Në hapësirat e Ambasadës së Kosovës në Berlin është hapur ekspozita e artistes Shpresa Faqi.

Me laps e letër si dhe me makinën e saj, Faqi u nis me makinë ta kërkojë të kaluarën e saj. Nga qyteti Kassel, përmes Gjermanisë, Austrisë, Sllovenisë, Kroacisë, Bosnje e Hercegovinës, Malit të Zi deri në Kosovë. Gjatë këtij rrugëtimi, ajo njoftoi njerëz dhe vende dhe ekspozoi vizatimet e saj. Në stacionet e saj ajo shfaqi projeksionet dhe ekspozitat- fare në fund edhe në Galerinë Kombëtare të Kosovës.

Me ekspozitën e saj në Ambasadën e Kosovës në Berlin, Shpresa Faqi e përmbyll ciklin e këtij projekti. Ekspozita e saj do të jetë e hapur për vizitorët në tre muajt në vijim.

Ambasadori i Kosovës në Gjermani, Beqë Cufaj, hapi këtë ekspozitë duke u dëshiruar mirëseardhje mysafirëve shprehu kënaqësinë që një artiste kaq e njohur prezanton punën e saj në Ambasadë. Këshilltarja e Amasadës së Kosovës, Shota Bukoshi foli për konceptimin dhe bashkëpunimin me Shpresa Faqin kurse historianja e njohur e artit, Ursula Panhans-Buhler foli për vlerën e vizatimeve dhe ngjyrat e kapakëve të rrotave të makinës.

Pas ceremonisë së hapjes, të pranishmit e shumtë në këtë ekspozitë biseduan me artisten duke shprehur interesin për shumëanshmërinë e punë së saj.

Ekspozita e Shpresa Faqit shënon përmbylljen e aktiviteteve të shumta që Ambasada e Kosovës në Berlin zhvilloi me rastin e shënimit të 10 Vjetorit të Marrëdhënieve Diplomatike mes Kosovës e Gjermanisë.