Muaj: Qershor 2024

‘Dikotomi’, çelet ekspozita e Ilir Butkës në FAB

Posted on by Kult Plus

Artisti dhe pedagogu i Fakultetit të Arteve të Bukura, Ilir Butka, çeli ekspozitën e tij vetjake të titulluar “Dikotomi”.

Ekspozita me kurator Petraq Papën, u çel më 3 qershor dhe do të vazhdojë të presë publikun artdashës deri më 8 qershor, në Galerinë FAB.

Vetë artisti e konsideroi këtë si një moment të rëndësishëm, pasi është një përmbledhje e punës intensive të këtyre 4 viteve të fundit, që ai e ndan me kolegët artistë, pedagogët, studentët e Universitetit të Arteve dhe dashamirët e artit.

Kjo është ekspozita e parë vetjake e Ilir Butkës i cili më herët ka marrë pjesë në mjaft ekspozita kolektive brenda dhe jashtë vendit.

“I jam rikthyer impenjimit aktiv me pikturën pas një shkëputjeje shumëvjeçare dhe në këtë rikthim unë propozoj një këndvështrim komplet të ri për mua, totalisht i bazuar mbi abstrakten. I isha larguar pasionit dhe profesionit të hershëm pikturës me mendimin se një ditë do të kthehesha, me sigurinë që piktura do të ishte gjithmonë aty duke më pritur me besnikëri dhe tolerancë për ‘’tradhëtinë’’ e pësuar”, është shprehur Ilir Butka.

Artisti thotë se nuk ka narracion në pikturën e tij, por edhe pse mungon figurativja në to, ato gjithsesi mund të konsiderohen si klasike, duke iu referuar teknikës së përdorur në disa prej tyre.

Siç e thotë edhe titulli që mban, ekspozita sjell simbolikisht dualizmin që rrethon piktorin si individ, por edhe vetë pikturën e tij.

“Angazhimi im profesional ka marrë formën e një dikotomie të vërtetë pasi është ndarë prej vitesh tashmë midis filmit, pikturës, fotografisë dhe mësimdhënies. Edhe forma e ekspozimit të pikturave është e tillë, ku dy ose më shumë telajo apo piktura do të jenë të ekspozuara në një kornizë të përbashkët si një punë e vetme e përbërë nga dy ose më shumë krijime të ndryshme, që shpesh kontrastojnë ose kompensojnë njëra- tjetrën”, shpjegon Butka./atsh/ KultPlus.com

‘Virgjëresha Shqiptare’ fiton çmimin e filmit më të mirë dhe aktores më të mirë në ‘Noli Film Festival’

Posted on by Kult Plus

Filmi “Virgjëresha Shqiptare” ka fituar çmimin e filmit më të mirë, përderisa aktorja Rina Krasniqi është shpallur aktorja më e mirë me rolin e “Luanës” në “Noli Film Festival 2024”- Boston, shkruan KultPlus.

Filmi “Virgjëresha Shqiptare” me regji të Bujar Alimani ka fituar çmime në festivale të ndryshme të filmit si në Varshavë, Belgjikë, poashtu dhe në Prishtinë, në PriFest ku ka fituar çmimet kryesore.

Përveç aktores Rina Krasniqi, aktorë të tjerë që janë pjesë e filmit janë Nik Xhelilaj, Astrit Kabashi, Gresa Pallaska, Lulzim Zeqja, dhe të tjerë. Filmi është bashkëprodhim i Kosovës, Shqipërisë, Gjermanisë dhe Belgjikës./ KultPlus.com

Shpallet komisioni vlerësues i thirrjes për ruajtjen dhe restaurimin e Shtëpisë së Kulturës në Runik

Posted on by Kult Plus

Është shpallur komisioni vlerësues i thirrjes së hapur për ruajtjen dhe restaurimin e Shtëpisë së Kulturës në Runik.

Përzgjedhja e anëtarëve të komisionit vlerësues përfshin një kombinim të larmishëm të ekspertëve vendorë dhe ndërkombëtarë të profesioneve të ndryshme në fushën e Trashëgimisë Kulturore, Arkitekturës, Artit dhe Kulturës.

Komisioni vlerësues përbehet nga: Petrit Halilaj, Alban Berisha, Donjetë Murati, Florina Jerliu, Ifeta Nikoceviq, Jurgen Mayer dhe Sali Shoshi.

Opera e Kosovës prezantohet edhe në Paris, interpretojnë solistë të shquar

Posted on by Kult Plus

Opera e Kosovës do të prezantohet para publikut parisien me solistë të shquar të këtij institucioni, përmes një programi të përzgjedhur me kompozitorë botëror dhe shqiptar, shkruan KultPlus.

Pjesë e këtij koncerti i cili do të prezantohet në kryeqytetin e Francës janë artistët: Venera Kajtazi, Sihana Badivuku, Adelina Paloja, Arta Jashari, Agron Peni, Denik Prizreni, Elikona Hysaj, Kaltrina Miftari, kuarteti Amati, Liridon Sadriu, Meriton Ferizi, Okteti Plus, Safet Berisha dhe Zana Abazi-Ramadani.

Koncerti mbahet më 10 qershor, në Theatre du Gymnase Marie Bell- Paris, në ora 20:00./ KultPlus.com

Koncert madhështor për 50 vjetorin e karrierës së Shkurte Fejzës, Ansambli ‘Shota’: Festojmë 50 vite me zërin që ka përfaqësuar kombin tonë!

Posted on by Kult Plus

Një koncert madhështor me titull “50 vjet zëri i kombit” do të mbahet  në Sallën e Madhe të Pallatit të Rinisë, për të shënuar 50 vjetorin e karrierës së artistes Shkurte Fejza, shkruan KultPlus.

Ky koncert është organizuar nga Ministria e Kulturës, Rinisë dhe Sportit si dhe Ansambli i Këngëve dhe Valleve “Shota”.

Përmes një njoftimi publik ansambli “Shota” ka bërë ftesë për pjesëmarrje për të festuar me zërin që për 50 vite ka përfaqësuar kombin shqiptar:

“Ju ftojmë të merrni pjesë në koncertin madhështor të artistës ikonë të këngës shqipe, znj. Shkurte Fejza me titull “50 vjet zëri i kombit”.

Kjo ngjarje e veçantë muzikore është organizuar nga MKRS-dhe AKKV “Shota”. Mos humbisni mundësinë për të përjetuar një mbrëmje të paharrueshme plot me muzikë, mbamendje dhe emocion.

Bashkohuni me ne për të nderuar dhe festuar trashëgiminë tonë muzikore!”, thuhet në një shkrim të publikuar nga AKKV “Shota”.

Koncerti mbahet më 8 qershor, në ora 20:00, në Sallën e Madhe të Pallatit të Rinisë./ KultPlus.com

‘Njerëzit thonë që je duke ndjekur rrugën e gabuar, por ajo është thjeshtë rruga yte’

Posted on by Kult Plus

1. “Jeta vjen me shumë sfida. Ato që nuk do të duhej të na frikësonin, janë ato që mund ti kontrollojmë.”

