Presidentja e Republikës së Kosovës, Vjosa Osmani Sadriu, me rastin e 27 prillit, ditës së të zhdukurve me dhunë në luftën e fundit në Kosovë, ka thënë se zhdukja me dhunë e mbi mijëra qytetarëve tanë, përfshi shumë fëmijë ishte përpjekje e qartë për zhdukjen e një populli.
“Kjo është një ndër krimet më të llahtarshme të regjimit gjenocidal të Millosheviqit”, ka thënë Presidentja Osmani.
Deklarata e plotë e Presidentes Osmani:
Si çdo ditë, por veçanërisht sot, kujtojmë mbi 1600 bashkëqytetarët tanë të zhdukur me dhunë në luftën e fundit në Kosovë. Sot mendjen e kemi te familjarët e tyre dhe solidarizohemi me dhimbjen e ankthin e tyre të çdoditshëm. Zhdukja me dhunë e mbi mijëra qytetarëve tanë, përfshi shumë fëmijë ishte përpjekje e qartë për zhdukjen e një populli. Kjo është një ndër krimet më të llahtarshme të regjimit gjenocidal të Millosheviqit. Në ditët si kjo duhet ta kuptojmë jo vetëm se sa e rëndësishme është që të kërkohet kthimi i të gjithë të zhdukurve me dhunë, por mbi të gjitha se sa e rëndësishme është që ta vëmë në vend drejtësinë për ta. / KultPlus.com
Akademia e Klubit Manchester City dhe shkolla e tij e futbollit për fëmijët do të kenë në Durrës kampusin e tyre për rajonin.
Kryeministri Edi Rama ndau sot në rrjetet sociale foto me fanellën e firmosur nga lojtarët e skuadrës angleze Manchester City.
Marrëveshja u firmos ditën e djeshme. Për palën shqiptare marrëveshja u nënshkrua nga ministrja e Arsimit dhe Sportit, Evis Kushi dhe kryetarja e bashkisë së Durrësit, Emiriana Sako.
“Sapo ka nisur kapitulli i ri i një historie miqësie e ardhmërie, në një rrugë të përbashkët suksesi me miqtë tanë të paçmuar të Emirateve të Bashkuara, falë mbështetjes së të cilëve Shqipëria hyn edhe në hartën prestigjioze të CITY FOOTBALL GROUP, bashkë me Anglinë, Spanjën, Francën, Italinë, Belgjikën, SHBA, Australinë, Brazilin, Uruguajin, Japoninë, Indinë dhe Kinën”, u shpreh dje Rama. / atsh / KultPlus.com
Skënder Luarasi, ishte arsimtar, përkthyes, dramaturg, publicist, studiues, vullnetar në Luftën e Spanjës, komunist idealist e hartues fjalorësh.
Ishte i pari shqiptar që u nis në dhjetor të 1936 nëpërmjet kufirit grek nga Follorina për të shkuar në Athinë, më pas në Francë e në fund në Spanjë. Në dhjetor të 1936 Luarasi takoi në Parsi Llazar Fundon dhe Ali Kelmendin. Në vitet 1939-44 vuajti në kampet e pëqendrimit në Francë, pastaj në vitin 1945 u kthye përsëri në atdhe.
Mbas çlirimit të vendit, ishte nismëtar në themelimin e Lidhjes së Shkrimtarëve dhe anëtar i Kryesisë deri në nëntor 1949, kur u përjashtua për disa vjet nga Lidhja për qëndrimin e tij antikonformist ndaj metodave e qëndrimeve jodemokratike që ndiqte Kryesisë e Lidhjes në fushën e letërsisë e të arteve e nënshtruar ndaj diktatit të partisë në pushtet.
Ishte deputet në vitet 1946-50. Më 1950 nis punë në ndërmarrjen e botimeve të Institutit të Shkencave.
Për veprimtarinë e tij të shquar patriotike-antifashiste-demokratike, edukative e letrare është nderuar me urdhrat e lartë: Urdhëri i Flamurit (1960) dhe Nderi i Kombit (1996).
Luarasi e ka nisur aktivitetin letrar që në moshën 17-vjeçare. Brezi i viteve 30-të e dallon si arsimtar, publicist, gazetar, përkthyes, dramaturg dhe si drejtues e bashkëpunëtor i disa organeve të shtypit përparimtar.
Ka qenë editor-përgjegjës në revistat: “Studenti” ShBA më 1920, “Djalëria” Austri më 1927-1928 dhe kryeredaktor i revistës “Vullnetari i Lirisë” Spanjë më 1937. Ky i fundit organ i vullnetarëve shqiptarë në luftën antifashiste të Spanjës.
Deri në vitin 1992 veprimtaria e tij (monografi, publicistikë, drama, studime dhe kritikë letrare e historike) botohej pjesërisht (kryesisht përkthimet) dhe nuk analizohej nga pikëpamja shkencore. / KultPlus.com
Sot shënohet përvjetori i 24-të i masakrës në Mejë të Gjakovës, ku më 27 prill 1999 u vranë 376 persona.
24 vjet më parë, forcat serbe rrethuan Rekën e Keqe dhe Lugun e Carragojës në rrethinën e Gjakovës. Brenda disa orëve u krye ekzekutimi më makabër dhe masakra më e madhe në luftën e Kosovës gjatë viteve 1998-1999.
Në një operacion të planifikuar u ndërprenë të gjitha rrugët duke lënë të hapura vetëm dy rrugë në drejtim të Mejës.
Grumbullimi i djemve dhe burrave në grupe nga mosha 15-60 vjeç filloi në orët e hershme të mëngjesit.
