Ish Presidentja e Kosovës, Atifete Jahjaga, po e vazhdon lobimin e saj për të dhunuarit gjatë luftës. Kësaj rradhe ajo ka qenë në Islandë për të debatuar për këtë problem shkruan KultPlus.com

“Sot në Forumin Global Grave Lidere në Reykjavik, Islandë në vazhdimësi të lobimit tim për të mbijetuarit e dhunës seksuale gjatë luftës, diskutova për rëndësinë e trajtimit të kësaj kauze, në mënyrë që të arrihet një paqe më e qëndrueshme”, ka shkruar Jahjaga në Facebook.

Tutje, ajo ka thënë se kjo temë duhet të jetë në krye të prioriteteve.

“Inkuadrimi i të të mbijetuarve të dhunës seksuale gjatë luftës, posaçërisht grave, në agjenda të paqes dhe sigurisë është rrënjësor në procese që do të jenë më jetëgjatë”.