Eliza dhe Nate Dushku kërkojnë ndihmë nga publiku për filmin e ri “Mapplethorpe” të cilin janë duke e realizuar, shkruan KultPlus.

Aktorja shqiptare Eliza Dushku dhe vëllai i saj Nate Dushku kanë bashkuar forcat që të realizojnë një film mbi fotografin e njohur amerikan Robert Mapplethorpe. Filmi nën direktimin e Ondi Timoner, dedikuar njërit nga fotografët më kontraverzial në historinë Amerikane ka qenë duke u realizuar si një iniciativë plotësisht vetjake. Mirëpo tani ekipi i filmit ka kërkuar ndihmë edhe nga publiku, një ndihmë të tillë e ka kërkuar edhe aktorja shqiptare Eliza Dushku.

Eliza Dushku në rrjetin e saj social Facebook ka ndarë një shkrim ku ka kërkuar nga të gjithë që t’i bashkohen ekipit të filmit “Mapplethorpe”, duke ndihmuar kështu që ky film të realizohet.

“Jam shumë e emocionuar që të ju lajmërojë që jemi tubuar që të realizojmë një kampanjë për mbledhjen e parave në Indiegogo për filmin “Mapplethorpe” gjatë javë në vazhdim”, ka shkruar ajo.

Fotografi Mapplethorpe ishte i njohur për fotografitë e tij bardhë dhe zi që paraqesin një koleksion të gjerë temash nga vetë-portrete dhe lulet deri të ato nudo dhe BDSM. Ai vdiq nga SIDA në moshën 42 vjeçare./ KultPlus.com