Në një bilanc të tmerrshëm u goditën 15 fshatra të rrethit të Gjakovës, duke i ekzekutuar të gjithë djemtë dhe burrat shtëpi për shtëpi. Reklama
Njësitet e ushtrisë serbe, policia, beretat e kuqe, paramilitarët, fqinjët e maskuar krijuan kordonin me imazhet e Srebrenicës duke ekzekutuar 376 meshkuj shqiptarë në atë që njihet si dita e festës së Jugosllavisë së fundit e cila nën vallen e gjakut ishte krijuar me lojërat e juristëve të Slobodan Millosheviqit më 27 prill 1992.
Atë ditë asnjëri nga të ndalurit nuk arriti të dilte i gjallë nga Meja dhe pas luftës trupat e masakruar të tyre, disa u gjetën nëpër varreza masive nëpër Kosovë kurse të tjerët ka informacion se janë ende diku nëpër Serbi.
Përkundër kërkesave të familjarëve dhe organizatave të ndryshme në Kosovë që trupat e tyre të kthehen nga Serbia, kjo gjë është zvarritur nga shteti serb dhe ende nuk është bërë./ Express / KultPlus.com
Kudo që të shikoni në Santorini, ju kujtohet se jeni në një vullkan. Peizazhet hënore, plazhet e zeza dhe të kuqe, guralecat e bëra nga llava e ngurtësuar. Bukuria mahnitëse e ishullit grek është rezultat i historisë së dhunshme vullkanike të zonës.
Santorini është sigurisht i famshëm për kalderën e saj mahnitëse në formë gjysmëhëne, gjysma e së cilës është e zhytur në ujë – duke e bërë atë të vetmen kalderë të fundosur në botë. Ajo u krijua nga një nga shpërthimet më të mëdha të njohura rreth 3600 vjet më parë. Shpërthimi ishte aq i fuqishëm sa shkatërroi qytetin antik të Santorinit të Akrotirit dhe i dha një goditje fatale qytetërimit minoan detar, i cili ishte vendosur në ishull në atë kohë.
Sot, Santorini – i njohur gjithashtu si Thira – është sheshi i lojërave më romantike në Greqi me vila dhe resorte luksoze që ofrojnë arratisje të këndshme për arratisjet dhe ambiente ëndërrimtare për dasma dhe fotosesione luksoze. Shkëmbinjtë e pjerrët vullkanikë të ishullit, të vendosura rreth 1000 metra mbi nivelin e detit, krijojnë një kanavacë gjeologjike mbresëlënëse me shtëpi të zbardhura të balancuara në buzë. Nuk është çudi që është një nga vendet më të fotografuara në planet.
Çdo mbrëmje, ishulli ndalet për perëndimet e diellit me famë botërore të Santorinit. Fshati me kupolë blu dhe të bardhë i Oia mbushet me afrimin e orës së artë. Ndërsa dielli fillon të perëndojë pas shkëmbinjve të kalderës, qielli shndërrohet në një shfaqje të gjallë të nuancave të kuqe, portokalli dhe rozë. Mijëra gulçojnë ndërsa rrezet e fundit zhduken në det.
Pak e kuptojnë se poshtë kaleidoskopit hipnotik të ngjyrave qëndron një vullkan aktiv.
Sekretet e thellësive
Santorini është pjesë e Harkut Vullkanik Helen, një nga fushat më të rëndësishme vullkanike në Evropë, e cila ka parë mbi 100 shpërthime gjatë 400,000 viteve të fundit. Vullkani më aktiv nënujor dhe potencialisht i rrezikshëm i Mesdheut Lindor, Kolumbo, është pesë milje në verilindje të Santorinit dhe pjesë e të njëjtit sistem vullkanik.
E zhytur në detin Egje, Kolumbo ka qenë e qetë për gati 400 vjet – por nuk është në gjumë. Herën e fundit që shpërtheu, në vitin 1650, vrau 70 njerëz dhe shkaktoi një cunami 40 këmbësh. U regjistruan tërmete të forta dhe pasgoditje, së bashku me gaz toksik dhe shtëllunga tymi.
Shkencëtarët e dinë se shpërthimi i Kolumbos mund të shkaktojë kërdi të madhe. Disa nga ekspeditat më të mëdha oqeanografike në botë e kanë vizituar atë dhe monitorimi është rritur në 20 vitet e fundit. Një nga anijet më të mëdha kërkimore amerikane, anija e shpimit të thellë JOIDES Resolution , udhëtoi për në Santorini për misionin e saj të parë mesdhetar midis dhjetorit 2022 dhe shkurtit 2023.
Anija e frikshme solli “një laborator të tërë lundrues në zonë”, thotë vullkanologu dhe bashkë-shefi i ekspeditës Tim Druitt. Në gjendje të shpojnë në mbi 8,000 metra (26,000 këmbë) nën sipërfaqen e detit, studiuesit mblodhën sedimente të paarritura më parë për të provuar dhe rindërtuar historinë e vullkanizmit në zonë.
Rezultatet – raportet fillestare priten më vonë këtë vit – duhet të ndihmojnë shkencëtarët jo vetëm të parashikojnë shpërthimet e ardhshme, por edhe të zbulojnë sjelljen e vullkaneve të tjera aktive në mbarë botën që përbëjnë një kërcënim për miliona që jetojnë në afërsi të tyre. Lidhjet midis tërmeteve dhe vullkaneve po studiohen gjithashtu.
Evi Nomikou, një oqeanografe gjeologjike në Universitetin e Athinës, ka marrë pjesë në çdo ekspeditë në Santorinin e saj të lindjes për 20 vitet e fundit. “Ne po krijojmë gradualisht një gjeopuzzle [duke treguar] se cilat pjesë ishin [fillimisht] tokë, cilat pjesë ishin ujë,” thotë ajo.
“Nëse ne mund të kuptojmë më mirë shpërthimet e së kaluarës dhe ndikimin e tyre, ne kemi një udhërrëfyes për të adresuar më mirë sfidat e së ardhmes.”
