulluar akoma, paraqet tetë vite të jetës së figurës politike amerikane Franklin, shërbimin e tij më vital për vendin.
Douglas është producent ekzekutiv i serisë bashkë me Kirk Ellis. Ellis i ishte producent ekzekutiv edhe i serisë së HBO “John Adams”.
Në këtë ekip u bashkua edhe skenaristi Tim Van Patten, i njohur për punën në Boardwalk Empire dhe në The Sopranos.
Franklin ishte figurë e shquar. Ai ndihmoi në sigurimin e pavarësisë së SHBA-ve, si dhe udhëhoqi me avansim në teknologji në vitet e herëshme. Në seri do të paraqitet Douglas në rolin e Franklin, duke hartuar traktatin e Parisit, dokument ky që u nënshkrua në vitin 1783, e që zyrtarisht i dha fund luftës në Amerikë.
Pra, seritë do të eksplorojnë tregimin emocionues të Benjamin Franklin. Ai në moshën 70 vjeçe, pa kualifikim në diplomaci, bindi Francën që të nënshkruaj për demokracinë e Amerikës.
Sa i përket aktorit Douglas, ai së fundmi përfundoi me paraqitje në serinë The Kominsky Method, që u transmetua në Netflix tri sezone.
Dagllas në këtë seri luan rolin e Sandy Kominsky, një personaliteti të harruar filmi.
Ai për këtë rol në vitin 2019 u nderua me Golden Globe, për parqitjen më të mirë si aktor në një seri televizive./ KultPlus.com
Episodet heroike të ukrainasve po rezultojnë më të forta se tanket ruse, komenton historiani i njohur hebre, Yuval Noah Harari në një artikull për gazetën izraelite ”Yediot Ahronot” me titull ”Pse Putini tashmë ka humbur”.
Sipas Hararit, autor i librave të famshëm “Sapiens. Lindja e njerëzimit” dhe ”21 mësime për shekullin XXI”, ”për të përmbushur qëllimin e tij, Putinit do t’i duhej një fitore me pak gjak dhe e pasuar nga pak urrejtje”.
Por, në vend të kësaj, po ndodh krejt e kundërta.
”Historitë janë materiali nga të cilat kombet janë formuar. Për breza të tërë ukrainasit do të flasin për presidentin e vendit të tyre, i cili i tha SHBA-së se i duheshin armë dhe jo të largohej nga vendi, për ushtarët që nuk iu bindën urdhrit të anijes luftarake ruse apo për civilët që ndaluan tanket”, thotë Harari.
”Në të njëjtën kohë këto histori do të kenë një ndikim më të madh sesa ato të tankeve. Putini duhet të kujtojë ndikimin e heroizmit të rusëve në rrethimin e Leningrad, nga ku edhe vetë u edukua”, thekson historiani.
Harari vëren se, ndërsa Gorbaçovi la si trashëgimi miqësinë mes popullit rus dhe atij ukrainas, Putini i bëri ata armiq.
”Nëse dikush ka firmosur certifikatën e vdekjes së Perandorisë Ruse ai nuk është Mihail Gorbaçovi, por vetë Vladimir Putini”, përfundon Harari./atsh/ KultPlus.com
Sotir Capo ka qenë piktor i shquar shqiptar, i cili u nderua me titullin “Artist i merituar”, shkruan KultPlus.
Lindi në qyetin e Beratit në qershor të vitit 1934, ku edhe i mori mësimet e para për të vazhduar studimet në Tiranë pranë Institutit të Lartë të Arteve.
Punoi si skenograf dhe mësues vizatimi, në shkollat tetëvjeçare të Beratit.
Capo është shquar si njëri nga portretistët më të njohur të Shqipërisë. Ai ka punuar portrete të figurave të shquara kombëtare, po ashtu punimet e tij janë zhgjedhur për të qëndruar në hapësirat e institucioneve të rëndësishme të shtetit shqiptar.
