Shkodra do të vjen në Kosovë, por kësaj herë nëpërmjet fotografisë, shkruan KultPlus.

Pjetër Logoreci i cili ka punuar në një libër-fotoalbum “Histori shkodrane në fotografi”, do ta promovojë këtë vepër nesër në Prishtinë.

Autori ka njoftuar se libri do të promovohet në Bibliotekën Kombëtare të Kosovës, më 28 korrik, prej orës 12:00, ku do të prezantohet ky libër që do të sjell fotografi të panjohura, e që janë nxjerrë nga arkivat austriake 1908/ 1917.

Të gjitha fotografitë janë pjesë e arkivave të Austrisë dhe paraqesin pamje nga jeta sociale, kulturore, zakonore, fetare, ushtarake, si dhe foto personazhesh të njohura shqiptare që kanë studiuar apo vepruar në Austri e Vjenë./KultPlus.com