Një oqean jashtëtokësor
Ekspedita e Rezolutës JOIDES nuk është studimi i parë i madh i zonës. Nomikou thotë se kushtet ekstreme të studiuara prej kohësh të gjetura në Kolumbo e bënë NASA-n të financojë një ekspeditë novator në vitin 2019. “Në fund të kraterit të saj ka një oqean jashtëtokësor me forma jete që mund të gjenden në planetë të tjerë.”
Mjedisi armiqësor, me shfryrjet e tij hidrotermale aktive që nxjerrin ujë të nxehtë dhe minerale, shërbeu si një terren ideal testimi për teknologjitë e reja më të avancuara duke përdorur automjete autonome nënujore. NASA testoi zhytës që një ditë, shpreson se do të eksplorojnë oqeanet aliene në Jupiter dhe Saturn.
Një tjetër studim i kohëve të fundit zbuloi gjithashtu një dhomë magmë të pazbuluar më parë nën Kolumbo. Shkencëtarët besojnë se dhoma mund të jetë gjithashtu çelësi për të kuptuar aktivitetin sizmik në këtë rajon.
Vullkanet e ndezura dhe krateret flluskuese ndezën gjithashtu imagjinatën e producentëve të Hollivudit, të cilët zgjodhën Santorinin si vendndodhjen e hapjes së filmit “Lara Croft: Tomb Raider – The Cradle of Life”. Duke përdorur shkëmbinjtë dramatikë të Santorinit si sfond, Angelina Jolie e gjeti veten në situata të rrezikshme në ujërat misterioze ndërsa kërkonte thesarin nënujor.
Jolie dhe bashkëshorti i atëhershëm Brad Pitt kaluan kohën e pushimeve në Santorini pas xhirimeve dhe nuk janë të vetmit. Kardashians, Lady Gaga dhe Shakira janë ndër të famshmit që kanë spërkatur në ujërat e kristalta të Santorinit. Çdo verë, mega jahte lundrojnë përpara dhe mbrapa midis Santorinit dhe magnetit tjetër të famshëm të Greqisë, ishullit të festave të Mykonos, pasagjerët e tyre VIP që zbulojnë mjedisin e tyre ekskluziv në postime të shkëlqyera.
Rritjet e kraterit dhe burimet termale
Romanca e Brangelinës mund të ketë përfunduar, por shpirti aventuresk i Lara Croft jeton në ekskursionet me varka turistike. Ato përfshijnë një vizitë në vullkanin e Nea Kamenit: një nga pesë ishujt që formojnë kompleksin vullkanik të Santorinit dhe një park kombëtar gjeologjik në vetvete.
“Shpërthimi i fundit në Nea Kameni ishte në vitet 1950,” thotë Marios Fytros, CEO i agjencisë së udhëtimeve Santorini View. “Vizitorëve u pëlqen emocioni i ecjes deri në kraterin e një vullkani. Është një nga ekskursionet tona më të njohura.” Udhëtimet me varkë vazhdojnë me një not në burimet e nxehta vullkanike në ishullin e afërt Palea Kameni, të ndjekur nga perëndimorët e diellit në kuvertë përballë shkëmbinjve të Santorinit.
Një tjetër turne popullor, në vendin e mrekullueshëm arkeologjik të Akrotirit, shërben si një kujtesë e matur e forcës vullkanike. Qyteti i lulëzuar i epokës së bronzit u shkatërrua nga shpërthimi 3600 vjet më parë, i cili shpërtheu një kolonë hiri dhe shkëmbi gati 20 milje të lartë, duke varrosur qytetin. Rreth 1700 vjet më vonë, një fatkeqësi e ngjashme do të shkatërronte Pompein.
Me hirin dhe llavën e hequr, afresket me ngjyra të gjalla të Akrotirit sot qëndrojnë të ruajtura bukur.
Një vullkan që zien
Falë famës së saj globale, Santorini ka parë disa nga investimet më të mëdha turistike në vend. Hilton dhe Nobu janë ndër markat që kanë mbërritur në ishull në vitet e fundit dhe çmimet e pronave janë ndër më të lartat në Greqi.
Megjithatë, gjeologët – të cilët po monitorojnë nga afër Kolumbon – paralajmërojnë se është vetëm çështje kohe para se të godasë sërish një shpërthim i madh.
Sidoqoftë, “koha” në vitet e gjeologjisë mund të jetë jashtëzakonisht e ngadaltë. Aq shumë sa një agjent imobiliar në ishull, i cili nuk pranoi të përmendet emri, thotë se “aktiviteti vullkanik nuk hyn kurrë në bisedë” kur shet një pronë.
Kur shpërthen, Kolumbo është në gjendje të prodhojë një kolonë shpërthimi dhjetëra milje të lartë dhe gjithashtu mund të shkaktojë një cunami. Rritja e aktivitetit rreth 10 vjet më parë ngriti shqetësime, por që atëherë është ulur.
“Nëse fillojmë të shohim rritje të aktivitetit në Kolumbo, atëherë duhet të jemi vigjilentë, thotë Druitt. “Lajmi i mirë është se vullkanet japin shumë paralajmërime.”
Në jetën e tyre të përditshme, vendasit kanë pak kohë për të menduar për vullkanin përtej ekskursioneve. Në verë, ishulli është i mbushur plot. Overturizmi mbetet një nga sfidat më të mëdha pasi morfologjia unike e Santorinit vazhdon të sjellë turma. Vitin e kaluar, Unioni Ndërkombëtar i Shkencave Gjeologjike, në bashkëpunim me UNESCO-n, përfshiu kalderën e Santorinit në listën e parë të 100 vendeve më të mira të trashëgimisë gjeologjike .
