Në kuadër të kurimit të së shkuarës, Autoriteti për Informim mbi Dokumentet e ish-Sigurimit të Shtetit ka deklasifikuar dosjen e Xhaferr Devës.

AIDSSH njofton se dosja e Xhaferr Deva hapur nga Sigurimi i Shtetit në kohë të diktaturës komuniste është e hapur për studiuesit.

Më 29.06.1973,  Drejtoria III e Sigurimit të Shtetit hapi dosjen formularë për shtetasin Xhaferr Deva dhe nisi përpunimin aktiv  në kategorinë 2/A, në të cilën përfshihen dokumente zyrtare që prej vitit 1943 e deri në vitin 1978, ku ai vdiq nga ataku në zemër.

Fashikulli nr. 1225 për shtetasin Xhaferr Deva është deklasifikuar dhe mund të vihet në dispozicion të familjarëve, studiuesve dhe medies./I.Vata/ KultPlus.com