Një nga piktorët më të mirë të Francës numërohet Andre Derain.

Derain ka lindur në Chatou e ka vdekur në vitin 1954 në Garches në Francë. Një nga adhuruesit e kubizmit dhe divizionizmit, Derain numërohet edhe si themelues i lëvizjes “fauvism” bashkë me Henri Matisse.

Fauvizmi rrjedhë nga fjala Les Favues – Bishat e Egra, kjo për shkak të ngjyrave që këta piktorë i përdornin në krijimet e tyre dhe të cilat ishin ngjyra të gjalla e të panatyrshme.

THE DANCER
Po i sjellim sot disa prej pikturave të këtij gjeniu ngjyrash nga Franca. “The Dancer”, – punë e vitit 1906, e sjellë një copëz nga jeta parisiene, me një vajzë si protagoniste të ulur në dhomën e saj të qetë, me aq sa marrim emocion nga ngjyrat e Derain. Nuk dihet nëse vajza është në fakt valltare, siç asocon titulli, apo një vajzë me një qëllim tjetër. Tek vetë puna shihet përdorimi i ngjyrave të ndezura, dridhëse.

THE GIRL CUTTING APPLE
Një vajzë po qëron mollët, në punën e vitit 1938. Një pikturë klasike që e sjellë një stil tjetër dhe më tradicional të piktorit e skulptorit francez. Ngjason edhe me neo-klasicizmin, shkruan KultPlus.

WOMAN WITH SHAWL
Gratë janë inspirim për piktorin dhe kjo shihet në disa punë artistike të tij në periudha të ndryshme. Gruaja në këtë pikturë vjen e veshur dhe me shikim në dysheme, e qetë e në të bardhë, një japoneze e veshur në kimono tradicionale. Në fakt në pikturë është e paraqitur Madame Matisse, dhe kjo tregon raportin e mirë dhe njerëzor që kishte piktori me personazhin në pikturë. / KultPlus.com