Artistja kosovare Alketa Xhafa- Mripa ka biseduar për artin e saj në një storie të realizuar nga televizioni Al Jazeera, përcjellë KultPlus.

Alketa Xhafa Mripa e cila ka shkuar në Londër si një refugjatë pasi që ishte larguar nga Kosova gjatë luftës së fundi ka treguar se përmes artit të saj përpiqet që të vë në pah çështjet si emigracioni, refugjatët, dhunimet gjatë luftës e të tjera.

“Ne të gjithë kemi një qëllim në këtë botë. Unë nuk mund të qëndroj indiferente ndaj padrejtësive. Qëllimi im është që ti vë në pah këto çështje përmes kreativitetit. Unë duhet që të veprojë. Duke përfshirë shoqërinë dhe dukë i vënë ata në dijeni për këto çështje ndryshimet mund të bëhen. Arti mund të ndryshojë botën”, është shprehur ajo për Al Jazeera.

Alketa Xhafa Mripa ka biseduar për jetën e saj dhe instilacionin e saj ku në një kamion kishte ftuar komunitetin në Britani për të pirë kafe dhe për të biseduar me të si një refugjatë duke kërkuar kështu edhe besimin e tyre.

Ajo po ashtu ka biseduar edhe për instilacionin e saj “Mendoj për ty” ku kishte vendosur rreth 5 mijë fustane në stadiumin e futbollit  “Fadil Vokrri” në Prishtinë si dhe për projektin e saj “Edhe muret kanë vesh” në kuadër të kësaj storie./ KultPlus.com