Papa Françesku ka thënë se demokracia nuk është në gjendje të mirë në shumë pjesë të botës.

Papa 87-vjeçar ishte për vizitë në qytetin verilindor të Triestes, që është udhëtimi i tij i katërt brenda Italisë në pak më shumë se dy muaj, derisa përgatitet për një udhëtim 12-ditor në Azi, që pritet të ndodh në shtator.

Duke folur për çështjet sociale në një konventë vjetore katolike romak, Papa Françesku tha se shumë njerëz ndihen të përjashtuar nga demokracia, shkruan Reuters, transmeton Klankosova.tv.

“Është evidente se demokracia nuk është në gjendje të mirë e në botën e sotme”.

Ai tha se “kriza e demokracisë” ka prekur kombe të ndryshme, por nuk dha ndonjë shembull specifik.

Papa po fliste në ditën kur Franca mban balotazhin e zgjedhjeve parlamentare, me tubimin kombëtar të ekstremit të djathtë (RN) që pritet të marrë pjesën më të madhe të votave, një muaj pasi partitë populiste shënuan fitore në zgjedhjet e Bashkimit Evropian.

“Të mos mashtrohemi nga zgjidhjet e lehta. Të jemi të pasionuar për të mirën e përbashkët”, është shprehur tutje ai.