Vanessa Redgrave sonte rikthehet në Prishtinë.

Fituesja e çmimit Oscar, pasi ishte e pranishme në edicionin e parë të festivalit PriFest para dhjetë vitesh, sonte vjen prapë në Kosovë.

Sonte, Redgrave do të jetë prezente në Teatrin Kombëtar për ta prezantuar filmin e saj “Sea Sorrow”, i cili shfaqet me fillim nga ora 20:00.

Sonte shënohet nata e pestë e këtij edicioni jubilar të PriFest në kryeqytetin kosovar.

Filmi “Sea Sorrow” fokusohet në vetë përvojën e Redgrave duke treguar refugjatët që largohen nga zonat e luftës në Evropë. Një krahasim midis trajtimit që i bënin dukurisë qeveritë e viteve 30-të dhe atyre sot. / KultPlus.com