Të mërkurën, në ora 18:00 në Bibliotekën Kombëtare “Pjetër Bogdani” në Prishtinë do të hapet ekspozita shitëse, ekspozitë kjo që dedikohet për shërimin e regjisorit Bekim Lumit, shkruan KultPlus.

“Shpresojmë që të reflektoni për ta ndihmuar profesorin i cili po vuan nga sëmundja e kancerit, shpenzimet financiare për kurimin e tij janë të pa përballueshme që ti mbuloj i vetëm, ne së bashku mund ti ndihmojmë me sado pak kontribut që ti sigurojmë mjetet e nevojshme që i duhen më shumë se kurrë profesorit, edhe më shumë na duhet ai neve dhe vendit tonë sepse është vlerë e madhe për UP-në dhe Teatrin Kombëtar. Ne mund ti ruajmë vlerat tona”, thuhet nga organizatorët e kësaj ekspozite, që është Këshilli i Studentëve të Fakultetit të Arteve të Bukura në Prishtinë.

Autorët që kanë nxjerrë në shitje veprat e tyre janë: Visar Sylaj, Imer Gashi, Arbresha Gashi, Bedri Haziri, Fjolla Ferati, Arben Elshani, Valdrin Thaçi, Lumturie Krasniqi, Shkurta Haxhiu, Egzon Arifi, Avni Demiri, Edison Bibaj, Ardita Krasniqi, Arlinda Kabashi, Sabri Rushiti, Krenare Sejdiu, Edmond Hoti, Donat Krasniqi, Gentian Gashi, Gentiana Thaçi, Arbresha Lakna, Gentiana Belallari, Filloreta Gashi, Qendresa Zeka, Ardhmerie Bregovina,Dardan Murseli, Dardan Shala, Ajnesha Berisha, Besa Sopaj, Albana Ejupi dhe Arbnor Karaliti./KultPlus.com