Rita Ora sapo ka publikuar një fotografi nga vizita e saj e fundit në Kosovë për dhjetë vjetorin e Pavarësisë së Kosovës, ndërsa ka shprehur përkrahjen e saj për kampanjën “Bëhu zëri im”, derisa ka kujtuar takimin me aktivistet e Qendrës Kosovare për Rehabilitimin e të Mbijetuarave të Tortures, shkruan KultPlus.

Përmes postimit ajo ka treguar se është prekur mjaft shumë nga historitë të cilat i ka dëgjuar.

“Kam takuar aktivistet e mrekullueshme nga QKRMT të cilat kanë përkrahur të mbijetuar e dhunës seksuale në Kosovë, jam prekur shumë nga historitë e tyre”, shkruan ylli botëror, Rita Ora, ndërsa ka ftuar të gjithë ta mbështesin kampanjën “Bëhu zëri im.

“Jam krenare ta mbështes kampanjë #bëhuzëriim që lufton diskriminim me të cilin ato përballën, shpresoj që do ta bëni edhe ju të njëjten gjë”, ka shkruar Rita Ora në një fotografi të publikuar në Instagram.

Kampanja “Zërim im” është përkrahje për të mbijetuarat e dhunës seksuale gjatë luftës në Kosovë ndërsa organizohet nga rganizohet nga Qendra Kosovare për Rehabilitimin e të Mbijetuarve të Torturës (QKRMT) në bashkëpunim me Medica Gjakova (MGJ)./ KultPlus.com