Më 22 janar do të bëhet hapja e Muzeut të Fëmijëve të Luftës në Prishtinë.

Kjo nismë është e përkushtuar për të ruajtur kujtimet e fëmijërisë gjatë luftës në Kosovë, duke siguruar që përjetimet personale të luftës të mos harrohen. 

“Në këtë ngjarje do të hapim ekspozitën e parë të Muzeut “Fëmijëria e Ndërprerë” e cila zbërthen një rrugëtim të fshehjes, të ikjes në kushte ekstreme, të përballjes traumatike me humbjen dhe vdekjen, si dhe të situatës së krijuar pas përfundimit të luftës.

Jemi të hapur për intervista edhe paraprakisht. Për çdo pyetje, mos hezitoni të na kontaktoni”, thuhet në një komunikatë për media.

Hapja bëhet më 22 janar në ora 18:00, afër zyreve të YIHR KS./ KultPlus.com