2. “Pa dhimbje, nuk do të kishte vuajtje. Pa vuajtje kurrë nuk do të mësonim nga gabimet tona. Për të bërë gjënë e duhur, dhimbja dhe vuajtja janë çelësat e të gjitha dyerve.”

3. “Nëse nuk dilni nga kutia në të cilën jeni rritur, kurrë nuk do ta kuptoni se sa e madhe është bota.”

4. “Ne nuk dashurojmë kur gjejmë njeriun perfekt, por kur mësojë të shohim një njeri jo perfekt në mënyrë perfekte.”

5. “Nëse pyetni njerëzit, shumica nuk kanë bërë atë që kanë dashur. Kjo më dhemb në zemër. “

6. “Nëse mendoj për vdekjen më shumë se të tjerët, është për shkak se unë vlerësoj jetën më shumë se ta.”

7. “Unë do të mundohem të bëj më të mirën time të mundshme në këtë botë.”

8. “Ti mendon, “çfarë nëse do ta bëj një gabim sot dhe do të pendohem’. Por unë nuk besoj në pendim, unë besoj që çdo vendim çon tek të kuptuarit se kush jemi, dhe thjesht duhet të hedhim një hap para, të përkushtohemi dhe të shohim se çfarë do të ndodhë.”

9. “Sa herë që ndihem e humbur, marr një hartë dhe e vështroj deri sa ti kujtoj vetës sime se jeta është një aventurë e gjatë, sa shumë për të bërë e sa shumë për të parë!”

10. “Njerëzit thonë që je duke ndjekur rrugën e gabuar, por ajo është thjeshtë rruga yte.”/KultPlus.com

Bisedë me Rossella Menegazzo / Felice Beato dhe Adolfo Farsari në ‘Marubi’

Posted on by Kult Plus

Muzeu i fotografisë ‘Marubi’  më 14 qershor organizon bisedë me Rossella Menegazzo / Felice Beato dhe Adolfo Farsari: fotografë dhe sipërmarrës në Yokohama.

Historia e dy fotografëve italianë Felice Beato dhe Adolfo Farsari të cilët mbërrijnë në Japoni në gjysmën e dytë të shekullit XIX, flet për udhëtimin, kreativitetin, sipërmarrjen, për artin dhe marrëdhëniet ndërkombëtare.

Imazhet fotografike që ata kanë lënë pas, pjesërisht të koleksionuara në Arkivat Alinari në Firence, na dëshmojnë për tradita e zakone të një vendi që sapo ishte njohur me teknikën e fotografisë e me potencialin që ky mjet i ri kishte në kontekstin e një qyteti të gjallë portual si Yokohama. Beato dhe Farsari e transformojnë fotografinë në një produkt artistik me shtrirje të gjërë dhe kontribuojnë në formimin e gjeneratave të para të fotografëve japonezë duke shënjuar kështu edhe historinë botërore të fotografisë. /Express/ KultPlus.com

Si bëhet kënga rome

Posted on by Kult Plus

Poezi nga Kujtim Paçaku.

nuk ka shumë marifet!
merre një grusht dhembje
shtoji ca pika loti
e pak pluhur rrugësh të pasosura
pak aromë stinësh të dashurisë
në fund
i shton erëza djegëse dashurie
dhe i hedh ca yje përsipër
dhe e lë të piqet
të piqet në zjarr të shpirtit
gjer në agim.

ja pra, kështu bëhet kënga rome…

12 filmat më të mirë për t’u parë në qershor

Posted on by Kult Plus

Më poshtë vijojnë 12 nga filmat më të mirë për t’u parë në qershor, sipas BBC.

1. “Kinds of Kindness”

Kanë kaluar vetëm pak muaj që kur u publikua “Poor Things” të Yorgos Lanthimos, por regjisori grek ka përfunduar tashmë një film tjetër – ose në një farë mënyre, tre filma të tjerë.

“Kinds of Kindness” shtë një trilogji e tregimeve të shkurtra komike të zeza, secila prej tyre e vendosur në një version të çuditshëm të SHBA-së së sotme, dhe secila prej tyre paraqet të njëjtët aktorë në role të ndryshme: Emma Stone, Willem Dafoe, Jesse Plemons, Margaret Qualley. , Hong Chau dhe Mamoudou Athie.

E shkruar nga Efthimis Filippou, i cili ka shkruar filmat e hershëm të Lanthimos, është një rikthim në rrënjët e tij tmerrësisht rrëqethëse, por shpesh gazmore.

“Ky film i gjatë, origjinal të magjeps edhe pse të zhgënjen, duke sfiduar logjikën konvencionale ndërsa paraqet një refren absurd për shoqërinë moderne”, tha Peter DeBruge për “Variety”.

Filmi do të lançohet më 21 qershor në SHBA dhe Kanada, dhe 28 qershor në BM, Irlandë dhe Suedi.

2. “I am: Céline Dion”

Kushdo që kujton filmin “Titanic” në 1997, do të kujtojë këngën “My Heart Will Go On” nga Céline Dion.

Balada ishte një fituese e çmimit “Oscar” dhe Grammy që u bë single-i më i shitur i vitit 1998 – dhe ishte vetëm një nga hitet e Dion.

Kohët e fundit, megjithatë, ajo ka jetuar me një çrregullim të rrallë neurologjik, sindromën e personit të ngurtë, i cili shkakton ngurtësi dhe spazma të muskujve duke e penguar atë të performojë.

Dokumentari i Irene Taylor tregon se si ajo ia ka dalë mbanë.

“Këto dy vitet e fundit kanë qenë një sfidë për mua, udhëtimi nga zbulimi i gjendjes sime tek të mësuarit se si të jetoj dhe ta menaxhoj atë, por jo për ta lënë atë të më përcaktojë”, tha Dion në një deklaratë.

“Ndërsa rruga për të rifilluar karrierën time të performancës vazhdon… vendosa të doja të dokumentoja këtë pjesë të jetës sime për të ndihmuar njerëzit e tjerë që vuajnë nga kjo diagnozë”, shtoi ajo.

3. “Inside Out 2”

Në vitin 2015, “Inside Out” na prezantoi me një vajzë të re, Riley, e cila ishte e mërzitur për ndryshimin e shtëpisë dhe më pas na tregoi të gjitha emocionet brenda mendjes së saj: gëzimin, trishtim, zemërimin, frikën dhe neverinë.

Filmi vizatimor hit i Pixar përfundoi me Riley që u bë një adoleshente, kështu që ankthi ishte tema kryesore e saj.

Regjisori i filmit, Kelsey Mann, i tha Jackson Murphy në “Animation Scoop” se historia e re ka të bëjë me atë se si ne e trajtojmë atë ndjenjë.

“Ka të bëjë me të qëndruarit në të tashmen dhe të shqetësohesh më pak për të ardhmen – thjesht të shqetësohesh për: Mirë”, tha ai.

Çfarë po ndodh tani?’ Kjo është pjesërisht të mësuarit për të menaxhuar ankthin, gjë që ne u përpoqëm të vendosnim në këtë film.”

Filmi do të lançohet më 14 qershor.

