Kjo performancë është vazhdimësi e projektit të mëhershëm “Me G, a me Gj”, duke u realizuar prej pjesëmarrjes së publikut. Gjatë performancës, audienca do të ketë mundësi, që nëpërmjet kufjeve “wireless”, ta dëgjojnë një rrëfim mbi trashëgiminë kulturore dhe jetën sociale në Gjilan.

Ecja e publikut do të bëhet nga Sahat Kulla, nëpër Parkun e Qytetit, e deri te Sheshi i Ri në qendër të qytetit (afër ish-Urës së Maskatarit).

Në dy pika të kësaj rruge ecjeje të publikut, do të kemi dy instalacione të artistëve – pjesëtarë të Asociacionit për Art Bashkëkohor “Varg e Vi”, Din Azizit dhe Kushtrim Sylejmanit.

“Projekti “G-Performance” realizohet në kuadër të projektit “GRAS – GrassRoots Action Support” i implementuar nga IKS, Lens dhe FES dhe financuar nga Bashkimi Evropian dhe menaxhuar nga Zyra e Bashkimit Evropian në Kosovë. / KultPlus.com