Me regji të Zgjim Terziqit, filmi i metrazhit të shkurtër “Një Muaj” – “A month”, është zgjedhur zyrtarisht që të jetë pjesë e edicionit të 14-të të festivalit Annual HollyShorts Film Festival, shkruan KultPlus.

Ky festival, është një ndër festivalet kualifikuese për Osacrs ndërsa mbahet nga data 9 deri më 18 gusht.

“Një muaj”, deri më tani ka marrë pjesë në 25 festivale, ndërsa premierën kombëtare do ta ketë në festivalin DokuFest.

‘Një Muaj’ është film i bazuar në ngjarje të vërtetë dhe flet për Anën, një 40 vjeçare e verbër, e pa martuar, e cila jeton sipas marrëveshjes së katër motrave të saj. Pakti i tyre përmban përkujdesjen e saj, secila me rend nga një muaj, shkruan KultPlus.

Në këtë film luajnë: Makfire Miftari, Luan Jaha, May-Linda Kosumovic, Shengyl Ismajli, Irena Cahani, Fatmir Spahiu, Rinesa Qeriqi, Era Balaj, Dardane Mehmeti, Zog Zeqiri Berisha, Blerina Krasniqi, Nata Zeqiri Berisha, Lis Spahiu./ KultPlus.com