4. “The Exorcism”

“The Exorcism” është një film horror me dy “kthime” të mëdha postmoderne. Është historia e një aktori të quajtur Anthony Miller, i luajtur nga Russell Crowe,i cili e humb mendjen gjatë xhirimit të një filmi që është njësoj si “The Exorcist”, duke ngritur kështu pyetjen nëse është i pushtuar nga një demon, apo nëse presionet e xhirimeve po e shtyjnë përsëri në varësitë e tij të vjetra.

Kthimi i parë postmodern është se Crowe luajti në “The Pope’s Exorcist” vitin e kaluar, kështu që ai është një aktor që luajti në një film ekzorcizmi.

Kthesa e dytë është se “The Exorcism” është drejtuar dhe bashkë-shkruar nga Joshua John Miller, babai i të cilit, Jason Miller, luajti At Damien në “The Exorcist” në vitin 1973.

Filmi do të lançohet më 21 qershor në SHBA dhe BM

5. “Horizon: An American Saga – Chapter 1”

Kevin Costner ka drejtuar tashmë dy filma perëndimorë, “Open Range” dhe fituesin e çmimit “Oscar”-  “Dance with Wolves”. Tani ky numër është rritur në tre… ose ndoshta katër. Dhe së shpejti mund të jenë pesë ose gjashtë.

Siç sugjeron titulli, “Horizon: An American Saga – Chapter 1” është vetëm pjesa e parë e filmit Western të Costner, të cilin ai gjithashtu e shkroi, e prodhoi dhe e vetëfinancoi.

Ai do të shfaqet për publikun në gusht dhe Costner ka planifikuar të bëjë edhe dy të tjerë.

Filmi do të lançohet më 28 qershor.

6. “Bad Boys: Ride or Die”

Will Smith nuk është shfaqur në kinema që kur goditi Chris Rock para se të fitonte Oscar-in për aktorin më të mirë në 2022.

Por, ai eshte kthyer në “Bad Boys: Ride or Die”, pjesa e katërt në ekskluzivitetin e policëve të Miamit.

Në mënyrë të pabesueshme, kanë kaluar 29 vjet që kur Smith dhe Martin Lawrence luajtën në filmin e parë “Bad Boys”.

Filmi do të lançohet më 5 qershor.

7. “Treasure”

Filmi i parë që trajton Holokaustin që nga “The Zone of Interest”, drama e udhëtimit rrugor e Julia von Heinz ka një qasje krejt tjetër.

“Treasure” përdor trillime dhe anekdota në vend të taktikave tronditëse, por ai ende ofron një pasqyrë hetuese në gjithçka, nga antisemitizmi i rastësishëm deri te murtaja e harresës historike”, tha Geoffrey Macnab për “The Independent”.

I përshtatur nga romani autobiografik i Lily Brett i vitit 1999, “Too Many Men”, filmi paraqet Lena Dunham si një gazetare muzikore nga Nju Jorku, e cila bën turne në Poloni në 1990 me babanë e saj, një e mbijetuar e Aushvicit e luajtur nga Stephen Fry.

Filmi do të lançohet më 14 qershor në SHBA.

8. “The Watchers”

Dakota Fanning luan në këtë thriller misterioz të mbinatyrshëm si një artiste që humbet në një pyll në Irlandë.

Kur një përbindësh e ndjek atë, ajo gjen strehë në një bunker me tre persona të tjerë, ku mëson se asnjëri prej tyre nuk mund të largohet dhe se ata duhet të qëndrojnë pranë një ekrani xhami çdo natë për t’u inspektuar nga “vrojtuesit” e paparë të alienëve.

I përshtatur nga romani i “AM Shine”, “The Watchers” tingëllon si një film i M Night Shyamalan – i shkruar dhe drejtuar nga vajza e Shyamalan, Ishana Night Shyamalan.

Filmi do të lançohet më 7 qershor.

9. “The Bikeriders”

“The Bikeriders” përfshin aktorët më të mirë të këtij viti, duke përfshirë Tom Hardy, Austin Butler, Jodie Comer  dhe Mike Faist.

Hardy luan Johnny, themeluesin e Vandals MC, një klub motoçikletash në Çikago të viteve 1960.

“Filmi i Jeff Nichols është një dramë tërheqëse e ngjashme me “Goodfellas” e Martin Scorsese”, tha Brian Viner për “Daily Mail”.

“Personazhet janë mashtrues dhe të papjekur, megjithatë ne e gjejmë veten duke i mbështetur ata, veçanërisht në rastin e bashkëshortit të Ketit jashtëzakonisht të lezetshëm, të pakrahasueshëm dhe të qetë Benny (Butler), të cilit Johnny…

Filmi do të lançohet më 21 qershor në SHBA, BM, Kanada dhe Irlandë.

10. “A Quiet Place: Day One”

“A Quiet Place: Day One” – me aktorin kryesor John Krasinski paraqet një familje të fshehur në një shtëpi në fermë nga të huajt grabitqarë.

Por, në këtë histori të shkruar dhe drejtuar nga Michael Sarnoski, ne mund të shohim kaosin e shkaktuar nga përbindëshat kur ata bien për herë të parë nga hapësira dhe zbarkojnë në qytetin e Nju Jorkut.

Lupita Nyong’o luan së bashku me Djimon Hounsou, duke ripërsëritur personazhin e tij nga “A Quiet Place: Part Two”.

“Këta janë janë filma thriller horror që kanë këto momente emocionuese, të frikshme, por në thelbin e tyre, ato janë histori për njerëzit që merren me diçka që nuk dinë si ta trajtojnë”, tha Sarnoski Nick Romano për “Entertainment Weekly”.

Filmi do të lançohet më 27 qershor.

11. “Firebrand”

Tashmë ka pasur një seri filmash kushtuar mbretit Henry VIII dhe bashkëshortes së tij të dytë, Anne Boleyn.

I përshtatur nga romani i Elizabeth Fremantle i vitit 2013, “Queen’s Gambit”, kjo dramë elegante paraqet Alicia Vikander si Catherine dhe Jude Law si mbreti Henri me zemër të refuzuar.

Ndërsa oborrtarë të ndryshëm komplotojnë kundër saj dhe shëndeti mendor dhe fizik i mbretit të plakur po mbaron, si mund të sigurojë që ajo të mbijetojë më gjatë se ai?

Firebrand është një thriller historik , i zhytur në ndriçim të heshtur, i mbushur me komplote të gjalla”, shkruan Phil de Semlyen në “Time Out”.

Filmi do të lançohet më 14 qershor në SHBA.

12. “Banel & Adama”

Filmi debutues magjik dhe misterioz i Ramata-Toulaye Sy tregon një çift të dashuruarish të kryqëzuar me yje.

Adama (Mamadou Diallo) është një djalë adoleshent i cili supozohet të bëhet kreu i fshatit të tij të largët Senegalez pas vdekjes së babait dhe vëllait të tij.

Banel dhe Adama sfidojnë traditën dhe jetojnë vetëm në shkretëtirën jashtë fshatit.

Problemi është se kur zona goditet nga një thatësirë ​​e madhe, fshatarët e shohin atë si ndëshkim hyjnor për sjelljen e të dashuruarve.

