Të mërkurën më 28 nëntor prej orës 19:00 në kuadër të “One Night Stand Artist”, hapësira ekspozuese ‘Motrat’ do prezantojë artisten Alketa Ramaj, shkruan KultPlus.

“One Night Stand Artist” sjell një artist për të paraqitur dhe diskutuar punën e tyre në një natë në muaj. Punimet e prezantuar nga artistja Alketa Ramaj do të jenë të ekspozuara për dy javë, ndërsa biseda do të ndodh në natën e parë si pjesë e programit të One Night Stand Artist.

Në këtë One Night Stand Artist artistja Alketa Ramaj bashkëbisedon me gazetarin Vullnet Krasniqi për punët dhe praktikën e saj artistike duke vënë në pyetje format dhe sfidat e punës në artin bashkëkohorë.

Alketa Ramaj ka lindur në vitin 1983 në Përmet, Shqipëri, aktualisht jeton dhe punon në Tiranë. Është diplomuar në 2006 në Akademinë e Arteve të Bukura në Tiranë. Është fitues e çmimit Onufri (2012) dhe e çmimit Ardhje (2013).

Vullnet Krasniqi është redaktor në Gazetën Insajderi, si dhe ka punuar si gazetar për kulturë në BiRN dhe gazetën Koha Ditore. Autor i portalit satirik Kukunews./ KultPlus.com