Përtej hoteleve dhe restoranteve, të gjitha bizneset në ishull janë të lidhura me vullkanin. Kozmetika e prodhuar në vend është e mbushur me minerale dhe përbërësit premium ushqimor rriten në tokë unike. Ekziston një muze kushtuar domateve qershi Santorini, një produkt me emërtim të mbrojtur me origjinë që nga viti 2006, dhe fasulet e ishullit konsiderohen më të mirat në Greqi.
Pastaj është eksporti më i famshëm i Santorinit pas turizmit: vera . Banorët e ishullit thonë se ka më shumë verë se ujë në Santorini.
Rreth një e pesta e ishullit rreth 30 milje katrorë është e zënë nga vreshtat, shumica e të cilave rriten assyrtiko , një rrush vendas që prodhon verëra të bardha që janë të freskëta, të thata dhe – çuditërisht – minerale.
Shtëpitë tradicionale “shpellë” të gërmuara në shkëmbinjtë vullkanikë, të quajtura yposkafa, janë bazat kryesore të foleve për muajin e mjaltit që kërkojnë pushimet e tyre të ëndrrave. Por për Nomikou, e cila u rrit në Santorini, ishte Kolumbo ajo që u shfaq në ëndrrat e saj të fëmijërisë.
“Më kanë ndikuar shumë historitë e gjyshit dhe të stërgjyshit. U kujtuan shpërthimet më të vogla në Nea Kameni”, thotë ajo.
“Por ata këmbëngulën se ai për të cilin duhet të shqetësohet është “ai që nuk mund ta shihni”.
Gradualisht kuptova se ishte një vullkan tjetër, nën ujë. Një vullkan më i fuqishëm, misterioz dhe i rrezikshëm. Është e pamundur të dihet nëse ndonjëri prej nesh do të jetojë përmes një shpërthimi të madh, por, në një moment, do të ketë një të tillë.”
Santorini një ditë mund të varroset edhe një herë nën një shtresë hiri. Por tani për tani – ndërsa vizitorët shijojnë një tjetër muzg mahnitës mbi një gotë asyrtiko – vullkani qëndron i qetë./cnn/KultPlus.com
“Kengo Kuma and Associates” u shpall fituese e konkursit ndërkombëtar mes 4 studiove të arkitekturës për hartimin e projektit për Qendrën e Vizitorëve në Parkun Kombëtar të Butrintit.
Studioja fituese u përzgjodh për qasjen unike arkitekturore në krijimin jo thjesht të një objekti, por të një porte hyrëse në pasurinë e Butrintit, me një pamje të mrekullueshme dhe krijimin e një hapësire publike takimi për komunitetin lokal dhe turistët.
Juria ndërkombëtare e mbledhur sot shqyrtoi katër projektet finaliste për Qendrën e Vizitorëve në Parkun e Butrintit, portën hyrëse në këtë pasuri të UNESCO-s.
Katër studiot finaliste ishin:
• Kengo Kuma & Associates (Japoni)
• Lahdelma & Mahlamäki Architects (Finlandë)
• Philippe PROST / AAPP (Francë)
• William Matthews Associates (Mbretëria e Bashkuar)
Procesi i seleksionimit dyfazësh u organizua nga Malcolm Reading Consultants në bashkëpunim me Ministrinë e Kulturës së Shqipërisë dhe Fondacionin për Menaxhimin e Butrintit. Konkursi u financua nga Fondacioni Shqiptaro-Amerikan për Zhvillim
Juria përbëhej nga: Elva Margariti, ministre e Kulturës, Shqipëri; Martin Mata, bashkë-CEO, Fondacioni Shqiptaro-Amerikan për Zhvillim The_AADF; Aleksandër Sarapuli, bashkë-CEO, Fondacioni Shqiptaro-Amerikan për Zhvillim; Róisín Heneghan, bashkëthemeluese dhe Drejtuese e ‘Architects Heneghan Peng’; Mónica Luengo Añón, themeluese, “Arkitekturë, Territor dhe Peizazh, ATP”; Suzanne Ogge, drejtuese e Projekteve dhe Trashëgimisë Ndërkombëtare, studio Milou, dhe konsulente e UNESCO; Thomas Vonier, iIsh-kryetar i Unionit Ndërkombëtar të Arkitektëve, partner i Chesapeake Strategies dhe Matilda Pando, kryetare e Shoqates se Arkitekteve te Shqiperise dhe themeluese e MATT Architects.
I shpallur nga Fondacioni për Menaxhimin e Butrintit, konkursi ndërkombëtar i qendrës së vizitorëve u mbështet financiarisht nga Fondi Shqiptaro-Amerikan për Zhvillim dhe u organizua nën mbikqyrjen e Ministrisë së Kulturës nga kompania britanike Malcolm Reading Consultants.
Kjo qendër, e denjë për të mikpritur vizitorët, me të gjithë infrastrukturën e nevojshme në shërbim të tyre do të respektojë së pari vlerat e jashtëzakonshme universale jo vetëm të zemrës arkeologjike, por të të gjithë Parkut Kombëtar./atsh/KultPlus.com
Parku Kombëtar Divjakë-Karavasta, gjatë fundjavës që lamë pas, shënoi një një numër të lartë turistësh vendas e të huaj.
Administrata e Zonave të Mbrojtura Fier ndau në rrjetet sociale momente nga vizita e turistëve në këtë park.
“Parku Kombëtar Divjakë-Karavasta pati një numër të lartë vizitorësh. Midis vizitorëve të shumtë, binte në sy edhe ky grup i madh nga Gjermania. Midis tyre kishte biologë dhe botanistë të interesuar për faunën dhe florën e parkut”, theksoi AdZM Fier.
Safi i AdZM Fier ishte në krye të detyrës, duke bërë, jo vetëm shoqërimin e këtij grupi, por edhe duke asistuar vizitorët e tjerë.
Parku Kombëtar Divjakë-Karavasta është një nga destinacionet më të preferuara për argëtim, qetësi dhe pushim gjatë fundjavës për qindra qytetarë që e frekuentojnë në çdo stinë.
