Blerim Peci, një prej komedianëve më të njohur në Kosovë, ka ndërruar jetë.

Lajmi sot ka tronditur komunitetin artistik i cili është i shokuar me ndodhinë.

Peci ka qenë i njohur sidomos kur luante në programin ‘Show Meselation”, bashkë me Fehmi Feratin.

Ai ishte i pranishëm edhe në emisionin “Vikendi” në Radio Televizionin e Kosovës, aty ku me batutat e tij ka bërë njerëzit të qeshin e ti harrojnë problemet e tyre.

Një nga pjesët më të pëlqyera të këtij emisioni ishte “Udhëtimi në kohë”, në të cilin aktori i ndjerë luante rolin e një burri të përkushtuar, ku bënte një krahasim interesant duke na dërguar deri në vitet e 60-ta dhe pastaj të kthente në realitetin në të cilin jetojmë, me aktoren Xhejlane Tërbunja krahas tij.

Po i sjellim këtu disa incizime të pjesëve qesharake ku luante Peci.

Nuk është konfirmuar ende cili është shkaku i vdekjes së Pecit, ndërsa ai ka qenë i martuar dhe ka dy fëmijë. / KultPlus