Filmi do të lançohet më 7 qershor./ora/KultPlus.com

Më 5 qershor hapet Panairi i 24-t i librit “Prishtina 2024”

Posted on by Kult Plus

Ministria e Kulturës, Rinisë dhe Sportit ka njoftuar se më 5 qershor, do të hapet Panairi i 24-t i librit “Prishtina 2024”, me moton “Përgjigjja është libri”.

“Me moton “Përgjigjja është libri” vjen edicioni i 24-t i Panairit të Librit, organizuar nga Shoqata e Botuesve të Kosovës, me ndihmën dhe bashkëpunimin e vyer nga Ministria e Kulturës, Rinisë dhe Sportit, Komuna e Prishtinës dhe Pallati i Rinisë”, thuhet në njoftim.

Ceremonia e hapjes do të bëhet të mërkurën në ora 12:00 dhe do të jetë i hapur për vizitorë çdo ditë nga ora 9:00 deri në 21:00, deri më datën 9 qershor në ora 19:00.

Në panair do të marrin pjesë rreth 100 botues nga Kosova, Shqipëria, Maqedonia e Veriut dhe Diaspora, numri i titujve të rinj do të jetë rreth 2000, kurse numri i titujve të fundit rreth 6000.

Përvjetorët që shënohen në Panairin e 24-t të librit janë:

– 100-vjetori i lindjes së At Zef Pllumit

– 100-vjetori i vdekjes së Franz Kafkas

Në panair do të jenë mbi 40 aktivitete, promovime dhe autorë të pranishëm, ku spikasin i ftuari i nderit shkrimtari francez Éric Faye, fitues i Çmimit të Madh për roman të Akademisë Franceze dhe i Çmimit Deux-Margots

– Botimi dhe promovimi i vëllimit testament të Rexhep Qosjes, po ashtu i ftuar i nderit

Panairin pritet ta vizitojnë rreth 40000 vizitorë: studentë, nxënës të shkollave të mesme dhe fillore të Kosovës, qytetarë dhe personalitete të shquara nga jeta akademike, letrare, politike e intelektuale e Kosovës. Ky panair përkon edhe me përvjetorë të rëndësishëm që do të shënohen me aktivitete, përkujtime e debate./KultPlus.com

‘Ekrani i Artit’ në Shkodër vjen me edicionin e shtatë

Posted on by Kult Plus

Nga data 5 deri më 9 qershor, Shkodra do të mirëpresë edicionin e shtatë të festivalit të filmit “Ekrani i Artit” me vepra të videoartit, filmit të shkurtër e të gjatë, dokumentar e fiksion, punime nga artistë vendas dhe ndërkombëtarë që do të shfaqen në Kinema Republika, Art House, Galerinë e Arteve, Vendin e Dëshmisë e Kujtesës, Qendrën Rinore Arka, Auditorin Françeskan, Galerinë Oda dhe në Kalanë e Rozafës.

Nën titullin Solitude and Multitude filmat e edicionit të sivjetshëm eksplorojnë këto skaje të pandashme të ekzistencës njerëzore ku vetmia dhe shumësia, individi dhe komuniteti, thjeshtësia dhe kompleksiteti, intimiteti privat dhe dimensioni publik përvijohen mes nuancash, kalimesh e sfumaturash të panumërta.

Ndryshe nga vitet e tjera, një ekspozitë e kuruar nga Lek M.Gjeloshi e Zef Paci sjell në Galerinë e Arteve pesë artistë me instalacione video e audio, ndërsa Art House mirëpret të parën ekspozitë personale të artistes Nora Bzheta.

Në Art House do të zhvillohen gjatë ditëve të festivalit programe të ndryshme duke filluar nga “Personal narratives, family myths” të kuruar nga Sylvia Schedelbauer e duke vijuar me një përzgjedhje me videoart nga koleksioni i Fondacionit In Between Art Film të kuruar nga Edi Muka. Me 8 qershor do kemi një fokus në tre vepra video të William Kentridge nga koleksioni Moschini e Fischetti ndërsa të dielën me datë 9 një program me videoart shqiptar të kuruar nga Elsamina Musiq e Xhulian Millaj.

Ndërkohë Auditori Françeskan do të mirëpresë një program të sjellë nga Roland Sejko me nëntë filma të shkurtër të prodhuar nga nëntë regjisorë italianë ekskluzivisht me materiale të Arkivit të Instituto Luce në Romë. Programi mbledh filma nga Claudio Giovannesi, Alina Marazzi, Pietro Marcello e Sara Fgaier, Roland Sejko, Alice Rohrwacher, Giovanni Piperno, Marco Bonfanti, Paola Randi e Costanza Quatriglio. Te ky Auditor do të shfaqet ditën e diel me datë 9 edhe filmi i Eneos Çarka Another Day.

Në Vendin e Dëshmisë e Kujtesës, Santiago Sierra sjell videon e tij më të fundit The Maelström ndërsa Gentian Doda me grupin Was Bleibt Kollektiv prezantojnë filmin koreografik Gjurmë.

Qendra Rinore Arka do të mirëpresë për tre ditë shfaqjen e tre filmave të shkurtër që vijnë nga festivali i mirënjohur italian Concorto Film Festival. Të tre filmat, Night Shift, Sardine dhe Lovers ishin fitues të edicionit të vjetshëm të këtij festivali.

Dalja nga qyteti, që në dy vitet e fundit e kishte parë programin e festivalit të shpalosej buzë liqenit, këtë vit do t’i drejtohet Kalasë së Shkodrës me instalime video e projeksione fotografike nga Lek M.Gjeloshi e Sara Passerini dhe me projektimin në natën e datës 8 qershor të filmit të Wael Shawky, I am Hymns of the New Temples.

Kalaja e Shkodrës do të jetë për dy netë edhe arenë e një programi muzikor të përzgjedhur nga Rubin Beqo e Nita Deda, program i cili do përfshijë gjatë ditëve të festivalit edhe Bed Station si dhe hapësirat e ish Konsullatës italiane në Shkodër.

Qendra e festivalit mbetet Kinema Republika e cila mirëpret një seri me filma të gjatë e të shkurtër duke filluar me dy filmat e natës së hapjes nga Driant Zeneli e Roland Sejko e duke vazhduar me një program të kuruar nga Tea Paci ku përmendim filma nga regjisorë e artistë si Cecilia Vicuña, Noor Abed, Evi Gjoni, Hoda Taheri, Fabrizio Bellomo, Emilien Dubuc, Helena Wittmann, Vasilis Katsoupis, Bo Wang e Ilir Hasanaj.

Ky vit shënon edhe edicionin e tretë të punëtorisë së koordinuar nga Melisa Paci që sheh nxënësit e shkollave 9 vjeçare të dialogojnë me punën e një artisteje bashkëkohore. Këtë vit nxënësit e shkollave “Ismail Qemali” e “Miqësia”, kanë punuar për një periudhë gjashtë mujore në dialog me veprën e artistes Claudia Losi dhe punimet e tyre do të shfaqen në Galerinë Oda me datë 7 në ora 17.00.

