Kryetari i Prishtinës, Përparim Rama sot ka takuar anëtarin e Këshillit të Industrive Krijuese të qeverisë së Mbretërisë së Bashkuar, John Newbigin, ku me këtë rast është shprehur se mundësi të mëdha bashkëpunimi në fushën e artit dhe kulturës mes Prishtinës dhe Londrës qëndrojnë përpara nesh.

Kryetari Rama ka bërë të ditur se fokus të veqantë iu dha mësimit nga përvojat e Londrës në zhvillimin e ekonomisë krijuese për të ndikuar dhe pasuruar jetën kulturore në qytete.

“Mundësi të mëdha bashkëpunimi në fushën e artit dhe kulturës mes Prishtinës dhe Londrës janë përpara nesh.

Konkretizimin e këtyre mundësive e diskutuam me anëtarin e Këshillit të Industrive Krijuese të qeverisë së Mbretërisë së Bashkuar dhe Kryetarin e Grupit Këshillimor për Arte dhe Ekonomi Krijuese të British Council, z. John Newbigin.

Me z. John Newbigin, folëm për shkëmbimin e iniciativave dhe ndërtimin e rrjeteve të bashkëpunimit përmes zonave të ndryshme (bashkësive lokale) të të dy vendeve nga ku mund të përfitojnë të dy palët”, thuhet në shkrimin e Ramës./ KultPlus.com