Pikturat e Capos janë vlerësuar nga shumë kritikë brenda dhe jashtë hapësirave shqiptare.
Në vitin 1979 Capo mori titullin e lartë “Artist i merituar”.
Sotir Capo vdiq në po këtë datë, më 3 mars të vitit 2012 në Filadelfia. / KultPlus.com
Gjiganti i transmetimit muzikor, Spotify, e ka mbyllur zyrën në Rusi, për shkak të pushtimit të Ukrainës.
Kompania ka kufizuar gjithashtu zbulueshmërinë e shfaqjeve në pronësi dhe operim të mediave shtetërore ruse.
Netflix ka njoftuar më parë se nuk ka plane të shtojë kanale shtetërore në shërbimin e tij rus, pavarësisht një rregulloreje që do t’i kërkonte asaj të shpërndante kanale të mbështetura nga shteti.
Ditëve të fundit, disa prej brendeve më të mëdha në botë si Shell, Apple dhe Boeing i kanë ndërprerë marrëdhëniet ose i kanë ndaluar shitjet në Rusi, shpeshherë duke e dënuar pushtimin rus të Ukrainës. / KultPlus.com
Autorja dhe ilustruesja e librave për fëmijë, Shirley Hughes, ka vdekur në moshën 94-vjeçare.
Ajo vdiq në mënyrë paqësore në shtëpi pas një sëmundjeje të shkurtër të premten në Londër, tha familja e saj për agjencinë e lajmeve PA.
Hughes ishte më e njohur për krijimin e serisë së librave “Alfie”, si dhe librave me figura për fëmijë “Dogger”.
“Librat e Shirleyt për jetën e përditshme familjare adhurohen nga breza të tërë familjesh dhe ajo vlerësohet më së shumti nga bashkëmoshatarët e saj”, thanë ata.
Hughes ilustroi 200 libra për fëmijë gjatë karrierës së saj, duke shitur më shumë se 10 milionë kopje.
Duke e nderuar, autori i “His Dark Materials”, Philip Pullman, tha: “Shirley Hughes u admirua, u kënaq, u fol, u dëgjua, lexoi, shikonte, mendoi aq shumë sa çdo ilustrues tjetër ka qenë ndonjëherë, por asnjë ilustrues tjetër, mund të them me siguri, nuk ishte dashur ndonjëherë aq shumë”. / KultPlus.com
Më 2 mars 1900 lindi Sejfulla Malëshova, i cili ka qenë sekretar i kabinetit në qeverinë Noli.
Muzeu Historik Kombëtar solli faktet e jetës dhe veprimtarisë së tij në 122-vjetorin e lindjes.
Malëshova ishte ndër komunistët e parë, përkthyes dhe letrar shqiptar. Arsimin fillor e kreu në vendlindje, kurse studimet e mesme i kreu në Itali në kolegjin “San Demetrio di Corona”. Këtu së bashku me mikun e tij Odhise Paskalin botoi revistën Studenti Shqiptar, në të cilën botoi edhe vjershat e tij te para.
Më pas ndoqi Fakultetin e Mjekësisë në Romë. Në gjysmën e dytë të vitit 1924 ishte kryesekretar i kabinetit të qeverisë së Fan Nolit. Pas dështimit të Lëvizjes së qershorit emigroi në Bashkimin Sovjetik. Më 1926-1930 ndoqi universitetin Lemonosov të Moskës për filozofi.
Në qershor të 1928 seksioni ballkanik i Kominternit miratoi formimin e një partie komuniste në Shqipëri. Malëshova qe pjesë e programit, për të përkthyer tekstet në bashkëpunim me Llazar Fundon dhe Fan Nolin. Më 1931 bëhet anëtar i Partisë Komuniste të Bashkimit Sovjetik, ndërsa dy vjet më pas u emërua pedagog në universitetin ku kishte studiuar. Në vitin 1934 pranohet në Komintern dhe me këtë detyrë kthehet më 1943 në Shqipëri dhe zgjidhet anëtar i Shtabit të Ushtrisë NAÇL dhe anëtar i Këshillit të Përgjithshëm të Frontit. Më 1944-1946 anëtar i KANÇ-it.