Ish Konsullata Italiane në Shkodër do mirëpresë një program të kuruar nga Ajola Xoxa me tri vepra në video të Anri Salës, Anna Ehrenstein dhe Lek M. Gjeloshit.

Një seri bisedash e takimesh do të shoqërojne ditët e festivalit ku veçojmë prezantimin e Pavjonit shqiptar në Biennalen e Venecias me protagoniste artisten Iva Lulashi dhe kuratorin Antonio Grulli i cili do mbahet në Qendrën Rinore Arka me datë 6 Qershor, ora 16.00. /Konica.al/KultPlus.com

Java e Kulturës Italiane, nis edicioni i tetë i “Albania International Guitar Festival”

Posted on by Kult Plus

Albania International Guitar Festival e hapi mbrëmë siparin e edicionit të tetë, duke vijuar me aktivitete të shumta përgjatë gjithë muajit.

Festivali u hap me artistin italian, Roberto Tascini, koncerti i të cilit u zhvillua në Liceun Artistik, salla “Tonin Harapi”, në kuadër të Javës së Kulturës Italiane në Shqipëri. Prej më shumë se 20 vjetësh ai interpreton si solist, solist me orkestër dhe në ansambël (EONGuitarQuartet, DuoPorto), në më shumë se 300 koncerte në 20 vende të ndryshme.

Diplomuar në Universitetin e Bolonjës për Ruajtjen e Trashëgimisë Kulturore, si dhe në kitarë dhe arsim muzikor, Tascini në vitin 2005 u bë “Mjeshtër i Artit” në kitarë, duke arritur shkëlqyeshëm “Konzertdiplom” në Musikhochschule në Luzern-Zvicër. Aktualisht është profesor i kitarës në Konservatorin G.Rossini në Pesaro-Itali.

Do të jenë gjithsej tetë artistë ndërkombëtarë nga Italia, Austria, Gjermania, Spanja dhe Holanda të cilët do të zhvillojnë koncerte në Tiranë, Berat, Rubik e Shkodër. Masterclass-e, workshop-e dhe aktivitete të tjera do të organizohen nga artistët e ftuar./atsh/KultPlus.com

Ekspozita e Parë e Pop Artit në Shqipëri, shfaqen 39 vepra origjinale të artistit amerikan Andy Warhol

Posted on by Kult Plus

Vjen për herë të parë në Ballkan dhe për publikun shqiptar një ekspozitë e Pop Artit Amerikan me 39 vepra origjinale të artistit amerikan Andy Warhol.

Këto vepra do t’i prezantohen publikut në ambientet e Galerisë së Artit Tiranë, nga data 5 qershor 2024 deri më 5 gusht 2024.

Warhol është një figurë emblematike e skenës së artit amerikan në shekullin XX dhe përfaqësuesi më tipik i Pop Artit.

E vendosur në të tri sallat e GAT, kjo ekspozitë prezanton jo vetëm disa vepra shumë të njohura e më shumë të riprodhuara – siç janë tetë serigrafi, edicioni i dytë, (Edicioni.250) i MARILYN MONROE (MARILYN), 1967, apo CAMPBELL’S SOUP (KANAÇJA E SUPËS ‘CAMPBELL’), 1970 serigrafi, edicioni i dytë – por përfshin edhe disa edicione të rralla, siç është: seria LADIES AND GENTLEMEN (ZONJA DHE ZOTËRINJ), me tetë serigrafi të vitit 1975 (Edicioni 125) dhe seria SPACE FRUIT: STILL LIFE (FRUTA HAPËSINORE: NATYRË E QETË), 1979, me gjashtë serigrafi, edicion i veçantë (Edicioni 30).

Ekspozita përfshin edhe serinë me gjashtë serigrafi SPEEDSKATER (SKIATORI), 1979, një edicion i veçantë (Edicioni 30) i lindur nga Projekti i Artit të Lojërave Olimpike në Sarajevë, 1972, i nisur nga vetë Lazo Vujić dhe gruaja e tij, Živa Škodlar Vujić, të cilët bënë bashkë 18 artistë botërorë si Mimmo Paladino, Michelangelo Pistoletto, David Hockney, James Rosenquist, Giuseppe Santomaso, Gabrijel Stupica, Cy Twombly dhe Andy Warhol për të krijuar vepra që përshkruajnë frymën e Lojërave Olimpike.

Koleksioni i ofron publikut të shohë nga afër vepra të Andy Warhol, të cilat fituan një status ikonik dhe gëzuan popullaritet dhe sukses komercial të jashtëzakonshëm, duke vënë theksin në vepra artistike që në të vërtetë jepnin një portret satirik dhe kritik të stilit të jetesës dhe vlerave amerikane./atsh/KultPlus.com

63 vite nga vdekja e Carl Gustav Jung, psikanalisti i shquar zviceran

Posted on by Kult Plus

Carl Gustav Jung lindi në Kesswil në Liqenin e Konstancës (Zvicër) më 26 korrik 1875. Biri i një pastori protestant, mori një diplomë në Mjekësi dhe në vitin 1900 u bashkua me spitalin psikiatrik të Zyrihut. Përmes studimeve mjekësore ai i afrohet psikiatrisë.

Për disa vite ai është një nga nxënësit e preferuar të Sigmund Freud, e cila e afron atë me psikoanalizën. Jung bëhet një përkrahës i fuqishëm i teorive të mjeshtrit, megjithatë shumë shpejt shfaqen dallime midis dy personave, thellësisht të ndryshëm në karakter.

Në vitin 1912 – me botimin e librit të tij “Transformimet dhe simbolet e dëshirës seksuale” – marrëdhënia mes Jung dhe Freud ndërpritet. Zvicra filloi të elaboronte një teori të re, më vonë të quajtur psikologji analitike, e cila në krahasim me teoritë frojdiane karakterizohet nga një hapje më e madhe ndaj elementeve joracionalë të psikikës.

Jung është një person me një kulturë të madhe: ai studion thellësisht temat mitologjike, letrare dhe fetare të të gjitha kohërave dhe të të gjitha vendeve. Ai udhëton shumë: që nga viti 1920 ai ka vizituar Afrikën, Indinë dhe Amerikën e Veriut. Në 1921 ai botoi ese “llojet psikologjike”. Gjatë udhëtimeve të tij ai erdhi në kontakt me popullsi të shumta, mitet, ritualet, zakonet dhe traditat e të cilit ai studioi. Përveç vetëdijes personale të individit, Jung është i bindur se ka edhe një pavetëdijë të përbashkët të njerëzve të të gjitha kohërave. Përmbajtja e kësaj pavetëdije kolektive, gjatë shekujve do të shprehej në imazhe, mite dhe besime fetare që ai gjen, në mënyrë identike, në kulturat e njerëzve nga periudha dhe vende të ndryshme.

Në teoritë e tij archetypes – të cilat ai e quan “imazhe origjinale” – luajnë një rol themelor. Arketipet janë përmbajtje të pandërgjegjshme që veprojnë si prodhuesit dhe organizatorët e përfaqësimeve: një lloj modeli i pranishëm në një mënyrë të lindur në psikikën e qenies njerëzore.

