‘Manipulim’ titullohet ekspozita më e re e cila është hapur në Muzeun Kombëtar Marubi. Kjo ekspozitë do të ketë në qendër të saj fotografitë e retushuara të arkivës së Marubit, shkruan KultPlus.

Kryeministri Edi Rama ka postuar sot në rrjetin social Facebook, një klip prezantues të kësaj ekspozite e cila është hapur në Muzeun Kombëtar Marubi.

“Mirëmëngjes dhe ju uroj një ditë të mbarë me këtë klip prezantues të ekspozitës më të re çelur sot në Muzeun Kombëtar Marubi, titulluar ‘Manipulim’. Fotografitë e retushuara të arkivës së Marubit do të jenë në qendër të kësaj ekspozite e cila tenton të nxjerrë në pah për herë të parë historinë e hershme të manipulimit të fotografive, për t’i ballafaquar ato me të vërtetën që dëshmojnë negativët origjinalë të paprekur”, shkruan kryeministri Rama në postimin e tij. KultPlus.com