Këtë të premte, me datë 7 korrik, prej 19:00 do të bëhet hapja e ekspozitës së Farija dhe Bajram Mehmetit.

Motër dhe vëlla, Farija dhe Bajrami në pikturat e tyre sjellin traditën dhe jetën e përditshme të komunitetit Rom, gjithashtu të bazuar edhe në imagjinatën e tyre.

Ekspozita do të hapet në Soma Book Station në Prishtinë.

Farija sjellë portrete të grave Roma duke potencuar veshjet dhe ngjyrat të cilat mundohet ti ruajë si kulturë autentike. Në anën tjetër Bajrami sjellë momente shoqërore, familjare të cilat ndodhin në peisazhe të mahnitshme të bazuara në fshatrat përeth vendabanimit të tyre.

Ngjyrat dhe detajet në punën e Farija dhe Bajram Mehmetit tregojnë se si një kulturë manifestohet nëpërmjet imagjinatës dhe realitetit.

Pikturat e ekspozuara janë në shitje. / KultPlus.com