Përveç natyrës, parku kombëtar u ofron qytetarëve edhe “shoqërinë” e specieve të rralla dhe të veçanta që ndodhen në këtë park si pelikani kaçurrel, apo edhe gjitari globalisht i kërcënuar – lundërza (Lutra lutra), çakalli, dhelpra, baldosa, dallëndyshja e detit, por edhe disa lloje të rralla pishash./atsh/KultPlus.com
Kryeministri i vendit, Albin Kurti ka mirëpritur familjarët e shkrimtarit dhe studiuesit të njohur shqiptar të ndjerë, Moikom Zeqo.
“Me bashkëshorten Lida Miraj dhe djalin Epidamn Zeqo, evokuan kujtime për të ndjerin Zeqo, që iu dha lamtumira e fundit në qershor të vitit 2020”, ka thënë Kurti.
Zonja Miraj dhe Epidamni, që të dy autorë edhe vet, i dhuruan kryeministrit librat autorial të tyre bashkë me një libër të Moikom Zeqo, njofton Klankosova.tv.
Kryeministri Kurti falënderoi familjarët për vizitën dhe tha se kujtimi për Moikomin do të jetojë gjithmonë përmes librave, veprave, fjalëve dhe këshillave të tij.
Shkrimtari Moikom Zeqo, përveçse autor i suksesshëm, ishte edhe ministër i Kulturës, deputet i Kuvendit dhe Drejtor i Muzeut Kombëtar të Historisë në Tiranë. Vitin tjetër ai do të festonte 75-vjetorin e lindjes./klankosova/KultPlus.com
Ministri i Kulturës, Rinisë dhe Sportit, Hajrulla Çeku, ka uruar sopranon e njohur Ermonela Jaho për çmimin “Artiste e vitit” nga “International Classical Music Awards”, duke thënë se çdo çmim që fitojnë artistët shqiptarë janë krenari, shpresë dhe emocion për mbarë kombin, shkruan KultPlus.
Minstri Çeku, duke e ngritur lartë figurën e Ermonela Jahos, ka thënë se për një çmim dhe vlerësim të tillë, çfarë e mori Jaho së fundmi, kërkohet pasion i madh dhe punë maratonike, të cilën ajo e dëshmoi në mënyrë të përkryer.
‘Arti i këndimit kërkon pasion e punë maratonike, ndërsa këtë në mënyrë të përkryer e dëshmoi Ermonela Jaho, e cila së fundi u vlerësua si “Artiste e vitit” nga “International Classical Music Awards”.
Çdo çmim për artistët tanë i jep shpresë, krenari dhe emocion një kombi të tërë. Urime dhe shumë suksese tutje!’, thuhet në urimin e Ministrit Çeku./KultPlus.com
Këngëtari dhe kompozitori Vlashent Sata, më datën 10 maj do të mbajë koncert në New York, në klubin Drom, shkruan KultPlus.
Koncerti tashmë i paralajmëruar do të hapet nga këngëtarja Nora Muhaxheri, nën shoqërimin e të atit Ernest Muhaxheri me kitarë.
Sata veprimtarinë e tij e realizon mes Shqipërisë dhe Francës. Ai ka kryer studimet në Konzervatoriumin e Parisit. ‘Hana’ është albumi i tij i parë, i cili doli në treg në vitin 2017. Më tej Sata ka vazhduar me këngët ‘Copëzat’, ‘Me Jetu’, dhe së fundit me këngën ‘Me Dashtë’, një video muzikore e jashtëzakonshme.
Vlashent Sata po ashtu është edhe themelues i Za Fest, festival ndërkombetar i muzikës, që promovon vlerat e mirëfillta të muzikes sonë.
Ndërsa këngëtarja e re Nora Muhaxheri, vjen nga nje familje muzicientësh, e cila vijon studimet në Purchase College, shkollë e njohur e muzikes, ku studion Kompozicionin. Nora po e vazhdon traditën familjare me zërin e saj të veçantë duke kënduar këngët më të bukura nga melosi kombëtar. Kurse i ati i saj, Ernesti është me prejardhje nga Peja, është kitarist dhe arsimtar i muzikës.
Koncerti sponsorohet nga adhuruesit e muzikës së Satës, restauranti ‘Çka Ka Qëllu’, firma arkitektonike-ndërtimtare Ari Group, dhe avokatura Sholla Law Firm./KultPlus.com
Ansambli Kombëtar i Këngëve dhe Valleve ‘Shota’, sot ka prezantuar këngë, valle e instrumente folklorike si vlerat kulturore të vendit, para nxënësve të shkollës fillore Abdullah Shabani në Mitrovicë, shkruan KultPlus.
Ky organizim është në kuadër të programit edukativ të prezantimit të artit dhe kulturës nëpër institucionet shkollore të Republikës së Kosovës, të cilin e ka mundësuar Ministria e Kulturës, pjesë e të cilit janë të gjitha institucionet kombëtare të kulturës.
“Vazhdon prezantimi i trashëgimisë kulturore folklorike nëpër shkolla. Ansambli Kombëtar i Këngëve dhe Valleve “Shota”, ka shpalosur vlerat tona kulturore para nxënësve të shkollës fillore “Abdullah Shabani” në Mitrovicë, ku artistët prezantuan këngët, vallet dhe instrumentet folklorike.
Ky organizim, është në kuadër të implementimit të programit edukativ të prezantimit të artit dhe kulturës nëpër institucionet shkollore të Republikës së Kosovës, që ka filluar Ministria e Kulturës, pjesë e të cilit janë të gjitha institucionet kombëtare të kulturës.”, thuhet në njoftimin e MKRS në Facebook./KultPlus.com
Sopranoja lirike me famë ndërkombëtare, Alketa Çela është ambasadorja e kulturës shqiptare në Francë. Ajo prej 27 vitesh njihet si ‘zëri’ i operas së Lionit. Këtë herë, Alketa ka dhënë një intervistë për emisionin “Pas Mesnate” në ekranin e ABC News, ku ka rrëfyer shumëçka nga karriera dhe jeta e saj.
