Me rastin e ditës se Dyerve të Hapura të Ambasadave, ekspozoi piktori i njohur Gazmend Freitag për herë të tretë radhazi veprat e tij në Ambasadën e Shqipërisë në Vjenë.

Duke punuar me traditën e Impresionizmit Evropian, ky piktor shqiptar është i njohur për veprat e tij me motive shqiptare, të cilat ai me dashuri i paraqet në portrete dhe peisazhe.

Edhe këtë herë, piktori na siguroi një vështrim në shpirtin shqiptar, si për shembull përmes pikturave vaj në kanavace „Baresha“, „Der Adler“, “Nadege am Meer” dhe “Obstladen in Prizren”. Për herë të parë admirohen edhe portretet e Pjetër Bogdanit dhe Dr. Marianne Graf, si dhe grafikat „Die Braut von Mitrovica“, “Skanderbeg in Kruja”, “Albanische Gutenachtgeschichte”, “Albanerin mit Pferd”, “Tanz der Schwerten“, dhe “Flugzeug auf Festung”, të cilat si grafika te rëndësishme shumë herë kanë qenë të publikuara në media. / KultPlus.com