Në vitin 1930 ai u emërua president nderi i “Shoqërisë Gjermane të Psikoterapisë”; pas ardhjes së nazizmit (1933) ai nuk dha dorëheqjen, por punoi me Hermann Göring, deri në vitin 1940, për të riorganizuar kompaninë.

Për të udhëtuar dhe për të zhvilluar psikologji analitike, Jung kombinon një aktivitet terapeutik intensiv, i cili zhvillohet pranë Zyrihut. Këtu themeloi një institut që mban emrin e tij (Carl Gustav Jung Institut): ai ndërtoi një kullë, një simbol të strehimit dhe meditimit. Ai mëson teorinë dhe metodat e asaj që, për ta dalluar atë nga psikoanalizmi frojdian, tani përkufizohet si “psikologji analitike”.

Në vitin 1944 ai botoi “Psikologji dhe alkiminë”, por në të njëjtin vit ai pësoi një aksident, frakturë dhe një sulm të mëvonshëm në zemër. Në koma, ai ka një përvojë para vdekjes, të cilën pastaj do ta përshkruajë në tekstin autobiografik “Kujtime, ëndrra dhe reflektime”. Më 1952 ai botoi shkrime të rëndësishme mbi “teorinë e sinkronizmit”.

Duke filluar nga vitet 1940, ai po ashtu merrej me një fenomen të ri, i cili po intensifikohej gjithnjë e më shumë, veçanërisht pas përfundimit të Luftës së Dytë Botërore: ufologjia.

Pas një sëmundje të shkurtër, ai vdiq më 6 qershor 1961, në shtëpinë e tij të liqenit në Bollingen. / KultPlus.com

Kalaja e Gjirokastrës, ndalesa “e detyrueshme” e turistëve

Posted on by Kult Plus

Kalaja e Gjirokastrës është një ndalesë e përhershme për vizitorët e qytetit të gurtë. Falë vlerave historike dhe arkitektonike që mbart kështjella, vizitorët vendas e të huaj e konsiderojnë monumentin më të preferuar për të qenë në listën e vendeve për t’u parë.

Statistikat e publikuara së fundmi nga Drejtoria Rajonale e Trashëgimisë Kulturore Gjirokastër, flasin qartazi për këtë preferencë. Numri i vizitorëve në Kalanë e Gjirokastrës për muajin maj arriti në 31,665 vizitorë. Krahasuar me të njëjtin muaj të një viti më parë, kjo shifër rezulon 59% më e lartë, ose 11,751 vizitorë më shumë se gjatë të njëjtës periudhë në vitin 2023.  Ndërsa krahasuar me muajin maj të vitit 2022 u regjistruan 21, 775 vizitorë më shumë.

Kalaja është simboli i qytetit të Gjirokastrës, i cili përmendet për herë të parë si qytet dhe kështjellë në vitin 1336. Megjithatë historianë të ndryshëm mendojnë së ekzistenca e Kalasë së gurtë është më e hershme. Kulmin e historisë së saj kjo kështjellë do ta kishte në periudhën e Pashallëkut të Janinës, kur Ali Pashë Tepelena do të realizonte një sërë ndërtimesh të reja apo ndërhyrje të tjera, duke i dhënë Kalasë së Gjirokastrës fizionominë arkitektonike dhe ndërtimore që ka sot.

Mjediset e Kalasë kanë shërbyer edhe për organizimin e koncerteve, spektakleve dhe panaireve të ndryshëm kulturorë. Kalaja e gurtë është edhe një prej pikave më tërheqëse në guidat e grupeve turistike vendase dhe të huaja që vizitojnë Gjirokastrën e mbrojtur nga UNESCO./atsh/KultPlus.com

“Kujtesa për Skënderbeun”, ekspozohen 37 libra të koleksionistes Patricia Nugee

Posted on by Kult Plus

“Java e Bibliotekës në Kosovë” nisi javën e kaluar me temën transformimi i bibliotekave në vend.

Në Bibliotekën Kombëtare u hap edhe ekspozita “Kujtesa për Skënderbeun” e koleksionit të Librave Antikuar të koleksionistes së njohur britanike, Patricia Nugee, ekspozitë kjo e cila 3 ditë më pare u çel edhe në Tetovë.

Zonja Nugee u shpreh mirënjohëse dhe shumë e lumtur që iu dha rasti ta ekspozojë koleksionin e librave për Skënderbeun në Tetovë e Prishtinë.

Në këtë ekspozitë u ekspozuan 37 libra të botuar në mes të shekujve XVI dhe XVIII në Romë, Augsburg, Strasburg, Venedik, Frankfurt, Londër, Lisbonë dhe Madrid, Paris, Amsterdam, Brescia, Edinburg, Napoli, Stokholm dhe Danimarkë./atsh/KultPlus.com

Maratona “run4autism” në Parkun e Liqenit Artificial

Posted on by Kult Plus

Në Parkun e Liqenit Artificial u zhvillua mëngjesin e sotëm një maratonë prej 5 kilometrash, kushtuar kauzës së ndërgjegjësimit ndaj ç’rregullimeve të spektrit autik.

Kjo maratonë është e organizuar dhe ideuar nga organizata jofitimprurese “Progetto Filippide”, si një garë jokonkurruese ku të gjithë pjesëmarrësit u mblodhën në solidaritet në këtë event sportiv.

Veprimtaria “Run4Autism”, erdhi në kuadër të Javës së Kulturës Italiane, promovuar nga Ambasada e Italisë në bashkëpunim me Bashkinë e Tiranës. I pranishëm ishte edhe kryebashkiaku i Tiranës, Erion Veliaj.

Në këtë ditë kushtuar sportit, miqësisë e solidaritetit, atletë, të rinj, nxënës shkollash e veçanërisht edhe familjarë të personave autikë, vrapuan së bashku për një të ardhme më të mirë. Kjo maratonë për rreth 5 km, u krye me qëllim sensibilizimin ndaj çështjes së autizmit duke vënë theksin edhe tek rëndësia që ka sporti si një mjet për gjithpërfshirjen sociale./atsh/KultPlus.com

100-vjetori i rizbulimit të Butrintit, tradita e arkeologjisë italo-shqiptare

Posted on by Kult Plus

Butrinti vijon të jetë protagonisti i madh i Javës së Italisë. Pas spektaklit të baletit bashkëkohor në amfiteatrin e Parkut Arkeologjik, u mbajt edhe konferenca “Butrinti Njëqind. Një traditë aktuale e arkeologjisë italo-shqiptare”, për nder të arkeologut të njohur Luigi Maria Ugolini, me rastin e njëqindvjetorit të misionit që çoi në rizbulimin e Butrintit.

Konferenca u zhvillua në mjediset e Muzeut Arkeologjik Tiranë, ku ishin të pranishëm arkeologë, studiues, botues, përfaqësues të Institutit Italian të Kulturës e të tjerë.

Prej vitesh në Shqipëri organizohen ekspedita arkeologjike nga një grup i përbashkët italo-shqiptar. Në këtë konferencë u prezantua libri i Luigi M. Ugolini “Butrinti, Miti i Eneas-Gërmimet”, i përkthyer në shqip.

