8 Shtator, 2022 - 12:09 pm
Kryeministri i Shqipërisë, Edi Rama, kishte njoftuar para disa javëve se kampionia olimpike nga Kosova, Distria Krasniqi, do të jetë pjesë e Ministrisë së Mbrojtjes dhe Forcave të Armatosura, shkruan KultPlus.
Përmes një njoftimi në rrjete sociale, Ministria e Mbrojtjes ka shpërndarë një fotografi të Krasniqit, duke shkruar se Ti ke forcën që nderon kombin’.
“Distria KRASNIQI, xhudistja e pamposhtur nga Kosova fitoi medaljen e artë në Lojërat Olimpike “Tokio 2020”. E para në botë në kategorinë deri në 48 kilogramë me 5,920 pikë. Distria, është pjesë e Ministrisë së Mbrojtjes dhe Forcave të Armatosura që nga viti 2021”, thuhet në postimin e tyre.
Ndërkaq, Krasniqi po bëhet gati edhe për Lojërat Olimpike 2024, që do të mbahen në Paris. /KultPlus.com
