Filmi i metrazhit të shkurtër ‘pa/maskuar’, i lulia Enkelanës, është përzgjedhur në garën zyrtare, në seksionin ‘metrazhe të shkurtër eksperimental’ në Festivalin Ndërkombëtar të Filmit në Tiranë, përcjellë KultPlus.

Sipas portali kulturor rumun Agenția de Carte, filmi është një metaforë e rrjedhës së kohës në përpjekje për të njohur dhe për t’u njohur, për të provuar maska dhe ëndrra, por sidomos për të mos hequr dorë nga fëmijëria. Jo të gjitha maskat janë të dëmshme; jo çdo fshehje e lëvizjeve të shpirtit është negative.

Rolin e protagonistes e luan Alida-Marena Kyçyku, ndërsa muzika është kompozuar nga Philip Landini (SHBA).

“Ke përshtypjen sikur të gjitha kërkimet e vetmisë së një vajze marrin fund kur unazat që ka ëndërruar i rrinë përsosur në gishta, – shkruhet në paraqitjen e filmit. Por atëherë zënë fill kërkimet, nganjëherë në të kaluarën, e një gruaje”, thuhet në njoftim.

E lindur në Bukuresht, Iulia Enkelana është autorja e disa filmash të metrazhit të shkurtër dhe esesh pamore, e një pjese teatri, e disa prozave të shkurtra dhe e albumeve ‘eyeland‘ (vizatime) dhe ‘do you remember your first loneliness?’ (fotografi).

Festivali Ndërkombëtar i Filmit në Tiranë (Tirana International Film Festival / TIFF Tirana), u themelua në vitin 2003 dhe vlerësohet si një nga evenimentet më të rëndësishme në Shqipëri. Ky festival drejtohet nga Agron Domi./ KultPlus.com