Më 1944 kreu detyrën e ministrit për Shtypin, Propagandën dhe Kulturën Popullore. Më 1946-50 u zgjodh deputet. Më 1946-48 u zgjodh anëtar i Presidiumit të Kuvendit Popullor. Më 1946-47 Ministër i Arsimit si dhe kryetar i Lidhjes së Shkrimtarëve dhe Artistëve. Pas kësaj u denigrua vazhdimisht për pikëpamjet e tij “oportuniste” dhe u dërgua të punojë punë të ulta. Prej vitit 1956 u vendos në Fier, ku punoi si magazinier. Më 11 qershor 1971 Sejfulla Malëshova u nda nga jeta. / KultPlus.com
Kryeministri Albin Kurti ka deklaruar se themelimi i Fondit të Sigurisë do të ndikojë për fuqizimin e nivelit të sigurisë së vendit tonë në të ardhmen dhe u ka bërë thirrje të gjithë qytetarëve të vendit dhe diasporës që të kontribuojnë në këtë drejtim.
Ai në një postim në rrjetin social Facebook ka thënë se pa ushtri cilësore, asnjë projekt nuk është i sigurt.
“Historia jonë ka qenë gjithnjë artikulim i ndjenjës së lirisë ndër njerëzit tanë. Çdo familje e jona e ka prekur sakrificën. Populli ynë e di më shumë se kushdo tjetër se çdo arritje duhet të sigurohet. Nëse shekulli i shkuar ishte ai rezistencës, shekulli XXI është shekulli i shtetndërtimit. Ai e di se dialektika e historisë sonë ka kaluar nga rezistenca te liria, nga liria te siguria. Sikurse e di edhe se pa ushtri cilësore dhe pa popull aktiv, asnjë projekt nuk është i sigurt”.
Kryeministri më tej ka thënë se investimi në siguri është investimi më i sigurt.
“Fondi i sigurisë synon një nga përbërësit më të fuqishëm të themeleve të së ardhmes. Kontributi dhe sakrifica kryhet në tashmen për të vendosur sigurinë në të ardhmen. Buxheti prej 100 milionë euro që kemi ndarë për Ministrinë tonë të Mbrojtjes është më i madhi ndonjëherë. Por tani si asnjëherë më parë duhet të jetë edhe më i madh, sepse investimi në siguri është investimi më i sigurtë. I ftoj të gjithë qytetarët e Republikës sonë, së bashku me bashkatdhetarët tanë në diasporë, që të ndajnë thirrjen dhe të kontribuojnë në ngritjen e sigurisë shtetërore”,tha tutje Kurti.
Një ditë pas themelimit të Fondit të Sigurisë nga Qeveria e Kosovës, disa qytetarë e ndërmarrje kanë filluar dhurimin e mjeteve që, sipas tyre, do të ndikojë në forcimin e Ushtrisë së Kosovës.
Paratë e mbledhura në këtë fond, sipas Qeverisë së Kosovës, do të shkojnë si buxhet shtesë për Ministrinë e Mbrojtjes. / KultPlus.com
Një protestë anti-NATO është mbajtur të mërkurën në Stamboll të Turqisë, kur Rusia po vazhdon pushtimin e Ukrainës tash e një javë. Nëpër botë janë mbajtur protesta kundër luftës duke kundërshtuar pushtimin nga Rusia. Por, në Turqi është fajësuar NATO për luftën atje dhe është kërkuar që Turqia të largohet nga ajo, raporton AP.
“Rroftë partia komuniste e Turqisë”, “Mos u përkul, thuaji jo luftës”, “NATO, largohu nga Turqia”, kanë qenë disa nga shkrimet në pankartat e tyre.
