Poezi e shkruar nga Entela Tabaku Sorman.

nuk ka festë sot
nuk ka flijim që e fal gjakun e grues
nuk ka gjak që e lan humbjen e nanës
nuk ka humbje që e tregon jetën e dhunueme
ka vetëm zi
zi sot
lëshojeni dheun t’i mbulojnë rrugët
nuk paska asfalt që e shtron
mjerimin tonë
lëshojeni Drinin të na përmbytin
nuk paska digë që e përmban
mjerimin tonë
nuk ka festë sot
vdekja shkon veshë me fustan
të qëndisun me dorë