Kthimi i Galerisë së Arteve në një muze arti, ka qenë një sfidë e hershme e drejtuesve të këtij institucioni ndër vite.

Tashmë Galeria ia ka besuar kurimin e linjës muzeale Nataša Ilić-it.

Së fundmi ajo është angazhuar edhe si drejtuese e Kunsthalle Wien së bashku me anëtaret e tjera të kolektivit kuratorial What, How & for Whom (WHW), i bazuar në Zagreb (Kroaci). Rikonceptimi i linjës muzeale në Galerinë Kombëtare të Arteve pritet të përfundojë në fund të këtij viti.

Nataša Ilić (lindur ne Zagreb) është kuratore e pavarur dhe anëtare e “What, How & for Whom (WHW), qendër kuratoriale në Zagreb e Berlin e fokusuar tek artet pamore. Ajo ka kuruar edicionin e 11 të Bienales së Stambollit më 2009, Pavijonin kroat në Bienalen e Venecias më 2010 si dhe shumë ekspozita të tjera kolektive në Evropë.