Rreth 200 persona ishte pjesëmarrës në protestën e organizuar nga Partia Komuniste e Turqisë.
“Ne jemi kundër NATO-s sepse NATO nuk i sjell asgjë vendit tonë përveç shkatërrimit. NATO-ja është organizatë e luftës”, tha protestuesi, Hikmet Kahraman.
Me brohoritma “NATO, jashtë Turqisë” është përcjellë protesta.
“NATO përfitoi nga operacioni i Rusisë në Ukrainë. Ne nuk jemi mbështetës të Rusisë. Nuk e mbështesim luftën. Ne duhet t’i themi stop agresionit të NATO-s, agresionit racist. Ne kemi një përgjegjësi. Ne jemi një shtet që është anëtar i NATO-s dhe besojmë se duhet të largohemi nga NATO menjëherë”, ka thënë një protestues tjetër, Anil Cinar.
Turqia, anëtare e NATO-s, ka kritikuar agresionin ushtarak të Rusisë në Ukrainë, por gjithashtu është përpjekur që të balancojë lidhjet e afërta me Ukrainën me interesin që të mos prishë marrëdhëniet ekonomike me Rusinë.
Ukraina nuk është anëtare e NATO-s dhe aleanca 30-anëtarëshe nuk po intervenon direkt në luftë. / KultPlus.com
Sot presidenti ukrainas Zelensky ka publikuar listën e shteteve që votuan kundër agresionit rus, shkruan KultPlus.
141 shtete kanë votuar pro rezolutës. 5 shtete kanë votuar kundër ndërsa 34 kanë abstenuar.
Me këtë rast, kryeministri Edi Rama nëpërmjet një statusi në rrjetet sociale, ai ka thënë se Rusia ka hyrë në periudhën e vetmisë më të madhe të historisë së saj.
“141 vende ndëshkojnë Rusinë me votimin e tyre në OKB kundër agresionit ndaj Ukrainës! Rusia hyn në periudhën e vetmisë më të madhe të historisë së saj me veç 4 vende ultradiktatoriale që i qëndrojnë në krah! Vota e Serbisë kundër Rusisë unifikon Ballkanin Perëndimor me Perëndimin”, ka shkruar Rama. / KultPlus.com
Do ta mbrojmë çdo pëllëmbë të territorit të NATO-s.
Kështu thuhet në reagimin e fundit të Aleancës Transatlantike, ku ka njoftuar se njësitet e Forcës së Reagimit kanë mbërritur në Rumani gjatë së hënës dhe së martës.
Në njoftim është sqaruar gjithashtu, se kjo është hera e parë që NATO-ja ka aktivizuar Forcën e Reagimit për mbrojtje kolektive dhe parandalim.
“Njësitet e Forcës së Reagimit të NATO-s arritën në Rumani të hënën dhe të martën, për të përforcuar pozicionin e mbrojtjes së Aleancës në pjesët lindore. 500 trupa franceze janë mbledhur në Istres të Francës jugore, përpara se të zbarkonin në Rumani”, thuhet në njoftim.
NATO thekson se ky mobilizim vjen si rrjedhojë e “krizës më të madhe të sigurisë në Evropë në dekadat e fundit, pas pushtimit të Rusisë nga Ukraina”.
Sekretari Gjeneral i NATO-s, Jens Stoltenberg ka mirëpritur këtë lëvizje të forcave të Aleancës.
“Gjatë javëve të kaluara, ne kemi rritur prezencën në pjesët lindore të Aleancës dhe tani, për herë të parë në histori jemi duke zbarkuar edhe Forcën e Reagimit të NATO-s. Trupat franceze kanë arritur në Rumani si element udhëheqës i kësaj force. Përkushtimi ynë ndaj Nenit 5, për mbrojtjen kolektive, është i hekurt. Do ta mbrojmë secilën pëllëmbë të territorit të NATO-s”, ka thënë ai. / KultPlus.com
Reperi Capital T së fundmi ka bërë të ditur se do të jetë pjesë e filmit të titulluar “Jericho Ridge” të regjisorit Will Gilbey, fitues i çmimit Bafta, shkruan KultPlus.
