Shkrimtari Veton Surroi është i ftuar sonte në “Letërsia dhe qyteti”, për të rrëfyer qytetin përmes letërsisë.

Në kafenenë “Sonder”, nga ora 19:00, Surroi do të jetë mysafir i dy gazetareve nga Tirana, Alda Bardhyli dhe Beti Njuma për të bashkëbiseduar për letërsinë dhe qytetin në një format ku të gjithë ata që janë të ulur në kafenenë “Sonder” mund ta dëgjojnë bisedën me Surroin dhe të bëjnë pyetje.

“Letërsia dhe qyteti” është një projekt takimesh letrare me shkrimtar, i nisur vitin e kaluar nga gazetaret Alda Bardhyli dhe Beti Njuma, të cilat këtë fundverë, e kanë sjellë atë edhe në Prishtinë./ KultPlus.com