Krijimet e disenjatorëve shqiptarë jo rrallë tërheqin vëmendje. Madje, shpesh yjet botërore janë paraqitur me krijime të disenjatorëve shqiptarë, paraqitje që janë pasuar më kritika pozitive, shkruan KultPlus.

Beyonce, duket sikur është një prej yjeve botërorë që i admiron disenjatorët shqiptarë.

Në videon e fundit për “Tiffany & Co”, Beyonce ka zgjedhur një krijim nga Lena Berisha, kreatorja e famshme nga Prizreni dhe padyshim që ka shkëlqyer me fustanin e argjendtë me gurë të çmuar.

Lena Berisha e ka shpërndarë videon e Beyonces duke shkruar: The Queen Beyoncé in Lena Berisha for Tiffany & Co.

Kjo nuk është hera e parë që Beyonce vishet nga një disenjatorë shqiptarë, pasi më heret ajo është parë edhe me krijimet e valdrin Sahitit dhe Kujta&Meri. / KultPlus.com