Ish presidentja e vendit, Atifete Jahjaga, sot i ka dhuruar 100 euro për shitjen e banerit me fotografinë e saj.

Jahjaga, me të kuptuar se baneri me figurën e saj në MIQT PUB në kryeqytet do të dalë në ankand dhe të hollat do të dërgohen për bamirësi, ka dhuruar këtë shumë të hollash.

Lajmin e ka konfirmuar për KultPlus Dardan Ibrahimi nga MIQT PUB.

“Kur të shitet baneri, i shtohen edhe 100 euro të donacionit simbolik në fjalë” tregon Dardan Ibrahimi.
Baneri e tregon Jahjagën me një armë në dorë, dhe ka qenë i famshëm në MIQT PUB.

Baneri është i vendosur kah toaleti, ndërsa në të shkruan “Laj duar, Zana!”. / KultPlus.com