Poezi nga Entela Tabaku Sorman.

zgjohem në mëngjes dhe e vesh shpirtin
si teshë e zhveshun në dyshemenë e ftohtë
një natë ma përpara
ose më merr gjumi me tesha veshë
si shpirt i ftohtë në dyshemenë e zhveshun
një natë ma përpara
ose shpirti zgjohet në mëngjes dhe më ngre peshë
si teshë e zhveshun në dyshemenë e ftohtë
një natë ma përpara
ose e merr gjumi me mu veshë
në zhveshjen e teshtë të ftohjes së dyshemtë
në ftohjen e teshtë të zhveshjes së dyshemtë
sh
shshsht
shshshpirt!
sa e gjatë kjo natë
ma përpara!