Ai është shprehur të jetë tejet i emocionuar që po shkon drejt një rrugëtimi të ri përkrah aktorëve të njohur si Nikki Amuka Bird, që po ashtu janë nominuar në çmimet Bafta.
“Do të bëj më të mirën që ky projekt të jetë i pari nga shumë të tjerë që do të vijnë në radhë. Shumë faleminderit që më ftuat mua, Will dhe producentët: Harvey Ascott, Besnik Krapi, Mark O Sullivan dhe Alex Tate”, ka shkruar ai në rrjetet sociale.
Krejt në fund ai e cilësoi këtë ndodhi si një lajm tjetër i mirë për arsye se i gjithë ky film amerikan do të xhirohet në vendin e tij, në Prishtinë. / KultPlus.com
“Nëntori i dytë” filmi që tregon udhëtimin e Ismail Qemalit drejt Vlorës për të ngritur aty flamurin e shqiptarëve, vazhdon të jetë një ndër filmat më historikë në historinë e kinematografisë shqiptare. Çdo 28 nëntor ai është simboli që çdo shqiptar do donte ta rishihte si pjesë e krenarisë së tij.
Filmi u realizua në vitin 1982 nga regjisori Viktor Gjika nën skenarin e Dhimitër Shuteriqit dhe Kico Blushit. Me muzikë nga Kujtim Laro kolona zanore e filmit vazhdon të shoqërojë çdo përvjetor të pavarësisë së vendit. Por ajo çfarë i dha suksesin këtij filmi nuk ishte vetëm historia, por dhe një kastë e zgjedhur aktorësh me kujdes nga regjisori Gjika.
Ai zgjodhi për Ismail Qemalin një karakter të fortë të teatrit e kinemasë shqiptare siç ishte Sandër Prosi. E kush mund ta kishte interpretuar më mirë se Prosi Ismail Qemalin. Në atë rol ai sapo kishte kaluar të 60-at dhe vetëm tre vjet më vonë ai do të ndahej nga jeta në mënyrë tragjike. Isa Boletini, përfaqësuesi i Kosovës në festën e madhe të shqiptarëve do të interpretohej nga Reshat Arbana. Atëherë mbi të 40-at Arbana kishte trupin dhe mendjen e Boletinit duke sjellë një karakter impulsiv dhe të matur njëkohësisht që e personifikon më së miri Isa Boletinin. Mario Ashiku do të interpretonte Shpend Dragobinë.
Aktori i talentuar do të shndërrohej i tëri në djalin luftëtar të Jah Elezit nga Dragobia, Malësi e Gjakovës i cili ishte delegat i Kosovës në Vlorë më, 28 nëntor 1912 kur u shpall pavarësia e Shqipërisë. Shpend Dragobia ishte mik i ngushtë dhe bashkëluftëtar i Isa Boletinit. Gjenerali turk do të interpretohej nga aktori shkodran Sulejman Dibra. Demir Hyskja do të interpretonte Mytesarifin. Bujar Lako do të interpretonte Luigj Gurakuqin i cili në qeverinë e përkohshme të Vlorës do të zgjidhej më vonë Ministër i Arsimit. Robert Ndrenika do të interpretonte Hakiun. Petrit Malaj atëherë një aktor i ri do të luante Adem Boletinin.
