Himara në dokumentet e Arkivit Qendror Shtetëror, është prezantuar në një ekspozitë dokumentare dhe fotografike”.

Kryetari i Bashkisë Jorgo Goro ka hapur ekspozitën dhe ka falënderuar Drejtorin e Përgjithshëm të Arkivave, Ardit Bido për bashkëpunimin, sepse Himara është e mbushur me dokumente dhe histori.

“Kjo ekspozitë është shumë interesante për vendasit dhe pushuesit për të treguar historinë e kësaj treve, që nëpërmjet atdhedashurisë arriti të ndërtoj këtë realitet”, tha Goro.

Gjithashtu edhe Drejtori i Arkivave Bido falënderoi kryetarin e Bashkisë Himare.

“Himara është shumë e bukur, ka një histori të gjallë. Në këtë mënyrë ne i promovojmë këto vlera të veçanta të cilat gjenden në Arkivin Qendror të Shtetit, si arkivi unik nga lloji vet në Shqipëri, në mënyrë që të gjithë të shohin paraardhësit e tyre, ku jetonin, si jetonin dhe si frymëzim për të tashmen”, u shpreh Bido.

Kjo ekspozitë pritet të jetë një nga asetet më të rëndësishme dhe një ndër pikat kulturore më të vizituara në Himarë pasi kjo ekspozitë do i shërbejë shumë turistëve vendas dhe të huaj në njohjen e kulturës dhe historisë mijëravjeçare të Himarës./ KultPlus.com