Ministria e Kulturës, Rinisë dhe Sportit ka bërë të ditur se kanë filluar punimet për restaurimin e kullës së Idriz Hereqit në Kralan të komunës së Gjakovës, kullë kjo e cila është ndërtuar në shek. XIX-të.

MKRS po ashtu ka bërë të ditur se ruajtja dhe mbrojtja e aseteve të trashëgimisë kulturore vazhdon të jetë një ndër prioritetet e Ministrisë së Kulturës.

“Punimet do të vazhdojnë me kujdes, për ta kthyer këtë aset të çmueshëm në gjendjen e mëparshme”, thuhet në njoftimin e MKRS./ KultPlus.com