Presidentja e Kosovës, Vjosa Osmani sot ka marrë pjesë në përurimin e Shtëpisë së Kulturës “Ukë Bytyqi” në Suharekë.

Përmes një postimi në Facebook, Presidentja Osmani ka thënë se të rinjtë e Suharekës do të kenë mundësi për të zhvilluar talente që do të nderonin shtetin dhe flamurin e Kosovës.

“Në këtë vend, e kaluara jonë, e cila personifikohet me jetën dhe veprën e Ukë Bytyqit, do të gërshetohet mrekullisht me të tashmen dhe të ardhmen e të rinjve tanë!

Tashmë, të rinjtë tanë do të kenë mundësi më të madhe për ta zhvilluar talentin e tyre, duke nderuar komunën, shtetin dhe flamurin e Kosovës!”/ KultPlus.com