Një ekspozitë që tregon për jetën dhe muzikën e këngëtares së mirënjohur, Amy Winehouse, do të mbahet në muzeun e Londrës, përcjell KultPlus.

The Guardian ka shkruar se në muzeun e dizajnit në Londër me 26 nëntor të këtij viti do të hapet ekspozita e parë retrospektive për jetën dhe karrierën e këngëtares. Pjesë e ekspozitës do të jenë edhe disa nga gjërat e Amy-t që do të shfaqen për herë të parë, si kitarja e saj elektrike, letra me shënime dhe rroba.

Priya Khanchandanti, drejtoreshë kuratorale në Muzen e Dizajnit shprehet se ekspozita do të fokusohet në talentin dhe suksesin e Amy-it, përfshirë edhe stilin e saj unik. Ajo u shpreh se mediat shpesh fokusohen në imazhin negativ të Amy-t, ku ndër të tjera thotë: ‘Ka diçka që ka mbetur pa u treguar për Amy-n dhe për të si muzikante serioze-mënyra se si ajo është portretizuar në media me të vëtetë ka ndikuar negativisht në imazhin e saj. Ka shumë zhurmë rreth jetës se saj dhe unë jam munduar të hedh në dritë historinë e duhur, përcjell tutje KultPlus.

”Amy: Beyond the Stage” është ndër eventet kultorore më të rëndësishme që shënon 10 vjetorin e vdekjes së këngëtares dhe vjen pas shfaqjes së dokumentarit nga BBC të titulluar Reclaiming Amy, i cili shfaq perspektivën e familjes së këngëtares.

Shtëpia autoriale për Amy-n është po ashtu duke punuar për të sjellë këngët e hershme të këngëtares për publikun si dhe një shfaqje muzikore dhe një film biografik. / KultPlus.com