Konferenca u organizua nga Instituti Italian i Kulturës në bashkëpunim me Ambasadën Italiane në Tiranë, Departamentin e Historisë Kulturave Qytetërimeve, Seksionin e Arkeologjisë pranë Universitetit të Bolonjës, Ministrinë e Ekonomisë, Kulturës dhe Inovacionit, si dhe Muzeun Arkeologjik Tiranë.

Instituti Italian i Kulturës me këtë rast, u shpreh se përfitojnë nga rasti për të festuar rizbulimin e Butrintit dhe fillimin e një bashkëpunimi arkeologjik mes Italisë dhe Shqipërisë, në këtë 100-vjetor të udhëtimit të parë eksplorues të arkeologut italian Luigi Maria Ugolini në Shqipëri./atsh/KultPlus.com

Aktorja e njohur Angelina Jolie feston sot ditëlindjen e 49-të

Posted on by Kult Plus

Angelina Jolie lindi më 4 qershor 1975 në Los Angeles, Kalifornia, lindur si Angelina Voight. Është një aktore amerikane, kineaste dhe humanitare. Bijë e  aktorit Jon Voight dhe aktores Marcheline Bertrand. Përfituesja e akordimeve të shumta, përfshirë një çmim Akademie dhe tre çmime Golden Globe, ajo është cilësuar shumë herë aktorja më e paguar në Hollywood.

Jolie e filloi karrierën duke vepruar me zell për një dekadë me një film me buxhet të ulët prodhimi. Roli i parë që ka luajtur si protagoniste ishte në filmin Hackers.

Ajo u vlerësua nga kritikët për mënyrën e paraqitjes në filmin biografik dhe fitoi një Academy Award for Best Supporting Actress për performancën e saj në filmin Girl Interrupted.

Jolie ka arritur famën e saj më vonë në një film portretizues të një video loje si personazh heroik me emrin (Lara Croft) në Lara Croft: Tomb Raider dhe që atëherë e ka ngritur veten si një prej aktoreve më të mirënjohura dhe më të paguara në Hollywood.

Ajo ka pasur sukseset e saj më të mëdha komerciale me filmin aksion-komedi Mr. & Mrs. Smith dhe filmin e animuar Kung Fu Panda. / KultPlus.com

109 vite nga lindja e skulptores së parë shqiptare

Posted on by Kult Plus

Më 4 qershor 1915, në Kavajë lindi Kristina Koljaka-Hoshi, skulptorja e parë shqiptare.


Sot 106, vite nga lindja e skulptores Kristina Koljaka-Hoshi. Kristina ishte skulptorja e parë shqiptare e diplomuar në Akademinë e Romës, në atelienë e prof. D’Angelo Xaneli.

Ajo vdiq më 21 tetor të viti 2005, në moshën 90-vjeçare në Çikago./ KultPlus.com

65 vite nga ceremonia e parë për ndarjen e çmimeve Grammy

Posted on by Kult Plus

Sot 65 vite më parë, është mbajtur për herë të parë ceremonia e ndarjes së çmimeve muzikore Grammy Award, shkruan KultPlus.

Çmimet Grammy (të stilizuara si GRAMMY), ose thjesht të njohura si Grammy, janë çmime të paraqitura nga Akademia e Regjistrimit të Shteteve të Bashkuara për të njohur arritjet “të jashtëzakonshme” në industrinë e muzikës.

Grammy Award është një çmim muzike që nga viti 1957 jepet çdo vit në gjithsej 108 kategori për artistët më të dalluar, drejtues të prodhimit dhe teknikë akustik.

Këto konsiderohen si çmimet më prestigjioze dhe më të rëndësishme në industrinë e muzikës në mbarë botën. Ata u quajtën fillimisht Gramophone Awards, pasi trofeu përshkruan një gramafon të praruar. Grammy është i pari nga çmimet kryesore muzikore të tre rrjeteve të mëdha që mbahen çdo vit, dhe konsiderohen si një nga katër çmimet kryesore vjetore amerikane të argëtimit, së bashku me Çmimet e Akademisë (për filma), Çmimet Emmy (për televizionin) , dhe çmimet Tony (për teatër).

Ceremonia e parë e çmimeve Grammy u mbajt më 4 maj 1959, për të nderuar arritjet muzikore të interpretuesve për vitin 1958. /KultPlus.com

Kryeministri Kurti takohet me shkrimtarin Orhan Pamuk në Stamboll

Posted on by Kult Plus

Kryeministri i Kosovës, Albin Kurti, përmes një postimi në rrjete sociale ka njoftuar se gjatë një vizite në Stamboll është takuar me shkrimtarin e njohur Orhan Pamuk.

“Në fillim nuk i besova doktorit Bilgin Sait, që shkrimtari Orhan Pamuk po më fton për darkë. Gjersa afrohej mbrëmja, minutat më dukeshin të gjata porsi orët, ndërkaq tri orë e gjysmë me të më ikën porsi minutat. Në restoranin Sur Balık-Cihangir të lagjes Beyoğlu në Stamboll temat e bisedës ndërroheshin më shpesh se pjatat mbi tryezë”, ka shkruar Kurti.

Tutje, ai është shprehur se artisti Orhan Pamuk, i cili është fitues i çmimit Nobel për letërsi në vitin 2006, ka një dashamirësi spontane dhe vëmendje të frikshme si dhe është aq shumë i interesuar për Kosovën, shqiptarët dhe Ballkanin.

“Nder që nuk e shpjegoj, kënaqësi që nuk e përshkruaj”, ka shkruar Kurti në fund.

“Rrethimi i Kostandinopolit”, ndër ikonat më të veçanta të fondit të Muzeut “Onufri”

Posted on by Kult Plus

Në Muzeun Ikonografik “Onufri” gjendet një ikonë e veçantë e titulluar “Rrethimi i Kostandinopolit”. Qendra Kombëtare e Muzeumeve Berat tregon se ikona është gjetur rastësisht para shumë vitesh, në hapësirat e Kishës së Ungjillëzimit në Kalanë e Beratit. Autori është anonim dhe krijimi i ikonës i përket një periudhe kohore mes shekujve XVI – XVII. Edhe pse në gjendje të dëmtuar ajo i është nënshtruar ndërhyrjeve konservuese përgjatë viteve.

Sinteza ikonografike në pjesën e sipërme paraqet një stilizim shumë të detajuar e të pasur artistikisht. Mbizotëron arkitektura urbane e religjoze e kryeqytetit të Bizantit ku dallohen dhe grupime figurash njerëzore që identifikohen lehtë si besimtarë, mbretër e udhëheqës fetarë. Skena i referohet një rrethimi të vitit 626 nga persët dhe avarët.

Nga elementë të veshjes dallohet patriarku i kohës Sergi dhe perandori bizantin Herakli. Patriarku i shoqëruar nga klerikë të lartë që mbajnë në proçesion ikonën mrekullibërëse të Virgjëreshës përqark mureve rrethuese, si një akt mbrojtës i praktikuar në shekuj gjatë rrethimeve ushtarake të Kostandinopolit./atsh/KultPlus.com

“NZ Herald”: Pse Shqipëria është kthyer në një destinacion turistik kaq popullor?

