Festa e dhjetë vjetorit të pavarësisë së Kosovës ka bërë që edhe aktorë, këngëtarë e artistë të të gjitha profileve të urojnë qytetarët e Kosovës.

Arta Dobroshi, aktorja e njohur për të cilën jemi krenarë duke llogaritur sukseset e saj të vazhdueshme në kinematografi, ka uruar shqiptarët në Twitter.

What an amazing feeling to walk freely in the streetsof Kosova&see people children enjoying peace,something which before we didn't have,we were in a constant state of fear. Today we celebrate our independence day.We are amazing people.I wish for everyone in this planet to be free

— arta dobroshi (@artadobroshi) February 17, 2018

Dobroshi, e cila u ngjit para disa vitesh në Festivalin e Kanës, ka thënë se është ndjenja e jashtëzakonshme të ecës në rrugët e Kosovës, në liri.

“Çfarë ndjenje e mirë të ecësh lirë në rrugët e Kosovës dhe të shohësh fëmijët në paqe, diçka që ne nuk e kemi pasur, sepse kemi jetuar në ndjenjë të vazhdueshme të frikës. Po e festojmë Pavarësinë. Jemi njerëz të mahnitshëm. Dëshiroj që ky planet të jetë vend i lirë për jetë, për të gjithë” ka shkruar Dobroshi në Twitter.

17 shkurti është shënuar dje me disa ngjarje, e një pjesë e ngjarjeve për të festuar pavarësinë vazhdojnë edhe ditëve tjera të shkurtit. / KultPlus.com