Java Kulturore e Izraelit çelet sot në Tiranë dhe do të vijojë deri më datën 13 qershor, me një diversitet aktivitetesh ku përfshihen koncerte, ekspozita, shfaqje filmash e deri tek shija e kuzhinës izraelite, që vjen përmes eventit dedikuar kulinarinë.

Ministri i Ekonomisë, Kulturës dhe Inovacionit, Blendi Gonxhja ndau në rrjete sociale imazhet e videos dedikuar promovimit të “Javsë Kulturore të Izraelit”, teksa shkroi se nga “data 9- 13 qershor një mundësi e veçantë për t’u zhytur në kulturën e pasur dhe të larmishme të Izraelit me një seri aktivitetesh fantastike”.

Shfaqje filmash, workshop-e artistike, performanca artistike, ekspozita dhe festë janë disa nga eventet që do të zhvillohen gjatë kësaj jave dedikuar kulturës së Izraelit.

Gonxhja ftoi qytetarët që ti bashkohen fetës dhe të përjetojnë magjinë e kulturës izraelite në të gjitha format e saj që do të krijojë kujtime të paharrueshme./atsh/ KultPlus.com