E pyetur se cili është misioni i saj si artiste, sopranoja u shpreh: “Misioni im është kualiteti. Ne duhet të këndojmë me respekt dhe kualitet vokal për të gjitha teatrot, një teatër të vogël dhe një teatër të madh ndërkombëtar apo nacional që mund të jetë”.
Ndërsa lidhur me pyetjen se çfarë i mungon më së shumti nga Shqipëria, ajo tha: “Do doja të kisha sërish në jetë, babain dhe maman time, të vija dhe sa më shpesh. Të kisha sa më shpesh edhe koncerte. Drejtoria ka qenë gjithmonë e gatshme të na ftojë, por s’janë bërë pikat e duhura për t’u lidhur, për të gjetur kohën e lirë”./abcnews.al/KultPlus.com
Eli Fara është një artiste që në trojet shqiptare njihet me zërin e saj unik, dhe cilësohet si një nga këngëtaret më të njohura të ‘serenatës’, përcjellë KultPlus.
Ajo është shpallur Artiste e Merituar e Shqipërisë nga qeveria shqiptare para vitit 2000. Ndërsa në vitin 2012, ajo u shpall finaliste në festivalin, Kënga Magjike, me këngën “Romale”, një këngë e përzier me zhanre të ndryshme.
Eli Fara ka lindur më 21 maj 1968 në Korçë, por me origjinë është nga Dhoksati i Gjirokastrës.
Fillimisht ajo ka qenë mësuese e gjuhës shqipe në një shkollë fillore në Drenovë. Rrugëtimi i saj shënoi një pikë kthese kur ajo filloi të interpretonte këngë popullore urbane të rajonit të saj.
Më poshtë gjeni interpretimin e Eli Farës, ‘Kur nata Korçën e mbulon’:
Kur nata Korçen e mbulon dhe kafenete mbushen plot atje qan zemra ime dhe vajton dhe raki kerkon
Do te vij do te vij moj xhan me lot moj do te qaj zjarrin e zemres time ta shuaj moj me duhan
Do te vij do te vij moj shpirt do te ulem dhe do te pij zjarrin e zemres time ta shuhaj moj me raki
Kjo kamarjerja jone sy zeze na servir na buzeqesh ajo rri bashke me ne syrin na i shkel dhe raki na sjell
Do te vij do te vij moj xhan me lot moj do te qaj zjarrin e zemres time ta shuhaj moj me duhan
Do te vij do te vij moj shpirt do ulem dhe do pij zjarrin e zemres time ta shuaj moj me raki/KultPlus.com
Sot, më 26 prill, në moshën 71-vjeçare, ka vdekur profesori i artit figurativ, skulptori i mirënjohur, Aziz Islamaj.
Lajmin për vdekjen e profesor Islamajt e ka dhënë familja e tij.
“Me dhimbje të thellë njoftojmë të gjithë familjarët, miqtë dhe dashamirët që sot me datë 26.04.2023 në moshën 71 vjeçare, ka ndërruar jetë babai ynë i dashur, Prof. Aziz Islamaj. Varrimi i të ndjerit do bëhet nesër (e enjte), me datë 27.04.2023 në ora 14:00 në varrezat e fshatit Murgë – Komuna e Skënderajt”.
“E pamja do të mbahet 3 dite pas ditës së varrimit në Mat-Prishtinë (pritja 08:00-16:00)”, thuhet në njoftimin e familjes Islamaj.
Profesori Islamaj ka lindur në fshatin Murgë të Komunës së Skënderajt.
Punën në fushën e artit figurativ e ka nisur në shkollat fillore të komunës së Drenasit, Klinës e Skënderajt në vitet e ’70-ta dhe ’80-ta.
Pas përfundimit të luftës, ku ai mori pjesë edhe si ushtar i UÇK-së, ai nisi punën në Universitetin e Prishtinës, gjegjësisht në Fakultetin e Arteve si ligjërues i lëndës: Përpunim materiali, Dega e Artit Figurativ – Drejtimi i Skulpturës.
I ndjeri ka lënë prapa vetes një veprimtari të gjerë artistike, me 9 ekspozita personale e rreth 60 ekspozita tjera kolektive, kombëtare e ndërkombëtare.
