Mbrëmjen e 25 Tetorit, në sallën “Koliqi” pranë Bibliotekës Publike “Marin Barleti” u mbajt ngjarja letrare “Letërsia, përtej…”

Në qendër të kësaj ngjarje ishte shkrimtari i mirënjohur Ridvan Dibra dhe shkrimtari i ri Andreas Dushi.

Aktiviteti ishte organizuar në formën e një bisede me të dy autorët, Dibra dhe Dushi. Lidhur me veprën letrare të këtyre autorëve folën poetja dhe studiuesja e re Klevisa Bardeli, shkrimtari Liridon Mulaj, shkrimtari dhe studiuesi Xhahid Bushati.

Në mbyllje të takimit, Biblioteka Publike “Marin Barleti” dorëzoi çmimet: “Koliqi” Çmimi i Karrierës, për shkrimtarin Ridvan Dibra dhe “Koliqi” Çmimi për Shkrimtarin e Ri, Andreas Dushit. Këto çmime u bënë të mundura me mbështetjen e zotëri Admir Lani, i cili jeton aktualisht në Vjenë, me dëshirën e mirë për të evidentuar letërsinë dhe shkrimtarët shkodranë, pikërisht në tempullin e librit./KultPlus.com