Dije Demiri-Frangu

Lirinë as buburreci s’ban me shkelë

Liria është e bukur

vetëm se çdoherë vjen e dërmuar e masakruar

dhe pa teshë në trup.

I ka do vragë, do plagë si kujtesa,

si faqet e historisë

e pastaj, ngadalë e bukur duhet dhënë krahët Lirisë,

sy të bukur e të prehët,

se i duhen

duhet dhënë djersët t’ i shërojë plagët,

rrobat më të bukura të njerëzisë t’ mos ngrinë e t’ mos djerësinë.

Duhet ruajtur t’ mos e shkel as buburreci,

është e ndjeshme

se Liria përjetësisht është foshnje,

një temperaturë e vogël mund t’ i shkaktojë meningetis.