Ai po ashtu ka marrë edhe shumë shpërblime e mirënjohje. /Klankosova.tv/KultPlus.com
Porsi kanga e zogut t’verës, qi vallzon n’blerim të prillit; porsi i ambli flladi i erës, qi lmon gjit e drandofillit; porsi vala e bregut t’detit, porsi gjâma e rrfès zhgjetare, porsi ushtima e nji tërmetit, ngjashtu â’ gjuha e jonë shqyptare. Ah! po; â’ e ambël fjala e sajë, porsi gjumi m’nji kërthi, porsi drita plot uzdajë, porsi gazi i pamashtri; edhè ndihet tue kumbue; porsi fleta e Kerubinit, ka’i bien qiellvet tue flutrue n’t’zjarrtat valle t’amëshimit. Pra, mallkue njai bir Shqyptari, qi këtë gjuhë të Perëndis’, trashigim, që na la i Pari, trashigim s’ia len ai fmis; edhe atij iu thaftë, po, goja, që përbuzë këtë gjuhë hyjnore; qi n’gjuhë t’huej, kur s’asht nevoja, flet e t’veten e lèn mbas dore. Në gjuhë shqype nanat tona qi prej djepit na kanë thânun, se asht një Zot, qi do ta dona; njatë, qi jetën na ka dhânun; edhe shqyp na thanë se Zoti për shqyptarë Shqypninë e fali, se sa t’enden stina e moti, do ta gzojn kta djalë mbas djali. Shqyp na vete, po pik’ mâ para, n’agim t’jetës kur kemi shkue, tue ndjekë flutra nëpër ara, shqyp mâ s’pari kemi kndue: kemi kndue, po armët besnike, qi flakue kanë n’dorë t’shqyptarëvet, kah kanë dekë kta për dhè të’t’Parvet. Në këtë gjuhë edhe njai Leka, qi’i rruzllim mbretnin s’i a, xûni, në këtë gjuhë edhe Kastriota u pat folë njatyne ushtrive, qi sa t’drisë e diellit rrota, kanë me kênë ndera e trimnive. Pra, shqyptarë çdo fès qi t’jini, gegë e toskë, malci e qyteta, gjuhën t’uej kurr mos ta lini, mos ta lini sa t’jetë jeta, por për tê gjithmonë punoni; pse, sa t’mbani gjuhën t’uej, fisi juej, vendi e zakoni kanë me u mbajtë larg kambës s’huej, Nper gjuhë shqype bota mbarë ka me ju njohtë se ç’fis ju kini, ka me ju njohtë për shqyptarë; trimi n’za, sikurse jini. Prandaj, pra, n’e doni fisin, mali, bregu edhe Malcija prej njaj goje sod t’brohrisim: Me gjuhë t’veten rrnoftë Shqypnia!/ KultPlus.com
Jehona Sopi është një ndër këngëtaret më të njohura të muzikës shqipe. Ajo karrieren e saj si këngëtare e ka nisur shumë herët duke marrë pjesë edhe në kompeticione muzikore, ku edhe ka marrë vlerësime profesionale për interpretimet e saj.
“Tash Dhe Perseri”, “Jam Ajo Qe Jam”, “Pervjetori”, “Fustani i Bardhe”, “Marramendja”, “Unë Do Ti Laj Këmishat e Tua” etj janë këngë me të cilat identifikohet këngëtarja Jehona Sopi.
KultPlus ju sjell interpretimin e saj në Festivalin e Këngës ‘Kënga Magjike’ me këngën ‘Anej’:
Anej, anej Anej kah ti je nisë s’o dera e dashnisë…
Anej, anej kah ti ki dhezë anej ku ti ki shkelë s’munesh me përkëdhelë, anej…
Anej, anej, anej, anej diku dashnia ka jetu Mos më prek anej…
Anej, anej, anej, anej diku dashnia ka maru Mos prek anej…
Mos më prek ku jom prekë, Mos më prek ku jom dekë. Mos më prek në dinjitet, Në inat mos më prek.
Mos më prek në dobësi, Mos më prek në trani… as atje ku kom pej. Mos më prek anej
A t’ka ra me u skuqë, kur prej vetes ki dalë. Krejt me zor e krejt me gram Pse më shite për pak…
Dritën dhezë e kom majtë mos po hupesh diku A e din qysh o me t’vra ai që t’ka kriju/KultPlus.com
Gruaja fle ne carcafin e bardhe e jastekun e bardhe E bukur si perendi e lashte e Greqise; Flene syte e saj qe me mahniten vite me rradhe, Flene buzet e saj si kokrra e prere ne mes e qershise; Flene qerpiket si halat naten ne grure, Flene mollezat e faqeve qe bejne gropeza kur qeshin, Fle balli i hijshem qe s’e desha te ngrysur kurre Dhe nen balle vetullat si krah dallendyshe heshtin. Ne cast me pushton nje ndjenje fajesie dhe malli, Para saj i vetem, para saj I pagjume, Dhe mbulohet me rrudha te dendura balli Dhe them me vete: grua e dashur te kam lodhur shume. Kam ikur shpesh ne rruge te gjata ne fusha e shpata, Te kam lene femije e shqetesime mbi shpine, Te kam lene pazarin, radhen e netet filikate, Te kam lene mbi shpatulla gjithe shtepine. Fli e vuajtura ime!/KultPlus.com
Gjatë intervistës në emisionin “Pas Mesnate” në ekranin e ABC News, sopranoja lirike me famë ndërkombëtare, Alketa Çela ka deklaruar se jeta e saj nuk ka qene gjithmonë e qetë, por ka hasur në vështirësi dhe pengesa. Mirëpo, ajo ka zbuluar se pasuria që i ushqen në çdo lloj momenti është muzika.
“Jeta nuk është një lum i qetë, thonë francezët. Megjithatë, unë them që është pasuria jonë, ne ushqehemi me muzikën, është bërë jeta jonë e dytë. Unë mundohem që përveç operas të dëgjoj dhe muzikë klasike orkestrale, të zbuloj shumë gjëra nga bashkëshorti im. Ai ka një repertor orkestral më të njohur, mundohemi t’i kombinojmë”, tha sopranoja.
Më tej, Alketa dha dhe një këshillë për të gjithë artistët e rinj, që duan të ndjekin rrugën e saj.
“Duhet t’i përkushtohen në mënyrë 100% këtij profesioni, që në fillim duhet të jenë serioz, punëtor, besimi në vete, por puna për mua. Nqf se ata nuk i përkushtohen punës, vështirë është në këtë profesion që është direkt i lidhur dhe niveli është i dukshëm”, u shpreh ajo./abcnews.al/KultPlus.com
Mbreti Charles III dhe Madhëria e saj The Queen Consort vizituan sot Liverpool Arena, ku ndezën skenën për ta shpalosur atë për publikun për herë të parë.
Skena u zbulua nën tingujt e një kolone zanore me temë të Eurovizionit 2023.
E dizenjuar nga Julio Himede, skena mbresëlënëse është projektuar mbi parimet e ‘bashkimit, festës dhe komunitetit’.
