Në vend që të ofrojnë buzëqeshjet e zakonshme me rroba banje, garueset e këtij viti në paraqitjen e Miss Peru përdorën një platformë që detyroi jurinë dhe anëtarët e publikut të përballen me dhunën gjinore.

Në mes të një numri të dyshimeve të ngacmimeve seksuale ndaj njerëzve të shquar në Shtetet e Bashkuara (që arritën një rritje të madhe me ngritjen e fushatës #MeToo), kjo paraqitje e tyre ishte një rikujtim se gratë në mbarë botën po luftojnë çdo ditë për të përmirësuar cilësinë të jetës së tyre, shkruan Vogue, përcjellë KultPlus.

Gjatë pjesës së paraqitjes së Miss Peru, kur nga garueset pritej që të tregonin përmasat e belit dhe të shpatullave, ato ofruan statistika për dhunën gjinore në vendin e tyre. BuzzFeed News raportoi mbi të dhënat e tmerrshme nga një vend ku gratë janë viktima të abuzimit në numra tronditës.

Disa nga prezantimet e këtyre garueseve ishin:

“Emri im është Camila Canicoba dhe unë përfaqësoj departamentin e Lima. Përmasat e mia janë: 2,202 raste të vrasjeve të grave të raportuara në nëntë vitet e fundit në vendin tim”.

“Emri im është Juana Acevedo dhe përmasat e mia janë: Më shumë se 70 për qind e grave në vendin tonë janë viktima të ngacmimeve në rrugë”.

“Almendra Marroquín këtu. Unë përfaqësoj Caete-n dhe përmasat e mia janë: Më shumë se 25 për qind e vajzave dhe adoleshentëve abuzohen në shkollat e tyre”.

“Emri im është Bélgica Guerra dhe unë përfaqësoj Chincha-n. Përmasat e mia janë: 65 për qind e grave universitare që sulmohen nga partnerët e tyre”.

Organizatorët gjithashtu shfaqën copëzat e gazetave prapa garueseve gjatë paraqitjes me rroba banje, me tituj që përshkruanin vrasjen dhe sulmin e grave. Organizatori, Jessica Neeton gjithashtu mbrojti daljen me rroba banje kundër akuzave për objektivizëm, duke thënë se “gratë mund të dalin lakuriq nëse duan”.

Në raundin e fundit, garueset u pyetën se cila do të ishte ndihma më e mirë për t’i dhënë fund vrasjeve të grave në Peru. Iniciativa është pjesë e një lëvizjeje më të madhe në Amerikën Latine, #NiUnaMenos, “Jo më pak,” e cila filloi nga feministet argjentinase. Më shumë se 50,000 peruane u bashkuan në protesta #NiUnaMenos në gusht. Çështja është bërë edhe më shumë pikëlluese kohëve të fundit, pasi që Maritza García, presidente e komisionit të grave të Perusë, tha se gratë ishin më fajtore për rritjen e numrit të vrasjeve te grave./ KultPlus.com

#Repost @bbcnews ・・・ A beauty pageant with a difference. Miss Peru contestants broke with tradition and used the event to highlight figures detailing violence against women rather than give their body measurements. One women said a girl dies every 10 minutes due to sexual exploitation in Peru. #missperu #peru #beauty #beautypageant #pageant

A post shared by Organización Miss Perú (@missperuofficial) on Nov 1, 2017 at 9:59am PDT