Rita Ora mbrëmë ka krijuar një atmosferë të jashtëzakonshme për fansat e Kroacisë, me të cilët bashkë festoi mbrëmë fitoren e Kroacisë në ndeshjen me Rusinë, shkruan KultPlus.

Derisa ylli botëror, Rita Ora mbante flamurin e Kroacisë, fansat e kanë pritur me valvitje të flamurit të Kosovës dhe atë të Shqipërisë. Ora sot ka postuar fotografitë e mbrëmjes së kaluar, duke përfshirë edhe fotografitë e fansave me dy flamujt e shteteve shqiptare.

Ritë mbrëmë performoi në Kroaci në kuadër të festivalit “Rise up”, ndërsa gjatë gjithë performancës dhe pas saj është ndjerë tejet e emocionuar nga pritja atje./ KultPlus.com