Në më shumë se 450 metra katrorë të skenës, i bashkohen dhe 220 metra katrorë të tjerë ekrane video që lëvizin dhe rrotullohen në mënyrë të pavarur, si dhe mbi 700 pllaka video të integruara në dysheme dhe më shumë se 1500 metra drita LED.
Eurovision 2023 do të nis me datë 9 maj deri me 13 maj në Liverpool. Albina dhe Familja Kelmendi do të përfaqësojnë Shqipërinë me këngën “Duje” ku dhe morën çmimin e parë në Festivalin e Këngës në Radio Televizionin Shqiptar. /rtsh.al/ KultPlus.com
Rektori i Akademisë së Studimeve Albanologjike, prof. dr. Luan Përzhita priti në një takim pune Ambasadorin e Republikës së Kosovës në Shqipëri, Skënder Durmishi, në prani të zv/rektorit të ASA-s, prof. dr. Valter Memisha.
Rektori Përzhita e informoi në detaje ambasadorin për përmbajtjen e marrëveshjes së fundit që u nënshkrua më 13 prill, mes ASA-s dhe Universitetit të Prishtinës, për bashkëpunim në fushën e arsimit të lartë dhe kërkimit shkencor dhe për të krijuar një strategji mbi transmetimin e dijes tek brezat e rinj, në fushat e albanologjisë, me qëllim përditësimin dhe pasurimin me teza të reja të dijes albanologjike.
“Jemi në një situatë krejt të re”, tha rektori Përzhita.
“Gjetëm mbështetje te drejtuesit e rinj të Universitetit të Prishtinës, personalisht te rektori, prof. dr. Qerim Qerimi dhe ramë dakord që në bazë të marrëveshjes, hapi i parë të jetë ngritja e një grupi të përbashkët pune për hartimin e projekteve strategjike në fushën e albanologjisë.
Po ashtu, kryeministri i Kosovës, Albin Kurti e përshëndeti këtë marrëveshje, e cila i hap rrugën më pas ndërtimit të programeve të përbashkëta në studimet Master dhe Doktoraturë në fushën e albanologjisë – arkeologji, antropologji social-kulturore, histori e gjuhësi.
Me hapjen e programeve të reja të edukimit, krijohen mundësi të shkëlqyera edhe për studentët nga Universiteti i Prishtinës dhe ai i Tetovës që të plotësojnë gjithë boshllëqet e krijuara në dekada nga mungesa e edukimit në këto fusha.
Aktualisht ka shumë pak profesorë nga Prishtina që japin mësim në Tiranë.
“Ne do donim që Akademia e Studimeve Albanologjike, në një periudhë afatshkurtër dhe nën një perspektivë afatgjatë, të ishte shtëpia jonë e përbashkët e albanologjisë”, u shpreh rektori Përzhita./atsh/ KultPlus.com
Edhe kur kujtesa ime e lodhur Ashtu si ato tramvajet e pasmesnatës Vetëm në stacionet kryesore do të ndalojë, Unë ty s’do të harroj.
Do të kujtoj Mbrëmjen e heshtur, të pafund të syve të tu, Dënesën e mbytur, rrëzuar mbi supin tim Si një dëborë e pashkundshme.
Ndarja erdhi Po iki larg teje… Asgjë e jashtëzakonshme, Veç ndonjë nate Gishtat e dikujt do të mpleksen në flokët e tu Me të largëtit gishtat e mi, me kilometra të gjatë… / KultPlus.com
Përpara kurorëzimit historik të Mbretit Charles në Westminster Abbey javën e ardhshme, një bust i Mbretit në madhësi reale është bërë nga më shumë se 17 litra çokollatë të shkrirë.
Busti i çokollatës peshon mbi 23 kg dhe u deshën katër javë për t’u krijuar. Ai u dizenjua nga një ekip ekspertësh çokollatash dhe krijuesish modelesh, të cilët projektuan me kujdes profilin e ‘ëmbël’ të Mbretit për t’i ngjajtur atij sa më shumë që të jetë e mundur.
Çokollata të ndryshme nga marka e ëmbëlsirave Celebrations i kanë shtuar nuanca të ëmbla elementeve të bustit.
“Ekipi studioi orë të tëra pamje të Mbretit për të kapur ngjashmërinë e tij të vërtetë dhe ngjashmëria është e çuditshme”, tha Emily Owen, drejtoresha e Celebrations, e cila përdori afërsisht 2,875 çokollata të shkrira.
Festimet kanë të bëjnë me bashkimin e njerëzve dhe ne jemi të emocionuar të ndajmë këtë rast me kaq shumë adhurues të çokollatës në vend. Skulptura do të shfaqet në selinë e Mars Wrigley në Mbretërinë e Bashkuar në Slough./ KultPlus.com
Akademia e Studimeve Albanologjike është përfaqësuar në një workshop doktoral në Kroaci.
Në Universitetin e Zarës (Kroaci) u organizua nga Shkolla Franceze e Romës (École Française de Rome) në kuadër të programit ANR MONACORALE, workshop-i doktoral me titull “Live, pray and die in an Insular and Coastal Environment between 4th and 12th century”, ku u mblodhën kërkues dhe doktorantë nga vende të ndryshme të Evropës.
Në këtë workshop dr. Ulsi Tota nga Departamenti i Prehistorisë, (Instituti i Arkeologjisë – ASA) mori pjesë me ligjëratën “Quelques aspect des conditions de vies des populations du Nord de l’Albanie pendant le Moyen Age”.
Fokusi i ligjëratës ishte rindërtimi i kushteve shëndetësore dhe ato të jetesës së popullsive të Shqipërisë së Veriut (më saktësisht atyre të Komanit, Lezhës dhe Shkodrës) gjatë periudhës mesjetare, duke u bazuar në të dhënat antropologjike dhe ato paleopatologjike./atsh/KultPlus.com