Luan Qerimi do të luante Sali Drenicën. Gyljem Radoja do të luante Lym Kepin ndërsa Harjie Rondo do të ishte gruaja e Lym Kepit. Ilia Shyti do të ishte Mullai i Beratit, ndërsa Pandi Raidha do luante Demir Arbanën. Spiro Urumi do të interpretonte Xhaferr Bej Kadenën. Këta janë aktorët që i dhanë jetë një prodhimi të jashtëzakonshëm kinematografik që formatoi në kujtesën e shqiptarëve një udhëtim të gjatë dhe historik që do të shënjonte përgjithmonë një histori tjetër të shqiptarëve, shkruan GSH. Dhe pse shumë pjesë të filmit nuk u shfaqën për shkak të censurës së kohës, kjo nuk e pengoi regjisorin Gjika të sillte me këtë film udhëtimin e shumëpritur në shekuj të shqiptarëve./ KultPlus.com
Presidentja Osmani u prit në takim nga kryetari i Parlamentit të Maltës, z.Angelo Farrugia dhe ministri i Punëve të Jashtme të Maltës, z. Evarist Bartolo, përcjell KultPlus.
Presidentja e Republikës së Kosovës, Vjosa Osmani në vazhdën e takimeve gjatë vizitës zyrtare në Maltë, është pritur nga kryetari i Parlamentit, z.Angelo Farrugia dhe nga Ministri i Punëve të Jashtme z.Evarist Bartolo.
Presidentja Osmani ka theksuar se në kuadër të diplomacisë parlamentare e pret ndihmën e z.Farrugia dhe të parlamentit të Maltës në mënyrë që edhe Kosova të arrijë të përfaqësohet në organizata ndërkombëtare.
Në takimin me ministrin e punëve të Jashtme të Maltës, z. Evarist Bartolo, u bë e qartë se mbështetja e tij dhe e Maltës në procesin e anëtarësimit në BE si dhe në organizata të tjera ndërkombëtare nuk ka munguar deri tani dhe është kërkuar që kjo përkrahje të vazhdojë edhe më tutje.
Kosova dhe Malta mbesin dy vende dhe partnere të besueshme dhe të përkushtuara për thellim të raporteve bilaterale. / KultPlus.com
Presidenti ukrainas Zelensky ka publikuar listën e shteteve që votuan kundër agresionit rus.
141 shtete kanë votuar pro rezolutës. 5 shtete kanë votuar kundër ndërsa 34 kanë abstenuar.
Pesë shtetet që votuan kundër janë: Federata Ruse, Bjellorusia, Korea e Veriut, Eritrea dhe Siria.
1/2 Вітаю схвалення ГА #ООН безпрецедентною більшістю голосів резолюції з рішучою вимогою до РФ негайно припинити віроломний напад на 🇺🇦. Вдячний усім і кожній державі, що проголосували «за». Ви обрали правильну сторону історії. pic.twitter.com/BP7nXgOXPa
— Володимир Зеленський (@ZelenskyyUa) March 2, 2022
Kombet e Bashkuara kanë votuar me shumicë dërrmuese për të dënuar pushtimin rus të Ukrainës “në termat më të fortë të mundshëm”.
Asambleja e Përgjithshme e OKB-së ka miratuar një rezolutë që kërkon që Rusia të ndalojë luftën në Ukrainë dhe të tërheqë të gjitha trupat.
Ambasadori i Ukrainës në Organizatën e Kombeve të Bashkuara, Segiy Kyslytsya e ka krahasuar presidentin rus, Vladimir Putin me Adolf Hitlerin.
Duke folur në Kombet e Bashkuara, ai tha se sulmi i Rusisë ka për qëllim zhdukjen e Ukrainës.
Kyslytsya shtoi: “Më shumë se 80 vjet më parë, një tjetër diktator u përpoq të zgjidhte përfundimisht çështjen e një populli tjetër. Ai dështoi dhe bota u përgjigj në mënyrë të vendosur dhe të bashkuar”, tha ai. / KultPlus.com
Ministri i Ministrisë së Forcës dhe Sigurisë, Armend Mehaj ka kërkuar që të mbështetet “Fondi i Sigurisë” që është hapur në shërbim të institucioneve të sigurisë së vendit tonë, përcjell KultPlus.
