Alberina Haxhijaj

Komuniteti “HAP”, sot ka realizuar një performancë para Fakultetit të Arteve në Prishtinë. Ata i kanë përshkruar një infuzion 8 % si diagnozë këtij fakulteti duke e shpallur gjendjen e tij si gjendje alarmante.

Peformanca e titulluar “Ju duhet, na duhet” kanë njoftuar grupi se vjen si shkak i pamundësisë për të ndryshuar rrethanat e mënyrën se si funksionon Universiteti i Prishtinës , e përkatësisht Fakulteti i Arteve.

Kështu ata kanë vendosur që të i shkruajnë një terapi këtij Fakultetit i cili sipas tyre momentalisht është në gjendje kome për shkak të disa arsyeve ndër të cilat kanë numëruar:
– Mosmbajtja e mësimit të rregullt
– Neglizhenca dhe joprofesionalizmi nga profesorët
– Kuadri jo i duhur
– Mungese e hapësirave
– Keqmenaxhim fondesh.

“Ne si pikënisje për rehabilitim injektojmë këtë infuzion me shpresë që ta kthjellojmë situatën, e që Universiteti të ngrihet prapë në këmbë” thuhet në njoftimin e grupit “HAP”.

HAP përbëhet nga Brilant Milazimi, Dardan Murseli, Arbnor Karaliti, Ermir Zhinipotoku, Valdrin Thaqi, Alban Januzi, Petrit Maliqi dhe Naim Geci.

HAP është një komunitet artistesh i përberë nga piktore, skulptore, artiste konceptual e fotografe, të cilët kanë vendosur që të zgjedhin artin bashkëkohorë për të trajtuar tema të ndryshme sociale./ KultPlus.com