Posted on by Kult Plus

Plazhe mahnitëse, shumë aktivitete emocionuese në natyrë dhe vendas miqësorë – kjo është arsyeja pse Shqipëria po bëhet një nga destinacionet më të mira të Evropës për pushime familjare, shkruan Emily-Ann Elliott në një artikull të botuar në “NZ Herald”, revista javore e Zelandës së Re.

Eksperiencën time të parë në Shqipëri e përjetova së bashku me dy fëmijet e mi. Ky ishte fillimi i lidhjes së dashurisë së familjes sime me Shqipërinë, me të vërtetë një nga vendet më miqësore në të cilat kemi udhëtuar ndonjëherë.

Ne sapo jemi kthyer nga një vizitë e dytë në Shqipëri – ku fëmijët e mi, tani 3 dhe 6 vjeç, patën mundësinë të shijonin një mëngjes tradicional me petulla, të shërbyer nga pronarët e bujtinës, u prezantuan me qentë, macet dhe dhitë e familjes dhe u pritën me krahë hapur në një nga restorantet më të mira të vendit.

Mëngjesi tradicional në Shqipëri, Petulla, një ushqim që duhet provuar më patjetër

“Shqiptarët i vlerësojnë fëmijët. Fëmijët tuaj do të marrin trajtim VIP kudo që shkojnë”, tha Emma Heywood, pronarja e “Undiscovered Balkans”, e cila sapo ka nisur pushimet familjare në Shqipëri (për herë të dytë), pas një rritje të kërkesës për udhëtime në vendin mesdhetar.

“Këtë vit, ne kemi parë një numër rekord kërkesash dhe rezervimesh nga familjet e etura për të eksploruar Shqipërinë dhe më gjerë në Ballkan. Prindërit tani duan t’i ndajnë përvojat aventureske me fëmijët e tyre”, tha ajo.

E vendosur mjeshtërisht mes pikave turistike të Greqisë dhe Malit të Zi, Shqipëria po kalon më në fund po bëhet më popullore.

Pas disa vitesh e izoluar nga pjesa tjetër e botës – nën regjimin komunist të Enver Hoxhës-Shqipëria po shfaqet si destinacioni më i dashur i Ballkanit.

Viti i kaluar ishte viti më i ngarkuar i turizmit në Shqipëri deri më sot, me më shumë se 10 milionë vizitorë ndërkombëtarë.

Megjithatë, ndërsa vendi më parë tërhiqte udhëtarë dhe çifte, tani po rritet në popullaritet dhe po frekuentohet nga turistët familjarë.

Nga fshati përrallor i Thethit në Alpet Shqiptare në veri deri te ishujt magjepsës të Ksamilit në jug, është një shesh lojrash si për fëmijë ashtu edhe për të rritur.

Lart në alpe, të njohura edhe si Bjeshkët e Nemuna, ju mund të shijoni ajrin e freskët.

Të dizenjuara për praktike për t’i bërë ballë reshjeve të dendura të borës së dimrit, kabinat me çati prej druri në të cilat qëndruam dukeshin si piktura nga një libër tregimesh.

Thethi në Alpet Shqiptare, i quajtur edhe Bjeshkët e Nemuna për shkak të peizazhit dramatik malor dhe të thyer

“Në të kaluarën, dikur ishin kryesisht beqarë ose çifte me çanta shpine që bënin vizita. Por gjatë viteve të fundit, kanë filluar të vijnë më shumë turiste familjare”, tha Vlora Polia, e cila prej 15 vitesh drejton “Bujtinën Polia” në Theth.

Ne ecëm deri në lagunën e Syrit të Kaltër, duke pyetur veten nëse ishim në “një set filmi” ndërsa hodhëm shikimin tonë në një burim me ujëra blu si pallua, përpara se të bërtisnim nga kënaqësia e ujit të ftohtë që freskonte këmbët tona, ende të nxehta nga udhëtimi.

Shqipëria është e njohur për lagunën e saj mahnitëse Syri i Kaltër, një burim natyror me ujëra të pastër kristal, blu si pallua

Shqipëria ofron një ndërthurje unike të bukurisë mahnitëse natyrore, me ndikime nga qytetërimet ilire, greke, romake, bizantine dhe osmane.

Ju mund të eksploroni brenda një dite qytetet e lashta si Berati, Gjirokastra dhe Kruja.

Qyteti antik i Beratit, një vend i trashëgimisë botërore të UNESCO-s, i famshëm për arkitekturën otomane të ruajtur mirë

Edhe kryeqyteti i Shqipërisë, Tirana pasqyron ndjenjën e gjallë të një vendi në prag të ndryshimit.

Shumë prej ndërtesave të saj ish-komuniste janë pikturuar me murale të mëdha si rezultat i një skeme të kryeministrit Edi Rama, i cili ishte një artist.

Ka shumë hapësira të gjelbra dhe familjarët mund të ngjiten në malin e Dajtit me teleferik për të shijuar pamjen e qytetit dhe parkun më piktoresk që kanë vizituar ndonjëherë.

Të rinjtë aktivë mund të kryejnë një mori aktivitetesh të mbushura me adrenalinë; nga vozitja në liqenin e Shkodrës deri tek rafting në ujërat e kanioneve të Osumit dhe jet skiing në plazhet e Rivierës.

Kryeqyteti i Shqipërisë, Tirana, paraqet murale të gjalla në ndërtesat e ish-komunistëve, një projekt i udhëhequr nga kryeministri dhe artisti Edi Rama

Për turistët e rinj, çdo ditë ndihet si një aventurë. Nga eksplorimi i qosheve të fshehura të zonës së trashëgimisë botërore të UNESCO-s të Butrintit, rrënojat e lashta të rrethuara nga pyjet dhe kënetat, deri në udhëtimin me varkë në liqenin e Komanit të rrethuar nga të dyja anët nga male të larta.

Liqeni i Komanit në Shqipëri, shpesh i krahasuar me fjordet norvegjeze,  perfekt për udhëtime piktoreske me varkë të rrethuar nga male të larta

Shqipëria ofron plot resorte plazhi gjithëpërfshirëse përgjatë bregdetit nga Saranda në Ksamil.

Deti Jon është i ngrohtë dhe i sigurt për të notuar dhe restorantet buzë detit ofrojnë levrek deti të sapokapur, të gatuar mbi qymyr të nxehtë dhe tasa të mëdhenj me midhje të zjera.

Gjithashtu, ka kaq shumë detaje të vogla që e bëjnë më të lehtë udhëtimin familjar. Nga dhomat familjare, të përshtatshme për deri në pesë persona, deri te ngrënia e stilit lokal në restorante ku fëmijët nxiten të provojnë ushqime të reja.

Te “Mrizi i Zanave”, një nga restorantet më të mira të vendit dhe i preferuari i këngëtares Dua Lipa, breza të ndryshëm mblidhen rreth tavolinave të mbuluara me mbulesa të bardha dhe gota vere për të folur, qeshur dhe festuar me njeri-tjetrin.

Vija bregdetare e detit Jon në Shqipëri, është shtëpia e plazheve të bukura dhe miqësore si Ksamili/atsh/KultPlus.com