“Është e domosdoshme që Ushtria e Kosovës të forcohet. Është e vështirë ta bëjmë këtë vetëm me buxhetin që e kemi. Donacioni i secilit është i çmueshëm dhe i pa zëvendësueshëm”, ka shkruar Mehaj në rrjetet sociale.
KultPlus ua sjell postimin e plotë të tij:
Përshëndetje të gjithë shqiptarëve kudo që jetoni, veproni e punoni,
Është e domosdoshme që Ushtria e Kosovës të forcohet. Është e vështirë ta bëjmë këtë vetëm me buxhetin që e kemi.
Për ta bërë këtë kemi hapur ‘’Fondin e Sigurisë’’, i cili do të jetë në shërbim të institucioneve të sigurisë së vendit tonë.
Atdheu ynë ka nevojë për ne, jam i bindur që do t’i përgjigjemi pozitivisht siç kemi bërë gjithmonë.
Donacioni i secilit është i çmueshëm dhe i pa zëvendësueshëm.
Vetëm së bashku mund të arrijmë qëllimin jetik – Ushtrinë tonë moderne dhe të pajisur sipas standardeve të NATO-së.
Fondi i Sigurisë do të menaxhohet nga Ministria e Financave me transparencë dhe llogaridhënie të plotë.
Fondi është hapur në Bankën Qëndrore të Republikës së Kosovës.
Emërtimi i llogarisë/Account name Fondi i Sigurisë
Nr. i llogarisë/Acc. number 1000400070008619
IBAN XK051000400070008619
SWIFT-BIC CBRKXKPRXXX
Ju falënderojë për të gjitha mesazhet që më keni dërguar, ekziston një mobilizim dhe vullnet i jashtëzakonshëm për të dhënë donacione për ushtrinë tonë.
Ushtria jonë buron nga populli.
Ajo i shërben vetëm popullit dhe paqes! / KultPlus.com
Kuvendi i Kosovës do të mbajë nesër seancë nga ora 10:00.
Në njoftim është bërë e ditur se në rend dite do të jetë “Rezoluta e Kuvendit të Republikës së Kosovës në mbështetje të Ukrainës dhe popullit të saj në rezistencë ndaj agresionit rus”.
“Pas dakordimit midis grupeve parlamentare, në seancën e nesërme të Kuvendit të Republikës së Kosovës (3 mars 2022), e cila do të fillojë në orën 10:00, pikë e rendit të ditës do të jetë edhe “Rezoluta e Kuvendit të Republikës së Kosovës në mbështetje të Ukrainës dhe popullit të saj në rezistencë ndaj agresionit rus””, thuhet në njoftim. / KultPlus.com
Sot, Muzeu Historik Kombëtar ka përkujtuar Besëlidhjen e Lezhës, përcjell KultPlus.
578 vite më parë, më 2 mars 1444, në katedralen e kishës së Shën Kollit në qytetin e Lezhës, ku sot gjendet memoriali i Gjergj Kastriot Skënderbeut, u mbajt “Besëlidhja e Lezhës”. Ajo përbën një nga momentet më të ndritura të rezistencës antiosmane, në mesin e shekullit të XV, pasi ishte bashkimi i parë politik e ushtarak mbarëshqiptar i njohur në historinë e Shqipërisë.
Vendimet e kuvendit ishin:
/ KultPlus.com
Rusia tash e shtatë ditë është duke sulmuar Ukrainën.
Nga sulmet me raketa dhe bomba janë dëmtuar shumë ndërtesat e qyteteve të ndryshme në Ukrainë, teksa gjendje më e rënduar po raportohet të jetë në qytete e mëdha të Ukrainës, si në Kyiv, Kharkiv e Mariupol.
Më poshtë mund t’i shihni disa fotografi nga shkatërrimet që janë bërë si pasojë e luftës në qytete të ndryshme të Ukrainës. / KultPlus.com
